Tuesday 28 January 2020
Home      All news      Contact us      English
tert.am - 2 month ago

Այնթապ գյուղում 46-ամյա բնակարանագողը բռնվել է գողության պահին

Դեկտեմբերի 13-ին, ժամը 21.40-ին, ոստիկանության Մասիսի բաժնում հաղորդում է ստացվել, որ Այնթապ գյուղի 4-րդ փողոցի տներից մեկը գող է մտել։ Հարևանները պատուհանի վրա ոտնահետքեր էին նկատել, ենթադրելով որ հանցամիտը դեռ ներսում է՝ տունը շրջափակել էին ու ոստիկանություն ահազանգել: Այս մասին հայտնում են ԱԻՆ-ից:

Անմիջապես դեպքի վայր էին մեկնել ոստիկանության Արարատի մարզային վարչության և Մասիսի բաժնի ծառայողները։

Քիչ անց վերադարձել է տանտերը, տունն ամբողջությամբ խառնված է եղել, իսկ հյուրասենյակում՝ արդեն ոստիկանների հսկողությամբ՝ իրեն անծանոթ տղամարդու է նկատել։

Տուժողից ընդունվել է հաղորդում:

Ձեռնարկված միջոցառումների շնորհիվ պարզվել է, որ բնակարանային գողություն կատարելու պահին հայտնաբերված 46-ամյա տղամարդը Երևանի բնակիչ է։

Նա ձերբակալվել է:

Նախաքննությունը վարում է Մասիսի քննչական բաժինը:

Related news

Latest News
Hashtags:   

Այնթապ

 | 

գյուղում

 | 

բնակարանագողը

 | 

բռնվել

 | 

գողության

 | 

պահին

 | 
Most Popular (6 hours)

Most Popular (24 hours)

Most Popular (a week)

Sources