Friday 24 January 2020
Home      All news      Contact us      English
tert.am - 2 month ago

ՍԴ-ն աշխատում է, ուրեմն այնտեղ ճգնաժամ չկա. ՍԴ-ում միակ չաշխատող մարդը ձեր կողմից նշանակած անդամն է. Գևորգ Գորգիսյանը՝ իշխանություններին (տեսանյութ)

Արդեն որերորդ անգամ մենք տեսնում ենք երկակի ստանդարտների կիրառում և եթե տարբեր դեպքերում դա մեզ տհաճ է, հիմա ուղղակի բեռ է դառնում քաղաքացիների վրա. այս մասին Սահմանադրական դատարանի մասին սահմանադրական օրենքում լրացում կատարելու մասին հարցի քննարկման ժամանակ հայտարարեց ԱԺ Լուսավոր Հայաստան խմբակցության պատգամավոր Գևորգ Գորգիսյանը:

Ըստ պատգամավորի՝ ստանդարտները երկակի են, որովհետև եթե խոսվում է հին համակարգից մնացած մարդկանց մասին, որոնք վստահություն չունեն, ապա հին համակարգից մնացած նախարարներ, պատգամավորներ կան: Մենք ունենք տարբեր-տարբեր աշխատողներ հին համակարգից մնացած, այդ բոլորը ձեզ ձեռնտո՞ւ են ու կա՞ ինչ-որ կառույց, մարդիկ, ում մենք ասում ենք՝ եկեք փող տանք ուղարկենք տուն՝ լուծելու ճգնաժամ, որը ես կասեմ առնվազն մտացածին է ,- նշեց պատգամավորը:

Նշենք, որ Սահմանադրական դատարանի մասին սահմանադրական օրենքում փոփոխություններ և լրացումներ կատարելու նախագծով առաջարկվում է 2018-ի ապրիլի 9-ից առաջ նշանակված ՍԴ յոթ դատավորներին ժամկետից շուտ ուղարկել թոշակի: Կառավարությունը հաշվարկել է՝ եթե հրաժարական տան ՍԴ նախագահն ու վեց դատավորները, մինչև պաշտոնավարման տարիքը լրանալը պետությունը նրանց տարեկան գրեթե 91 միլիոն դրամ կենսաթոշակ պետք է վճարի:

Գևորգ Գորգիսյանի խոսքով՝ Սահմանադրական դատարանն աշխատում է, եթե կառույցն աշխատում է, ուրեմն այդտեղ չկա ճգնաժամ: Սահմանադրական դատարանն աշխատում է, տալիս է այն թղթերը, որոնք Ազգային ժողովին պետք են օրենքներ ընդունելու համար, բայց մենք ասում ենք՝ այնտեղ կա ճգնաժամ: Այնտեղ միակ չաշխատող մարդը ձեր կողմից նշանակված Սահմանադրական դատարանի անդամն է (նկատի ունեի Վահե Գրիգորյանին Tert.am): Նրա աշխատանքը նիստերին գնալն է, մենք իրեն աշխատավարձ ենք տալիս, որպեսզի նա անի դա: Դուք ասում եք՝ նա գնալու է առողջացնի ՍԴ-ն, դե թող առողջացնի: Որևէ մեկին հետաքրքրիր չէ, թե նա իր աշխատասենյակում նստած ինչով է զբաղված, նրա աշխատանքը Սահմանադրական արդարադատություն իրականացնելն է, որը պետք է լինի այդ նիստերին մասնակցելով ,- ընդգծեց պատգամավորը։

Գևորգ Գորգիսյանը հավելեց, որ չնայած դրան, քաղաքական մեծամասնությունը հայտարարում է, որ Վահե Գրիգորյանը չի մասնակցում նիստերին, բայց աշխատում է: Մենք մեր ամբողջ քաղաքական թիվ մեկ օրակարգը դարձրել ենք Սահմանադրական դատարանի խնդիր: Հարգելիներս, ՀՀ քանի՞ քաղաքացի է առնչվում Սահմանադրական դատարանի հետ, քանի՞ քաղաքացի ընդհանրապես գիտի, թե ի՞նչ է Սահմանադրական դատարանը, ինչո՞վ է այն զբաղված, քանի՞ հոգու է դա հետաքրքիր, կարո՞ղ եք դա ասել ,- հարցրեց պատգամավորը:

Գևորգ Գորգիսյանը շեշտեց, որ երբ ամռանն իրենք շրջում էին մարզերով և տեսնում, որ գյուղացին չունի ոռոգման ջուր, իրեն զանգել է լրագրող ու հարցրել՝ ՍԴ-ում ճգնաժամ է, ինչպե՞ս կմեկնաբանի:

Հարգելի՛ քաղաքական մեծամասնություն, քաղաքական դաշտը լցրել եք կեղծ օրակարգերով, մենք մեր առաջ ծառացած լիքը խնդիրներ ունենք, որոնք անտեսել ենք և մեր ամբողջ էներգիան կենտրոնացրել լուծելու մի խնդիր, որը ոչ մեկին պետք չէ, պետք է միայն ձեզ՝ այստեղ նստածներին և մի քանի հոգու էլ Կառավարությունում: Որևէ մեկին չի հետաքրքրում թե այնտեղ ովքեր են նստած: Եթե նրանք կոռուպցիոներ են եղել, բռնեք նստացրեք, բայց հարկատուների հաշվին արտոնյալ պայմաններով ուղարկում ենք թոշակի, որ ի՞նչ լինի, կամ ինչո՞ւ ենք կենտրոնանում միայն ՍԴ-ի վրա, բոլոր ոլորտներն ունեն բարեփոխումների կարիք, այդ ամենը թողած՝ մենք զբաղվել ենք մտացածին, հորինված պրոբլեմների լուծմամբ ,- եզրափակեց պատգամավորը:



Related news

Latest News
Hashtags:   

աշխատում

 | 

ուրեմն

 | 

այնտեղ

 | 

ճգնաժամ

 | 

չաշխատող

 | 

մարդը

 | 

կողմից

 | 

նշանակած

 | 

անդամն

 | 

Գևորգ

 | 

Գորգիսյանը՝

 | 

իշխանություններին

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources