Thursday 23 January 2020
Home      All news      Contact us      English
tert.am - 1 month ago

Այն, ինչ ներկայացվել է երեկ, սուտ է և չի համապատասխանում իրականությանը․ Խաչատուր Սուքիասյանն արձագանքել է Ռուբեն Հայրապետյանին

Գործարար Խաչատուր Սուքիասյանն իր ֆեյսբուքյան էջում անդրադարձել է ՀՖՖ նախկին նախագահ Ռուբեն Հայրապետյանի հարցազրույցին, որի ընթացքում վերջինս մեղադրանքներ էր հնչեցրել իր հասցեին։ Անձը, ով երեկ երեկոյան հոխորտում էր, հայտնի է իր բազմաթիվ կեղծ մատնություններով, տեսակով զրպարտիչ է, խոսք տանող-բերող: Ամբողջ կյանքում զբաղվել է միայն այդ գործով: Նա ինչ-որ աստիճանի հասնելու համար միշտ քցել է , ինչպես նաև քծնել է ժամանակի գլխավորին ,-գրել է նա: Անդրադառնալով նախկինում իրեն, այժմ՝ Ռուբեն Հայրապետյանին պատկանող Բջնի գործարանի մասին հայտարարություններին՝ Սուքիասյանը տեղեկացրել է, որ իր փաստաբաների և հաշվապահների թիմը մոտ ժամանակներս կներկայացնի գործարանի մասին բոլոր տեղեկությունները: Հիշեցնենք, որ երեկ Ռուբեն Հայրապետյանը թվեր էր ներկայացրել և հայտնել էր, որ Խաչատուր Սուքիասյանի օրոք ընկերությունը հարկեր կամ չի վճարել, կամ քիչ է վճարել, իսկ գործարանն անմխիթար վիճակում է գնել։ Ինչ ծավալի արտադրանք է եղել, որքան է արտահանվել, որքան հարկեր են վճարվել և այլն: Այն ինչ ներկայացվել է երեկ, սուտ է և չի համապատասխանում իրականությանը: Սուտ է նաև այն, որ ինձ հետ բանակցություններ են տարվել, որպեսզի գործարանը հետ վերադարձնեն: Ես չեմ կարող բանակցել մի ասպարեզում, որը դուրս է իրավական հարթությունից ,-գրել է նա: Պատասխանելով Սերժ Սարգսյանի՝ լավ ընկեր չլինելու մասին իր հայտարարությանն ու դրան Ռուբեն Հայրապետյանի արձագանքին՝ Սուքիասյանը նշել է․ Շարունակում եմ պնդել՝ Սերժ Սարգսյանը երբեք լավ ընկեր չի եղել: Բացեմ փակագծերը: Լավ ընկեր ասելով ես նկատի չեմ ունեցել ինձ, նա երբեք իմ ընկերը չի եղել :

Related news

Latest News
Hashtags:   

ներկայացվել

 | 

համապատասխանում

 | 

իրականությանը․

 | 

Խաչատուր

 | 

Սուքիասյանն

 | 

արձագանքել

 | 

Ռուբեն

 | 

Հայրապետյանին

 | 
Most Popular (6 hours)

Most Popular (24 hours)

Most Popular (a week)

Sources