Thursday 23 January 2020
Home      All news      Contact us      English
tert.am - 1 month ago

Ամեն առավոտ մեր բակում երկու պապիկ թաղում են այս իշխանություններին ու ընդդիմություններին, բայց այդ պապիկներին չի կարելի քրեական պատասխանատվության ենթարկել. Թագուհի Ղազարյան

Ամեն առավոտ մեր բակում երկու պապիկ էս իշխանություններին ու ընդդիմություններին թաղում են, բայց իրենց խոսքը ո՛չ կոնկրետ ռիսկ է պարունակում, ո՛չ մեծ տարածում ունի, հետևաբար չի կարելի այդ պապիկիներին միամիտ կողքից լսել և գնալ, քրեական պատասխանատվության ենթարկել: Այս մասին ԱԺ մարդու իրավունքների մշտական հանձնաժողովի նիստում ատելության խոսքի դեմ պայքարին ուղղված Հայաստանի Հանրապետության օրենսդրության բարեփոխման շուրջ քննարկումների նպատակով աշխատանքային խմբի ստեղծման հարցը քննարկելու ընթացքում ասաց ԱԺ Իմ քայլը խմբակցության պատգամավոր Թագուհի Ղազարյանը: Շատ կարևոր է, թե այդ խոսքը ով է ասում, որտեղից է ասում, որքան լսարանի է հասանելի և որքան իրական ռիսկեր է պարունակում կոնկրետ այդ խմբի մարդկանց համար ,- ասաց նա: ԱԺ Իմ քայլը խմբակցության պատգամավոր Մարիա Կարապետյանն էլ ընդդիմադիրների կողմից արված քննադատություններին առ այն, թե սև ու սպիտակի, ասֆալտին փռելու վերաբերյալ արված հայտարարություններն ատելության կամ բռնության խոսք են, ասաց. Սև ու սպիտակի մասին. վարչապետն ասաց՝ գուցե ոչ հաջող ձևակերպում էր, մեր հասարակությանը շատ ավելի վառ գույներով կարելի է ներկայացնել: Կարելի էր կառչել վարչապետի այս խոսքից էլ ու ասել՝ այ, գույներ եք ասո՞ւմ, երևի ձեր մտքին ուրիշ բան կա: Ինչ-որ արտահայտություն վերցնել և շրջանառել, թե այ սա տիպիկ օրինակ սխալ է, դրանից հետո ասֆալտին փռելու հայտարարությունը օգտագործվեց կոնկրետ հանցագործների նկատմամբ: Դե եկեք ու տեսեք ոստիկանության գործողությունների ժամանակ, երբ հանցագործը փախուստի է դիմում, նրան պառկեցնում են ասֆալտին: Ուզում եմ ասել՝ հղում կատարելիս՝ եկեք կոնտեքստից չկտրենք ասվածը ,- ասաց նա: Այս հայտարարությանն արձագանքեց ԱԺ Լուսավոր Հայաստան խմբակցության պատգամավոր Անի Սամսոնյանը: Մենք այստեղ հույս ենք հայտնում, որ այդ աշխատանքային խումբը լինելու է անաչառ, բայց Դուք արդեն սկսում եք արդարացնել սև ու սպիտակը, սկսում եք արդարացնել ասֆալտին փռելը: Իսկ ի՞նչ է նշանակում հանցագործներին ասֆալտին փռելը. նախ լիքը մարդիկ կան, ում մեղքը դեռ ապացուցված չէր, դուք այդ մարդկանց անմեղության կանխավարկածը խախտում եք ու հիմա ասում եք՝ ճիշտ է նրանց նկատմամբ ասել՝ ասֆալտին փռել, միգուցե թաթիկներ կտրել -ն էլ փորձեք արդարացնել ու ասել, որ դա բռնության կամ ատելության խոսք չէ: Ես իսկապես չեմ հասկանում, թե դուք ինչ եք ուզում ,- ասաց նա:

Related news

Latest News
Hashtags:   

առավոտ

 | 

բակում

 | 

երկու

 | 

պապիկ

 | 

թաղում

 | 

իշխանություններին

 | 

ընդդիմություններին

 | 

պապիկներին

 | 

կարելի

 | 

քրեական

 | 

պատասխանատվության

 | 

ենթարկել

 | 

Թագուհի

 | 

Ղազարյան

 | 
Most Popular (6 hours)

Most Popular (24 hours)

Most Popular (a week)

Sources