Tuesday 28 January 2020
Home      All news      Contact us      English
tert.am - 2 month ago

Նոր տարվա զանգերը խփելուց հետո ՀՀ-ում ՀԴՄ չտրամադրելու ոչ մի դեպք չի ներվելու. Նիկոլ Փաշինյան (տեսանյութ)

2019 թվականի հունվար-նոյեմբեր ամիսներին 2018 թվականի հունվար-նոյեմբեր ամիսների համամետ դուրս է գրվել 106,609,299 ՀԴՄ կտրոն ավելի: Այս մասին այսօր ֆեյսբուքյան էջի ուղիղ եթերում հայտարարեց ՀՀ վարչապետ Նիկոլ Փաշինյանը: Սա աստղաբաշխական թիվ է և այս ՀԴՄ կտրոններով արձանագրվել է շուրջ 303 միլիարդ դրամի ավել առևտրաշրջանառություն: Սա, իհարկե, շատ լավ է, և մենք բավականին լավ վիճակ ունենք հաշվարկային փաստաթղթերի դուրսգրման դինամիկայի առումով ,- ասաց նա և հայտնեց, 2019 թ. 2018 թ. համեմատ ավել է եղել 18,425,172 հաշիվ-ապրանքագիր:

Սկզբունքորեն սրանք վատ ցուցանիշներ չեն, շատ լավ ցուցանիշներ են, բայց մենք պետք է հարց տանք ինքներս մեզ, թե արդյո՞ք, ընդհանուր առմամբ, գոհ ենք այս ցուցանիշներից, արդյո՞ք մտածում ենք, որ բոլոր առևտրային գործարքներն արվում է հաշիվ-ապրանքագրի դուրսգրմամբ, և մենք բոլորս գիտենք, որ ոչ: Հսկայական ստվերային առևտրաշրջանառություն կա մեր երկրում, չնայած աճը տպավորիչ է - ասաց նա: Վարչապետը նշեց, որ հացի փող աշխատող մեր քաղաքացիները մտավախություն չունեն ՀԴՄ բաց թողնելու հարցում, քանի որ մինչև 24 միլիոն շրջանառություն ունեցող ընկերություններն ազատվում են հարկերից: 2020 թվականի հունվարի 1-ից Նոր տարվա զանգերը խփելուց հետո ՀՀ-ում չի լինելու ՀԴՄ չխփելու որևէ պարագա, որը որևէ բարոյական, սոցիալական առումով ներման ենթակա լինի ,-ասաց նա:

Վարչապետը նշեց, որ թեև 2020 թ. բյուջեի եկամուտներն ավելացրել են 356 միլիարդ դրամով, սակայն չեն մտածում, որ սա ամբողջ պոտենցիալն է: Նա նկատեց, որ ՀԴՄ կտրոն չտրամադրելու յուրաքանչյուր դեպքի հետևանքով իրական ստվեր է գոյանում նաև խոշոր ձեռնարկություններում և եթե բոլորը առանց բացառությամբ ՀԴՄ կտրոն տրամադրեն, ապա խոշոր բիզնեսներում ստվերը կդառնա անհնար:

Որպես միջանկյալ արդյունք, այս արդյունքներով գոհ ենք, 2020 թ. դրած մեր նշաձողերից գոհ ենք, բայց, ընդհանուր առմամբ, բարձր նշաձողեր պետք է դնենք: Թեև կարող է կոպիտ հնչել, բայց ես շարունակում եմ պնդել, որ ՀԴՄ չտրամադրող գործարարը գողանում է զինվորի հացը ,- ասաց նա և նշեց, որ բանակում հսկայական փոփոխություններ են արել՝ հենց բյուջեի հավելյալ եկամուտների շնորհիվ:

Գալու է 2020 թվականը Նոր տարին, և գալու է նոր մոտեցումը ՀԴՄ կտրոնների վերաբերյալ: Այն մարդիկ, որոնք ասում են, թե հացի փող են աշխատում, հիմա ՀԴՄ-ները պարտադիր պետք է տրամադրեն, որպեսզի տեսնենք, որ իրենք հացի փող են աշխատելու: Այս փոքր ձեռնարկությունների տերերը պետք է իմանան, որ ՀԴՄ կտրոն չտրամադրելու համար լինելու է վարչական պատասխանատվություն և դա չի լինելու ուղղակի ՀԴՄ կտրոն չթողարկելու համար, այլ զինվորից գողանալու համար է լինելու, զինվորի փամփուշտը, զինվորի հացը, արժանապատիվ հագուստը գողանալու համար ,- ասաց նա և նշեց, որ այս հարցում լուրջ են տրամադրված, քանի որ սա պետության, երկրի շահերից բխող մոտեցում է։

Նիկոլ Փաշինյանը նաև հիշեցրեց, որ երկու օր առաջ ձերբակալվել են Պետական եկամուտների կոմիտեի 6 աշխատողներ՝ կոռուպցիոն գործարքների համար։ Սա, ըստ նրա, ցույց է տալիս, որ լրջորեն պայքարում են կոռուպցիայի դեմ: Վարչապետը համոզմունք հայտնեց, որ այս ուղերձը ՀՀ բոլոր քաղաքացիները կընկալեն:



Related news

Latest News
Hashtags:   

տարվա

 | 

զանգերը

 | 

խփելուց

 | 

չտրամադրելու

 | 

ներվելու

 | 

Նիկոլ

 | 

Փաշինյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources