Wednesday 29 January 2020
Home      All news      Contact us      English
tert.am - 2 month ago

Փաշինյանի նյարդային պոռթկումը. մեղավորները նշանակված են

Դեկտեմբերի 12-ի Կառավարության նիստին, որը բավական թեժ մթնոլորտում է անցել, հիմա էլ ինքն իրեն Հռոմի պապի հետ իդենտիֆիկացնող Նիկոլ Փաշինյանը բավական ուշագրավ խոստովանությամբ է հանդես եկել՝ արձանագրելով՝ տնտեսական աճի, պոտենցիալի, տնտեսության ընթացիկ վիճակի մասին հնարավոր չէ նորմալ տեղեկատվություն ստանալ: Ես, օրինակ, չեմ կարողանում ինձ անհրաժեշտ տեղակատվությունը ստանալ ,- հայտարարել է Փաշինյանն ու բողոքել պետական կառավարման համակարգից: Հետաքրքրական է, որ որպես նոր Հայաստանի պետական կառավարման համակարգում առկա թերությունների մեղավոր՝ Նիկոլ Փաշինյանը նշանակել է նախորդ իշխանություններին՝ միայն իրեն հայտնի տրամաբանությամբ խնդիրը բերել-կապելով բուհերում հայագիտական առարկաների դասավանդման-չդասավանդման խնդրի հետ: Միևնույն ժամանակ ձայնի հեղափոխական տոնայնությամբ Փաշինյանն ասել է. Ես ուղիղ ասում եմ որպես Հայաստանի Հանրապետության վարչապետ՝ ինչ հաջողություն և ձեռքբերում մենք էսօր ունենք, ամբողջը, հարյուր տոկոս՝ ի հեճուկս պետական կառավարման համակարգի Եկե՛ք արձանագրենք, որ ամբողջ պետական համակարգը, այո՛, հեղափոխությանը դիմադրում ա: Եւ էդ դիմադրությունը ես ջարդելու եմ. Հայաստանի Հանրապետության ժողովուրդն անցամբ ինձ ձայն ա տվել և մեր քաղաքական ուժին ձայն ա տվել, որ էս երկրում փոփոխություն տեղի ունենա : Երկրում ստեղծված իրավիճակի նույնիսկ ոչ այնքան խորքային ուսումնասիրությունն անմիջապես տեսանելի է դարձնում այն գերխնդիրների բազմությունը, որ փաստացի պարալիզացրել է պետական կառավարման համակարգը: Թերությունները, որոնց մասին խոսել է Փաշինյանը, իսկապես կան, ոչ ոք չի կարող դա հերքել: Հարցն այս պարագայում, սակայն, այն է, թե ինչպե՞ս է Փաշինյանը բնութագրում դրանք կամ նշմարում դրանց լուծումները: Նախ՝ հարց է առաջանում՝ կապված Փաշինյանի այն պնդման հետ, որ նույնիսկ ինքը չի կարողանում անգամ մեծագույն ցանկության դեպքում պարզել, ստանալ տեղեկատվություն, թե ի՞նչ վիճակում է տնտեսությունը: Եթե Փաշինյանը չգիտի տնտեսության իրական վիճակի մասին, ապա հետաքրքիր է, թե ի՞նչ հիմքերով է պարբերաբար հանդես գալիս ոգևորիչ հայտարարություններով կամ վիճակագրությունններով, որոնք իբր վկայում է թռիչքաձև զարգացման մասին: Օրինակ՝ այն տվյալները, որոնք պարբերաբար հրապարակվում են վարչապետի ֆեյսբուքյան էջում, թվային մանիպուլյացիա՞ են: Եթե դրանք խաբկանք են ու պատկերացում չեն տալիս իրական վիճակի մասին, ապա ինչո՞ւ է Փաշինյանը դրանք շահարկում: Խաբո՞ւմ է Կամ, եթե մատնացույց է արվում պետական կառավարման համակարգի խնդիրները, ինչո՞ւ է մեղքը հերթական անգամ բարդվում նախորդ իշխանությունների վրա: Ընդունենք՝ նախորդները վատ համակարգ էին ստեղծել, բայց արդյոք դա պակասեցնո՞ւմ է ներկաների պատասխանատվության չափը: Մեկ և կես տարի է՝ Նիկոլ Փաշինյանը Հայաստանում վայելում է բացարձակ իշխանության քաղցր պտուղները, այս երկրում նրա կամքից է կախված պրակտիկորեն ամեն ինչ: Ի՞նչն էր խանգարում Փաշինյանին հրապարակներում, սոցիալական ցանցերում օդ տատանելու փոխարեն գործով զբաղվել՝ ասենք հների վատ կադրային բազան փոխարինել, օրինակ, իրեն այնքա՜ն հոգեհարազատ քայլարած պրոֆեսիոնալներով , կամ համակարգ կայացնել: Հները լավ թե վատ գոնե ինչ-որ համակարգ ստեղծել են, իսկ ի՞նչ են արել նորերը՝ բացի քանդելուց ու տեղը ոչինչ չկառուցելուց: Մյուս կողմից՝ լրջագույն հարց է առաջանում կապված այս ամենը հայագիտական առարկաների դասավանդման-չդասավանդման խնդրի հետ կապելու՝ Փաշինյանի փորձը. ի՞նչ է դրանով ցանկանում ապացուցել Փաշինյանը: Հայերե՞նն է մեղավոր իշխանությունների ապիկարության հարցում: Ի՞նչ եզրեր կարող են ունենալ այդ երկու խնդիրները: Փաշինյանի հայտարարությունների կուլմինացիան, սակայն, պետք է համարել նրա խոստումը՝ կոտրելու հեղափոխությանը ցուցաբերվող դիմադրությունը. ի՞նչ է սա նշանակում: Մի՞թե սա կարող է պետական կառավարման համակարգում կադրային ջարդի նոր, հուժկու ալիքի սկիզբ համարվել: Ինչպե՞ս է կոտրելու Փաշինյանը դիմադրությունը: Ախր դրա համար միայն կադրային ջարդ կազմակերպելը շատ քիչ է. հարկավոր է, որպեսզի հին կադրերին փոխարինողներ գտնվեն՝ շատ ավելի ադեկվատ ու պրոֆեսիոնալ, որոնք ուղղակի գոյություն չունեն իշխանական թիմում: Չի բացառվում, սակայն, որ այս ամենով Փաշինյանն իրականում փորձել է ընդամենն արդարացնել իր ու իր թիմի ցուցաբերած ոչ բավարար արդյունքը: Նա կրկին ողջ մեղքը բարդում է նախորդների վրա՝ չցանկանալով կրել իր բաժին պատասխանատվությունը: Փաշինյանը ցանկանում է խորացնել հասարակական որոշակի շերտի մոտ դեռևս իշխող այն տեսակետը, որ խեղճ Նիկոլի ձեռքին ճար չկա. այնպես չեն քանդել երկիրը, որ հետո վերականգնել լինի : Փաշինյանն ակնհայտորեն թիրախավորել է հասարակության կոնկրետ մի շերտի ու դրա վրա էլ աշխատում է: Մի իրավիճակում, երբ մտածող զանգվածը վաղուց է լքել իշխանություններին, այլ բան չի մնում, քան կենտրոնանալ համապատասխան սեգմենտի ուղղությամբ՝ գոնե նրանց հաշվին ձգելու սեփական իշխանության կյանքի թելը: Վարդգես Սարգսյան

Related news

Latest News
Hashtags:   

Փաշինյանի

 | 

նյարդային

 | 

պոռթկումը

 | 

մեղավորները

 | 

նշանակված

 | 
Most Popular (6 hours)

Most Popular (24 hours)

Most Popular (a week)

Sources