Saturday 18 January 2020
Home      All news      Contact us      English
tert.am - 1 month ago

Եթե Արցախին զուգահեռ բանակցային սեղանի շուրջ կարող է նստել նաև, այսպես կոչված, Արցախի ադրբեջանական համայնքը, ավելի լավ է՝ Արցախն ընդհանրապես չմասնակցի բանակցություններին. Հրանտ Մելիք-Շահնազարյան

Եթե Արցախին բանակցային սեղան են բերում այն տրամաբանությամբ, որ զուգահեռ կամ հավասար լինելու է նաև, այսպես կոչված, Արցախի ադրբեջանցիների համայնքը, ավելի լավ է՝ Արցախն ընդհանրապես չմասնակցի բանակցություններին: Այս մասին Tert.am-ի հետ զրույցում ասաց քաղաքագետ Հրանտ Մելիք-Շահնազարյանը՝ անդրադառնալով ԱԺ Իմ քայլը խմբակցության պատգամավոր Հովհաննես Իգիթյանի հայտարարությանը, թե վարչապետը խնդիր չի տեսնում, եթե բանակցություններին մասնակցեն նաև իրենց ԼՂ ադրբեջանական համայնք համարող մարդիկ: Այդպես Արցախը փաստացի կունենա ոչ թե պետության, այլ՝ համայնքի կարգավիճակ, իսկ Արցախն անկախ պետություն է, որն անկախ գոյության իրավունքն ապացուցել է պատերազմի ժամանակ: Մեր նպատակը, կարծում եմ, այն չէ, որ Արցախն անպայման ու ամեն գնով ներկա լինի, այլ այն է, որ ըստ իր կոչման, ըստ իր հնարավորության, և իր կարգավիճակին վայել դիրքով նստի բանակցությունների սեղանի շուրջ: Սա պետք է լինի նպատակը, որը, ցավոք սրտի, չի պահպանվում մեր պաշտոնյաների կողմից ,-ասաց Մելիք-Շահնազարյանը:

Նա նշեց, որ քանի դեռ պաշտոնապես չի հերքվել, որ վարչապետը նման հայտարարություն է արել և նման դիրքորոշում ունի, պետք է ընդունել, որ ունենք վտանգավոր իրողություն, որի առկայության մասին այլ հուշող երևույթներ էլ կան:

Օրինակ՝ խաղաղասիրական ծրագրերը, որոնք իրականացվում են Փաշինյանի և Ադրբեջանի նախագահ Իլհամ Ալիևի պայմանավորվածությամբ: Lրագրողների փոխանակումը նույնպես ընթացել է այդ ձևաչափով: Այսինքն՝ եղել են լրագրողներ հակամարտող կողմերից. լրագրողները ներկայացվում են Հայաստանի և Ադրբեջանի ներկայացուցիչներ, բայց նրանցից Էդգար Էլբակյանն Ադրբեջան գնացել է որպես Արցախի ներկայացուցիչ, իսկ Ադրբեջանի կողմից էլ լրագրողներից մեկը ներկայացնում էր, այսպես կոչված, Արցախի ադրբեջանական համայնքը ,-նշեց քաղաքագետը:

Երկրորդ հանգամանքը, որը, ըստ քաղաքագետի, խոսում է այն մասին, որ Լեռնային Ղարաբաղի, այսպես կոչված, ադրբեջանական համայնքի կարգավիճակը բարձրացվում է, այդ մասին Բաքվում կայացած հանդիպման ժամանակ հայտարարել են ՌԴ արտգործնախարար Սերգեյ Լավրովը և Ադրբեջանի արտգործնախարար Էլմար Մամեդյարովը ։ Պաշտոնական Երևանը չի արձագանքել նաև այդ հայտարարություններին, ինչը չի կարող չանհանգստացնել խնդրին ծանոթ մասնագետներին .-ասաց Մելիք-Շահնազարյանը։

Նա նաև նշեց, որ այս գործընթացն Արցախի կարգավիճակը ևս մեկ աստիճանով նվազեցնելու՝ ադրբեջանցիների քաղաքականության դրսևորումներից է, որը, ըստ էության, չի հերքվում, և դրան որևէ բան չի հակադրվում պաշտոնական Երևանի կողմից: Սա անվտանգության տեսակետից բավականին լուրջ սպառնալիք է ,-նշեց նա:

Related news

Latest News
Hashtags:   

Արցախին

 | 

զուգահեռ

 | 

բանակցային

 | 

սեղանի

 | 

շուրջ

 | 

կարող

 | 

նստել

 | 

այսպես

 | 

կոչված

 | 

Արցախի

 | 

ադրբեջանական

 | 

համայնքը

 | 

ավելի

 | 

Արցախն

 | 

ընդհանրապես

 | 

չմասնակցի

 | 

բանակցություններին

 | 

Հրանտ

 | 

Մելիք

 | 

Շահնազարյան

 | 
Most Popular (6 hours)

Most Popular (24 hours)

Most Popular (a week)

Sources