Saturday 25 January 2020
Home      All news      Contact us      English
tert.am - 1 month ago

Արարատ Միրզոյանը «սվաղում է» Փաշինյանի բացերը…

Դեկտեմբերի 12-ին, Ազգային ժողովում վարկային համաձայնագրերի վավերացմանն առնչվող հարցի քննարկման ժամանակ Ազգային ժողովի նախագահ Արարատ Միրզոյանն, անդրադառնալով հարցի շուրջ ընդդիմության ցուցաբերած վարքագծին, հանդես է եկել, ըստ էության, նոնսենսային հայտարարությամբ՝ կարծիք հայտնելով, թե իզուր են մեծամասնության կոչերն՝ ընդդիմությանը՝ քվեարկելու կողմ այս նախագծերին: Կան չգրված կանոններ. ընդդիմությունը, որպես կանոն, բյուջեին, կառավարության ծրագրին, վարկային համաձայնագրերին կողմ չի քվեարկում: Հիմա այդպես է, մենք էլ, որ ընդդիմություն լինենք վաղը կամ մյուս օրը, մենք էլ ենք այդպես անելու: Սա նորմալ է, ֆիքսե՛նք: Շատ լավ է, որ ընդդիմությունը գլխով հավանության նշան է անում: Սա հավաստում է, որ փաստարկներն իրականում կապ չունեն ,-մասնավորապես հայտարարել է Արարատ Միրզոյանը: ԱԺ նախագահը փաստացի հայտարարում է, որ Հայաստանում ընդդիմության գործունեությունը կրում է ինքնանպատակ, հետևաբար և անպատասխանատու բնույթ: Այսինքն՝ այս կամ այն հարցի վերաբերյալ դիրքորոշում ցուցաբերելիս ընդդիմադիրներն առաջնորդվում են բացառապես մեկ տրամաբանությամբ՝ իշխանություններին ամեն գնով ընդդիմանալու, փնովելու, ապակառուցողականություն ցուցաբերելու: Այս առումով հարց է առաջանում, թե իրերի ու երևույթների մասին կարծիք կամ պատկերացում կազմելիս ԱԺ նախագահն, ով խորհրդարանական Հայաստանում, փաստորեն, բարձրագույն ղեկավարության կարևորագույն ներկայացուցիչ է, ի՞նչ սկզբունքներով է առաջնորդվում, ի՞նչ կամ ո՞ւմ արշինով է չափում, Նիկոլ Փաշինյանի՞: Միրզոյանի տրամաբանությամբ ստացվում է, որ նույն Քաղաքացիական պայմանագիրը ժամանակին ընդդիմադիր գործունեություն ծավալելիս առաջնորդվել է նույն ապակառուցողական սկզբունքով՝ մերժելով, փնովելով իշխանությունների նախաձեռնությունները նույնիսկ այն դեպքում, երբ դրանք միանգամայն դրական ու կառուցողական են եղել. փաստացի ցուցաբերել են ինքնանպատակ վարքագիծ՝ հաճախ ոչ մի հիմք չունենալով: Ակնհայտ է, որ այս ամենով Արարատ Միրզոյանը փորձում է, նախևառաջ, սրբագրել Նիկոլ Փաշինյանի անցյալն ու ներկան՝ փաստացի ինքնանպատակ հռչակելով վերջինիս գործունեությունը թե՛ ընդդիմադիրի, թե՛ բարձրագույն իշխանության առանցքային ներկայացուցչի դերում. փորձ է արվում խնամքով սվաղել ընդդիմադիր Նիկոլի ու վարչապետ Փաշինյանի հայտարարություններում, գործողություններում անկոծկելի դարձած դիսոնանսը: Մյուս կողմից՝ Միրզոյանի հայտարարությունը կամ ընդդիմության մասին նրա ունեցած պատկերացումները անհաշտ հակասության մեջ են մտնում ոչ միայն սթափ տրամաբանության, այլև, նախևառաջ, քաղաքագիտական դասական նորմերի հետ, քանի որ այլասերում են քաղաքական ընդդիմություն ասվածի էությունը, երկրի կյանքում դրա ունեցած դերի հարցը: Քաղաքականության, իշխանության ու ընդդիմության մասին նման պատկերացումները կարող են հատուկ լինել կա՛մ իրականության զգացողությունը կորցրածի, կա՛մ այդ իրականությանը սեփական աշխարհայացքային պրիզմայի ներքո դիտարկողի համար: Արարատ Միրզոյանի պարագայում այլ բան ակնկալել պետք էլ չէր՝ հաշվի առնելով, թերևս, այն, թե որ ուժի ներկայացուցիչ է Ազգային ժողովի նախագահը:

Related news

Latest News
Hashtags:   

Արարատ

 | 

Միրզոյանը

 | 

սվաղում

 | 

Փաշինյանի

 | 

բացերը…

 | 
Most Popular (6 hours)

Most Popular (24 hours)

Most Popular (a week)

Sources