Wednesday 29 January 2020
Home      All news      Contact us      English
tert.am - 1 month ago

Երևանում կստեղծվի «Կանաչապատում և շրջակա միջավայրի պահպանություն» ՀՈԱԿ. ընդդիմությունը պնդում է՝ քաղաքապետարանը գնում է պլանային տնտեսության ճանապարհով, որը խնդիրների է հանգեցնելու

Երևանում կստեղծվի Կանաչապատում և շրջակա միջավայրի պահպանություն համայնքային ոչ առևտրային կազմակերպություն: Ավագանին այսօրվա նիստում 45 կողմ, 3 դեմ ձայներով ընդունեց որոշման նախագիծը: Նախագիծը ներկայացնող, քաղաքապետի առաջին տեղակալ Հրաչյա Սարգսյանի խոսքով՝ ՀՈԱԿ-ի ստեղծումը թույլ կտա կենտրոնացնել կանաչապատման աշխատանքների համար քաղաքապետարանի կողմից տրամադրված գումարները և հստակ տնօրինել դրանք: Կատարված աշխատանքները քաղաքի համար կիրականացվեն միասնական մոտեցմամբ: Բյուջեով ՀՈԱԿ-ին կհատկացվի 3 մլրդ 400 մլն դրամ: 2 մլրդ 200 մլն դրամը լինելու է աշխատավարձը, այսինքն՝ աշխատողների աշխատավարձը մոտ 2.5 անգամ բարձրանալու է՝ համեմատած Երևանի վարչական շրջաններում կանաչապատում իրականացնող ՓԲԸ-ներում աշխատողների աշխատավարձերի ,- հայտնեց նա: Քաղաքապետ Հայկ Մարությանը Կանաչապատում և շրջակա միջավայրի պահպանություն ՀՈԱԿ-ի ստեղծումը համարում է շատ ճիշտ և մեծ քայլ : Սկսում ենք մի գործընթաց, սա աղբի տեսակավորումն է, և դրանով բնապահպանական մեծ խնդիր ենք լուծում: Մենք ինչ-որ պոպուլիստական քայլեր չենք անելու, որոնք միանգամից երևալու են, այլ սկսելու ենք պրոցեսներ, որոնց արդյունքը երևալու է 15-20 տարի հետո ,- նշեց քաղաքապետը: Հայկ Մարությանը նաև ՀՈԱԿ-ին աջակցելու կոչով դիմեց երևանցիներին և ոչ միայն. Քանի որ ակնհայտ է, որ այս պահին համայնքն ամբողջ գույքը չի կարող համալրել, կոչ եմ անում Երևանում և սփյուռքի հայրենակիցներին մասնակցություն ունենալ ՀՈԱԿ-ի գույքի համալրմանը : Երևանի ավագանու ընդդիմադիր Լույս խմբակցությունը, մինչդեռ քննադատեց քաղաքապետարանի՝ համայնքային ևս մեկ կազմակերպություն ստեղծելու հանգամանքը: Խնդիրը հետևյալն է. ԽՍՀՄ փլուզումից հետո պետությունները որոշեցին ազատականացնել տնտեսությունները, որովհետև մի բան եթե չունի մրցակցություն, ուշ թե շուտ հայտնվելու է կոլապսի առջև: Պետությունը վատ կառավարիչ է հատկապես ոչ մրցակցային շուկայում, դա ակնհայտ է: Իշխանությունները հայտարարում են՝ դուրս ենք իզմ -երից, բայց դուք իզմ -երից դուրս չեք: Այս ամենը լավ էլ իզմ -երի մեջ տեղավորվում է, և այն կոչվում է սոցիալիզմ: Դուք գնում եք պլանային տնտեսության ճանապարհով, երբ որոշում եք, որ ամեն ինչ պետք է իրականացնի համայնքը: Սխալ ճանապարհով ենք գնում, ուշ թե շուտ կանգնելու ենք խնդրի առաջ ,- ասաց Դավիթ Խաժակյանը:

Related news

Latest News
Hashtags:   

Երևանում

 | 

կստեղծվի

 | 

Կանաչապատում

 | 

շրջակա

 | 

միջավայրի

 | 

պահպանություն

 | 

ընդդիմությունը

 | 

պնդում

 | 

քաղաքապետարանը

 | 

գնում

 | 

պլանային

 | 

տնտեսության

 | 

ճանապարհով

 | 

խնդիրների

 | 

հանգեցնելու

 | 
Most Popular (6 hours)

Most Popular (24 hours)

Most Popular (a week)

Sources