Thursday 23 January 2020
Home      All news      Contact us      English
tert.am - 1 month ago

Նոր իշխանությունները եկել են իշխանության հենց կոռուպցիայի մասին խոսելով, բայց 1.5  տարում միայն Կոռուպցիայի կանխարգելման հանձնաժողով են ստեղծել. Աղասի Ենոքյան (տեսանյութ)

Նոր իշխանությունն ավելի քան մեկուկես տարում միայն Կոռուպցիայի կանխարգելման հանձնաժողով է ձևավորել, որը քաղաքական, ոչ թե մասնագիտական մարմին է: Այս մասին Tert.am-ի հետ զրույցում ասաց քաղաքագետ Աղասի Ենոքյանը՝ անդրադառնալով նոր ձևավորված հանձնաժողովին ու կոռուպցիայի դեմ պայքարին: Երկու կարևոր հանգամանք պետք է նշել այս հանձնաժողովի հետ կապված: Նախևառաջ, այս հանձնաժողովը քաղաքական է, ոչ թե մասնագիտական, ինչը կարծում եմ, խնդիր է ստեղծելու: Երկրորդը՝ նոր իշխանությունները եկել են իշխանության հենց կոռուպցիայի մասին խոսելով: Խոսում էին, թե որքան վատն են նախկինները, որովհետև գողացել են, և առանց խորանալու, թե որքանով է դա ճիշտ կամ սխալ, մենք ունենք կարծրատիպեր, թե որքան վատն են նախկինները, և եթե որևէ մեկին ուզում են վիրավորել, ասում են՝ դու նախկին ես: Եվ գալով իշխանության կոռուպցիայի դեմ պայքարելու լոզունգների տակ՝ նոր ձեռնամուխ են լինում կոռուպցիայի դեմ պայքարող ինչ-որ մարմին ստեղծելուն: Սա կարծում եմ լավ չէ ,-ասաց Ենոքյանը: Դիտարկմանը, թե այս հանձնաժողովը ղեկավարում է ընդդիմության՝ Լուսավոր Հայաստանի թեկնածուն, և սա արդյոք մեկ քայլ առաջ չէ, Աղասի Ենոքյանը չհամաձայնեց: Անդրադառնալով կոռուպցիայի դեմ պայքարին՝ Աղասի Ենոքյանն ասաց, որ նոր իշխանության պաշտոնավարման մեկուկես տարում որևէ դեպք չկա, որ անձը կաշառակերության համար դատապարտված լինի։

Նման դեպք չկա, չնայած թմբկահարվում է, բայց մեկ անուն տվեք, մեկ ապացույց: Կարծում եմ՝ մեկուկես տարին բավարար է այդ բացահայտումներն անելու համար, մանավանդ, երբ տասը տարի թմբկահարում էին, որ սրանք կոռուպցիոներներ են, ապա ուրեմն գիտեն, թե ուր են կոռուպցիոներները: Գիտեք ովքեր են, որ ոլորտներում, ուրեմն վերցրեք մարդկանց, դրեք և բացահայտեք: Ես կարծում եմ կոռուպցիայի դեմ պայքարի կամք չկա, ժամանակ չունենք, շատ ավելի կարևոր խնդիր է Քոչարյանին դատելը : Որպես կոռուպցիոն դրսևորում նա մատնացույց արեց Երևանի քաղաքապետարանի գործողությունները՝ նշելով, որ ԿամԱԶ -ներ է ստացել շինթույլտվության դիմաց: Առավել մանրամասն՝ տեսանյութում:

Related news

Latest News
Hashtags:   

իշխանությունները

 | 

իշխանության

 | 

կոռուպցիայի

 | 

մասին

 | 

խոսելով

 | 

 տարում

 | 

միայն

 | 

Կոռուպցիայի

 | 

կանխարգելման

 | 

հանձնաժողով

 | 

ստեղծել

 | 

Աղասի

 | 

Ենոքյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources