Friday 24 January 2020
Home      All news      Contact us      English
tert.am - 2 month ago

Դեմոկրատները Թրամփի դեմ 2 մեղադրանք են առաջադրել. վերջինս տեղի ունեցողը «վհուկների որս» է անվանել

ԱՄՆ Կոնգրեսի Ներկայացուցիչների պալատի դեմոկրատ անդամները երկրի նախագահ Դոնալդ Թրամփին անվստահություն հայտնելու գործով վերջինիս դեմ 2 մեղադրանք են առաջադրել: Այս մասին հաղորդում է The Washington Post-ը՝ հղում տալով Իրավական հարցերով հանձնաժողովի ղեկավար Ջերոլդ Նադլերին: Վերջինս ընդգծել է, որ Սպիտակ տան ղեկավարին մեղադրում են իշխանությունը չարաշահելու և իր լիազորություններն անձնական նպատակների համար օգտագործելու համար: Երկրորդ մեղադրանքը վերաբերում է Ուկրաինայի հարցով Կոնգրեսի կողմից հետաքննության իրականացմանը խոչընդոտելուն: Թրամփն իր հերթին տեղի ունեցողը վհուկների որս է անվանել և հերքել Ուկրաինայի նկատմամբ ճնշումներ գործադրելու վերաբերյալ մեղադրանքները, այս մասին նա գրել է թվիթերյան իր պաշտոնական էջում: Ավելի վաղ հայտնել էինք, որ Սպիտակ տունը ԱՄՆ Կոնգրեսի Ներկայացուցիչների պալատի դեմոկրատ անդամներին կոչ է արել դադարեցնել երկրի նախագահ Դոնալդ Թրամփին անվստահություն հայտնելու շուրջ հետաքննությունը: Դեկտեմբերի 3-ին Ներկայացուցիչների պալատի հետախուզության հարցերով հանձնաժողովը քննարկել և հավանություն է տվել Թրամփի պաշտոնանկության շրջանակում հետաքննության արդյունքների վերաբերյալ 300 էջանոց զեկույցին: Փաստաթղթում նշվում է, որ Թրամփը փորձել է օտարերկրյա պետության օգնությունը ստանալ՝ վերընտրվելու իր հնարավորությունները բարձրացնելու համար:

Related news

Latest News
Hashtags:   

Դեմոկրատները

 | 

Թրամփի

 | 

մեղադրանք

 | 

առաջադրել

 | 

վերջինս

 | 

ունեցողը

 | 

վհուկների

 | 

անվանել

 | 
Most Popular (6 hours)

Most Popular (24 hours)

Most Popular (a week)

Sources