Wednesday 22 January 2020
Home      All news      Contact us      English
tert.am - 1 month ago

Իտալիայում օդերևութաբանական վտանգի «դեղին» մակարդակ է հայտարարվել

Այսօր դեկտեմբերի 13-ին, Իտալիայի մի շարք շրջաններում հորդառատ անձրևներ, ուժեղ քամիներ և տեղացիների համար անսովոր ցուրտ եղանակ է հաստատվել, ուստի Քաղաքացիական պաշտպանության ծառայության որոշմամբ Կամպանիա, Տոսկանա և Սարդինիա շրջաններում օդերևութաբանական վտանգի դեղին մակարդակ է հայտարարվել, հայտնում է ՌԻԱ Նովոստի գործակալությունը: Հռոմում և Նեապոլում փակվել են դպրոցներ ու մանկական հաստատություններ, հանրային զբոսայգիներ ու գերեզմանատներ: Մայրաքաղաքի քաղաքապետ Վիրջինիա Ռաջին սոցիալական ցանցերի միջոցով դիմել է հայրենակիցներին՝ խնդրելով առավելագույնս սահմանափակել քաղաքով տեղաշարժը և հնարավորության դեպքում օգտվել հասարակական տրանսպորտից: Մեզ համար մեր երեխաների և բոլոր քաղաքացիների անվտանգությունն առաջնային է , - նշել է նա: Նեապոլի քաղաքապետ Լուիջի դե Մաջիստրիսը նույնպես հանդես է եկել քաղաքաբնակներին ուղղված նմանատիպ կոչով: Հինգշաբթի օրվանից Հռոմում և Միլանում գործում են քաղաքային օպերատիվ կենտրոններ, որոնց մասնագետները վերահսկում են իրավիճակի զարգացումը և անհապաղ միջոցներ են ձեռնարկում ՝ կանխելու վատ եղանակի բացասական հետևանքները: Փորձագետները մտավախություն ունեն, որ հորդառատ անձրևները ստորգետնյա ջրերի ռեժիմի խանգարման կարող են հանգեցնել և դրանով մի շարք շրջաններում հիդրոերկրաբանական սպառնալիքների պատճառ դառնալ: Քաղաքային իշխանությունների ամենամեծ մտահոգություններից են երթևեկության կազմակերպման հետ կապված հնարավոր լուրջ խնդիրներն ու ծառերի տապալման հնարավորությունը, ինչը նախկինում շատ անգամներ է հանգեցրել մարդկային կորուստների: Հավելյալ դժվարություններ են ստեղծվում ձյան հետևանքով, որոնց մեծ մասամբ Իտալիայի հյուսիսային և լեռնային շրջանների բնակիչներն են պատրաստ, սակայն դրանք երկրի կենտրոնական մասում և հարավում որպես անոմալիա են ընկալվում: Միլանում և Թուրինում արդեն ձյուն է տեղացել: Ձյան տեսքով տեղումներ սպասվում են նաև Ֆլորենցիայում: Օդերևութաբանները զգուշացնում են Իտալիայի Ալպերում և ալպյան շրջաններում ուժեղ քամով ուղեկցվող ձնաբքի վտանգի մասին: Կանխատեսումների համաձայն՝ քամու ուժգնությունը կարող է գերազանցել ժամում 100 կմ-ը:

Related news

Latest News
Hashtags:   

Իտալիայում

 | 

օդերևութաբանական

 | 

վտանգի

 | 

դեղին

 | 

մակարդակ

 | 

հայտարարվել

 | 
Most Popular (6 hours)

Most Popular (24 hours)

Most Popular (a week)

Sources