Monday 20 January 2020
Home      All news      Contact us      English
tert.am - 1 month ago

406 մլն դրամ արժողությամբ Ամանորի հակառակ կողմը. ինչի մասին է լռում քաղաքապետը

Չեն դադարում թեժ քննարկումները, որ մայրաքաղաքում այս տարի Ամանորը նշելու միջոցառումների համար բավական մեծ գումար է նախատեսվել։ Հարցը միայն այն չէ, որ այդ թիվը կարող է հասնել մեկ միլիոն դոլարի, այլ այն, որ դա զգալիորեն գերազանցում է նախորդ տարիների ծախսերը։ Իսկ դրանք մեր՝ հարկատուներիս, փողերն են, ու իրավունք ունենք ստանալու համոզիչ պարզաբանում։ Ասել, թե այդ գումարը ծախսելով կզարգացնենք զբոսաշրջությունը, եթե դա իրոք արդպես լինի, կառաջարկեմ տասնապատիկը ծախսել, քանի որ տուրիստը բերում է մեր երկիր արտարժույթ, ծախսելով այն՝ զարգացնում մեր տնտեսությունը։ Բայց տուրիզմի զարգացումը, առհասարակ, ենթադրում է առաջին հերթին ենթակառուցվածքների զարգացում՝ նորմալ տրանսպորտ, բարեկարգ փողոցներ, տարբեր գնային առաջարկներ՝ հյուրանոցների, հանրային սննդի օբյեկտների ու զվարճանքի վայրերի, իսկ որ պակաս կարևոր չէ՝ բավարար չափով հանրային զուգարաններ։ Իսկ հիմա դիտարկենք կոնկրետ դեպքը՝ ինչպե՞ս է մայրաքաղաքի Հանրապետության հրապարակում անցկացվելիք միջոցառումը նպաստելու տուրիզմի զարգացմանը։ Գաղտնիքի կարգով ասեմ, որ Ամանորի գիշերը Երևանում կարող է ջերմաստիճանը լինել 0-ից ցածր, բազմահազարանոց մեր հայրենակիցներն ու հյուրերը որտե՞ղ են հոգալու իրենց բնական կարիքները, գուցե վարչապետը նաև խորհո՞ւրդ տա, թե որ ֆիրմայի տակդիր հագած մարդիկ գան Հրապարակ, չէ՞ որ ապրանքների գովազդման համար Փաշինյանի խելքն իրենը չի:

Պատկերացնո՞ւմ եք, թե Հրապարակի հարակից տարածքների ամեն ծառութուփ, ամեն բակ ու մեքենա ինչի է վերածվելու։ Իսկ մենք, որ վճարել ենք Փաշինյանի կողմնակիցների այդ խրախճանքի համար, պետք է վայելենք նրանց գարշահոտությունը։ Դրա համար էր առաջարկվում, որ մենք էլ միանանք այդ խրախճանքին, չդառնանք խոզի բդի, տոլմայի ու բլինչիկների գերին, դե որպեսզի մեղսակից լինենք այդ այլանդակությանը և մեղավորներ չփնտրենք։ Տուրիզմը զարգացնում են՝ խնդիրները համալիր լուծելով, ոչ թե տուրիստին հիասթափեցնելով։

Մեր ազգը, որքան լավագայունս ինտեգրվող է քաղաքակիրթ աշխարհին, ու ամեն նորը ընկալող ու վարպետորեն զարգացնող, նույնքան էլ ավանդապաշտ է, ազգային արժեքներին կառչած։ Ու ոչ թե ազգի մի մասը կոսմոպոլիտ է, մյուս մասը՝ ավանդապաշտ, այլ մեկ առանձին վերցրած անհատի մոտ այդ երկուսը տարբեր համաչափություններով զուգակցվում են։ Մեզ պետք չէ վերևից իջեցված մի դիրեկտիվով հորդորել հրաժարվել ավանդական խոզի բդից, պետք չէ, որ վարչապետն ու իր տիկինը մեզ վրա հոգեբանական ճնշում գործադրեն, թե իրենք տեղական արտադրության հագուստ են կրում, ու մենք էլ պիտի այդպես վարվենք, սա հո Հյուսիսային Կորեան չի՞, որ տղամարդիկ նմանակեն Կիմ Չեն Ընի սանրվածքը, որպեսզի դրանով իրենց հարգանքը հավաստեն հանդեպ իրենց առաջնորդը:

Ընդամենը երեկ հայ տղամարդը հպարտանում էր իր տիկնոջ խոհարարական հմտությամբ ու մտերիմներին տուն հրավիրում՝ հյուրասիրության, իսկ այսօր պիկ ժամերին մայրաքաղաքի հանրային սննդի օբյեկտներում ասեղ գցելու տեղ չկա, իսկ ընտանիքներով այցելությունները դրանց շրջանում պատկառելի թիվ են կազմում։ Երեկ մարդիկ սրտնեղում էին, թե սա ինչ կյանք է, մի տուն էլ չկարողացան ձեռք բերել, հո վարձով տնից չե՞ն իրեն հուղարկավորելու, իսկ այսօր մեր կենցաղում իր ուրույն տեղն է զբաղեցնում հոգեհանգստի արարողության համար սգող սրահների ծառայություններից օգտվելը։ Իսկ այս ամենի համար ոչ ոք մեր հասարակության վրա ճնշում չի գործադրել՝ մեր վզին փաթաթելով իր տեսակետը, ուղղակի ամեն մի նորություն լայնորեն մտնում է մեր կենցաղ, եթե դիմանում է ժամանակի քննությանը, իսկ անկարևորը՝ մերժվում։ Ժամանակին շատ էր խոսվում 25-րդ կադրի էֆեկտի մասին, որ գաղտնի գովազդ էր դրվում, որն ազդում էր մարդու ենթագիտակցության վրա ու նա գնում էր այդ թաքնված գովազդված ապրանքը, իսկ այսօր Փաշինյանի ընտանիքն իր նախասիրություններով ու նախաձեռնություններով այնպես է հանրությանը տեռորի ենթարկում, ի՞նչ 24 կադր՝ 24 ժամ, որ 25-րդ կադրում ենթագիտակցորեն տեսնում ես, թե երբ ենք վերջապես այս ամենից պրծնելու։ Մարդն ուզում է հագնել արտասահմանյան շոր, ճաշակել իր տիկնոջ պատրաստած համով ուտեստները, Ամանորին վայելել խոզի բուդը, և, վերջապես, հարգե՛ք այդ մարդու իրավունքը՝ թաղվելու իր տանից։ Թե չէ վաղն էլ պատրաստ կլինեն դիակիզարանները, ու կսկսվի հիմա էլ այդ թեմայով մարդկանց վրա հոգեբանական ճնշումը՝ բոլորս դեպի դիակիզարան, շտապե՜ք, տեղերը սահմանափակ են, ով մի անգամ կիզվել է, այնքան է հավանել, որ նորից է նման ցանկություն հայտնել։ Քաղաքակիրթ Եվրոպայում ամեն օր փորձում են օրենքների ունիֆիկացման, պետությունների ու ժողովուրդների առավելագույնս ինտեգրացիայի ճանապարհով հաստատել համընդհանուր համակեցության կանոններ ԵՄ անդամ երկրների համար, բայց դրան զուգահեռ ամեն մի երկիր ջանք ու եռանդ չի խնայում, որպեսզի իր պատմական հուշարձաններով, իր առանձնահատուկ մշակույթով ներկայանա աշխարհին, դրանով իսկ ներգրավի մաքսիմալ թվով զբոսաշրջիկների, ասել է թե՝ դրսի փողերով պահպանի ու զարգացնի իր մշակույթը, իր պատմամշակութային արժեքները։ Մենք շատ բան ունենք աշխարհին ներկայացնելու, այլապես չէինք համարվի քաղաքակրթական բնօրրաններից մեկն աշխարհում, բայց ամենապարզ հարցերը չենք կարողանում լուծել, մոռանալով, որ եթե իր երկրում, իր շրջապատում մեկ դժգոհ զբոսաշրջիկ հայտնի իր բացասական կարծիքը, ապա 1000 զբոսաշրջիկ կխուսափի այցելել մեր երկիր։ Սա գիտակցել է պետք, այլ ոչ թե խանդավառված կոչեր հնչեցնել, թե՝ եկեք հեղափախական Հայաստանը տեսնելու, ու եթե դա երեկ լուրջ չէր, այսօր արդեն ծիծաղելի է։

Related news

Latest News
Hashtags:   

արժողությամբ

 | 

Ամանորի

 | 

հակառակ

 | 

կողմը

 | 

մասին

 | 

լռում

 | 

քաղաքապետը

 | 
Most Popular (6 hours)

Most Popular (24 hours)

Most Popular (a week)

Sources