Sunday 26 January 2020
Home      All news      Contact us      English
tert.am - 1 month ago

Թրամփի դժգոհ աջակիցները փորձել են խանգարել Գլենդեյլում Ցեղասպանության ճանաչմանը նվիրված միջոցառումը (լուսանկարներ)

Անցած հանգստյան օրերին ամերիկյան Գլենդեյլ քաղաքի հանրային գրադարանում Սենատի կողմից Հայոց ցեղասպանությունը ճանաչող բանաձևի ընդունման կապակցությամբ միջոցառում է կազմակերպվել, որը, սակայն, խանգարել են նախագահ Դոնալդ Թրամփի աջակիցները: Նրանց թիրախը եղել է Թրամփի ամենահայտնի ընդդիմախոսներից մեկը՝ կոնգրեսական Ադամ Շիֆը:

Ինչպես հայտնում է desertsun.com-ը, Թրամփի աջակիցները դեմ են ԱՄՆ Կոնգրեսում նախագահի պաշտոնանկության հարցով սկսված գործընթացին, որում Ադամ Շիֆն առաջնային դերակատարում ունի:

Աղբյուրը մանրամասնում է, որ Թրամփի աջակիցները ծածանել են Պաշտոնանակ մի՛ արա գրությամբ պաստառներ, իսկ երբ Շիֆը սկսել է իր ելույթը, նրանք սկսել են սուլել և այլ խանգարող ձայներ արձակել:

Իրավիճակին միջամտել է Daily Asbarez պարբերականի խմբագիր Արա Խաչատուրյանը, որը, դիմելով Թրամփի աջակիցներին, ասել է. Սա Հայոց ցեղասպանության 1,5 մլն զոհերի հիշատակը ոգեկոչող միջոցառում է և եթե ցանկանում եք խանգարել այն, ապա հեռացեք: Չեմ հանդուրժի, որ որևէ մեկն անհարգալից լինի իմ պապիկի և 1,5 մլն զոհերի հիշատակի նկատմամբ :

Սակայն նախագահի աջակիցներն անդրդվելի են եղել: Նրանք Շիֆին ստախոս են անվանել, կոչ են արել հեռանալ, իսկ հետո Միացյալ Նահանգների օրհներգն են երգել:

Հիշեցնենք, որ նախորդ շաբաթ ԱՄՆ Սենատը Հայոց ցեղասպանությունը ճանաչող և դատապարտող բանաձև է ընդունել: Ադամ Շիֆը մեկնաբանելով բանաձևի ընդունումը, նշել էր, որ Ցեղասպանության ընդունումը 19 տարի շարունակ իր առաջնահերթությունների շարքում է եղել:

Related news

Latest News
Hashtags:   

Թրամփի

 | 

դժգոհ

 | 

աջակիցները

 | 

փորձել

 | 

խանգարել

 | 

Գլենդեյլում

 | 

Ցեղասպանության

 | 

ճանաչմանը

 | 

նվիրված

 | 

միջոցառումը

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources