Wednesday 29 January 2020
Home      All news      Contact us      English
tert.am - 2 month ago

Երբ դադարում ես հենվել պողոսների վրա

Այս օրերին դարձյալ լարվել են Ամուլսարի հետ կապված կրքերը։ Իշխանություններն ասում են, որ եթե հանքը չբացվի ներդրումներ չեն լինի, թեպետ չենք մոռացել, որ նախկինում էլ ներդրումների բացակայությունն այլ գործոններով էին պայմանավորում։ Լավ, ասենք, մի հրաշքով ճանապարհներն ապաշրջափակվեցին, ո՞վ ներդրում կանի, երբ տեսնում է, որ երկիրը կառավարվում է ոչ թե օրենքներով, այլ մեկ մարդու կամքով, որ իր բիզնեսի գոյատևումը կապված է այդ մեկ մարդու վճռականությունից կամ դրա բացակայությունից։ Հիմա իշխանություններն իրենց վրայից մեղքը գցելու համար, հայտարարեցին, որ հանքի շահագործումն արգելելու հիմք չկա, բայց եթե ժողովուրդը չթողեց, որ այն բացվի, ի՞նչ է ստացվում՝ իշխանություններն այնքան թույլ են, որ չեն կարողանում ապահովել օրենքով չարգելված ձեռնարկատիրական գործունեությո՞ւնը, այդ դեպքում այդ երկրում ո՞վ ներդրում կանի։ Իսկ եթե իշխանությունները դուխով գլխարկը դնեն և ուժ կիրառելով բացեն հանք տանող ճանապարհը, պարզ է չէ՞, որ դրանով հարցը չի լուծվելու, Ամուլսարի շահագործման դեմ պայքարը կարող է լինել մեր երկրի ցանկացած վայրում, նաև համախմբող գործոն դառնալ, էլ չեմ խոսում, որ ողջ երկրի տարբեր վայրերից կմեկնեն դեպքի վայր ու սատար կկանգնեն հանքի շահագործման դեմ պայքարողներին։ Ինչո՞ւ միայն Ամուլսարը, օտարերկրյա մեկ այլ ներդրողից՝ Սանիթեքից իշխանությունները բիզնեսը չխլեցի՞ն ու ընկերությունը սնանկացման տարան։ Ներդրում անելու համար հարկավոր է բարենպաստ բիզնես միջավայր, տնտեսական օրենդրության կանխատեսելիություն՝ որոշակի տեսանելի հեռանկարի համար, ունե՞նք նման միջավայր, ո՛չ։ Ուստի, պետք է տնտեսությունը զարգացնելու կանխատեսելի ծրագիր ներկայացնել, ոչ թե ձախողված հեղափոխությունը հիմա էլ փորձել փրկել տնտեսության մեջ ռևոլյուցիոն ձախողումներով։ Նիկոլ Փաշինյանը դեռ անցյալ տարի սեպտեմբերին է հայտարարել․ Մեծ հաշվով այս հեղափոխությունը իմաստ չի ունենա, եթե մենք չկարողանանք հասնել տնտեսական հեղափոխության : Թողնենք, որ տնտեսությունը հեղափոխություն չի սիրում, այլ էվոլուցիոն, անցնցում զարգացում։ Իսկ համաշխարհային տնտեսության մեջ հեղափոխական, թռիչքաձև զարգացումները միանգամայն այլ դրսևորումներ են ունենում, և մեր երկրի տնտեսական հեղափոխության հետ ոչ մի աղերս չունեն։ Լավ, համարենք՝ Փաշինյանն ու իր թիմակիցները գիտեն, թե ինչ է տնտեսական հեղափոխությունը, գուցե ասե՞ն՝ մենք էլ իմանանք, գոնե տեսլականի, հայեցակարգի մակարդակով տեսանելի՞ է այդ հեղափոխությունը։ Այս ամենի հետ մեկտեղ Փաշինյանը գաղտնի որոշմամբ նախարարների (1.5 միլիոն դրամ), փոխնախարարների (1 միլիոն դրամ) ու մարզպետների (900․000 դրամ) աշխատավարձերն է բարձրացնում՝ ամենամսյա պարգևավճարների բարձրացման միջոցով։ Ցավն այն չէ, որ այդքան շեշտակի բարձրանում են այդ պաշտոնյաների աշխատավարձերը, երբ հասարակության մյուս շերտերի, հատկապես խոցելի, աշխատավարձերը բարձրացում չի սպասվում, իսկ որոշների պարագայում էլ դա չնչին բարձրացում է, որն ավելի շատ գնաճի ինդեքսացիայի մակարդակի է, քան իրական բարձրացում։ Ցավն այն է, որ իշխանությունները հասկանում են, որ հասարակական լայն շերտերի համար ոչ մի դրական բան անել չեն կարող, ու դժգոհությունն իրենց հանդեպ օր օրի աճում է, ու Փաշինյանն արդեն հույսը չի դնում իրեն սատարող զանգվածների վրա, այլ փորձում է իշխանությունը դարձնել կուռ հիերարխիկ ավտորիտար համակարգ՝ ամրոցի տրամաբանությամբ ու այդ ամրոցը նույն այդ հանրության հարձակումներից պաշտպանողները պետք է պետության բարիքներից տեղը-տեղին օգտվեն, որպեսզի պաշտպանելով իրենց բարեկեցիկ կյանքը, դրանով իսկ պաշտպանեն իշխանական ամրոցը։ Ու դրա համար հարկավոր է քչերի բարեկեցության մակարդակը շատ բարձրացնել, որպեսզի առնել շատերի անբարեկեցիկ կյանքի ու դժգոհության դեմը։ Ու եթե Փաշինյանը գնում է նման քայլի արդեն ոչ թե պետք է մտածել, որ տնտեսական հեղափոխությունը գուցե ուշանում է, բայց կլինի, այլ այն չի էլ սկսվելու, որովհետև իշխանությունը տնտեսական լծակներն այլ նպատակի համար է այլևս օգտագործում։

Related news

Latest News
Hashtags:   

դադարում

 | 

հենվել

 | 

պողոսների

 | 
Most Popular (6 hours)

Most Popular (24 hours)

Most Popular (a week)

Sources