Monday 20 January 2020
Home      All news      Contact us      English
tert.am - 1 month ago

Պետությունը պետք է ապահովի  ազատությունից զրկված փախստականների և ապաստան հայցողների հատուկ սնունդ ստանալու, կրոնական գրականությունից օգտվելու և այլ իրավունքներ․ քննարկում ՄԻՊ աշխատակազմում

Մարդու իրավունքների պաշտպանի աշխատակազմում տեղի է ունեցել ազատությունից զրկված փախստականների, ապաստան հայցողների և քաղաքացիություն չունեցող անձանց իրավունքների ապահովման մշտադիտարկման վերաբերյալ աշխատաժողով։ Այս մասին հայտնում են ՀՀ մարդու իրավունքների պաշտպանի աշխատակազմի հանրային կապերի բաժնից: Աշխատաժողովը կազմակերպվել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի աջակցությամբ իրականացվող ծրագրի շրջանակում, որի ընթացքում ոլորտի իրավասու պետական մարմինները և միջազգային ու հասարակական կազմակերպությունները ներկայացրել են իրենց փորձը։ Մարդու իրավունքների պաշտպանի խորհրդական Սերգեյ Ղազինյանը ներկայացրել է Պաշտպանի կողմից իրականացվող աշխատանքն ազատությունից զրկված փախստականների, ապաստան հայցողների և քաղաքացիություն չունեցող անձանց իրավունքների ապահովման ոլորտում։ Հատուկ հաստատություններում պետության պոզիտիվ պարտականությունից է բխում հաշվի առնել ազատությունից զրկված փախստականների, ապաստան հայցողների և քաղաքացիություն չունեցող անձանց կրոնական, ազգային պատկանելության և այլ հիմքերով պայմանավորված առանձնահատկություններ։ Օրինակ՝ այս համատեքստում պետությունը պետք է ապահովի նրանց հատուկ սնունդ ստանալու, կրոնական գրականությունից օգտվելու, իրենց հասկանալի լեզվով վերաբերելի տեղեկություն ստանալու և այլ իրավունքները ,- նշել է Մարդու իրավունքների պաշտպանի խորհրդականը։ Մարդու իրավունքների պաշտպանի աշխատակազմի Խոշտանգումների և վատ վերաբերմունքի կանխարգելման վարչության պետ Գոհար Սիմոնյանը ներկայացրել է Պաշտպանի աշխատակազմի՝ ազատությունից զրկման վայրերի մշտադիտարկման մեթոդաբանությունը։ Միջոցառման ընթացքում Եվրոպայի խորհրդի և Կարմիր խաչի միջազգային կոմիտեի փորձագետները ներկայացրել են ազատությունից զրկված անձանց իրավունքների ապահովման մշտադիտարկման մեթոդաբանության, խնդիրների արձանագրման և դրանց լուծմանն ուղղված քայլերի վերաբերյալ միջազգային փորձը, խոցելի խմբերի հետ աշխատանքի առանձնահատկությունները։

Related news

Latest News
Hashtags:   

Պետությունը

 | 

ապահովի 

 | 

ազատությունից

 | 

զրկված

 | 

փախստականների

 | 

ապաստան

 | 

հայցողների

 | 

հատուկ

 | 

սնունդ

 | 

ստանալու

 | 

կրոնական

 | 

գրականությունից

 | 

օգտվելու

 | 

իրավունքներ․ քննարկում

 | 

աշխատակազմում

 | 
Most Popular (6 hours)

Most Popular (24 hours)

Most Popular (a week)

Sources