Monday 20 January 2020
Home      All news      Contact us      English
tert.am - 1 month ago

Քանի տեխնիկական բազան ապագա փոփոխություններին հարմարեցված չէ, նոր օրինագծի մասին խոսելը վաղաժամ է․ Լիլիթ Թումանյանը «Հեռուստատեսության և ռադիոյի մասին» նոր օրինագծի մասին

Ես ներկա պարագայում լուրջ, առարկայական պատճառներ նոր օրենք գրելու համար չեմ տեսնում։ Այս մասին այսօր լրագրողների հետ Հեռուստատեսության և ռադիոյի մասին նոր օրինագծի սկզբունքների մասին քննարկմանն ասաց ArmnewsFM-ի տնօրեն Լիլիթ Թումանյանը։ Նա նշեց, որ որոշակի խնդիրներ կան, որոնք շտկումների, ենթաօրենսդրական փոփոխությունների կարիք ունեն, սակայն նոր օրենք գրելու համար լուրջ, առարկայական տեսլական չի տեսնում։ Մենք նոր իրողություններ ունենք, որոնք ապագայում՝ հատկապես ռադիոկայաններում, նոր օրինագծի խնդիրներ կառաջացնեն, քանի որ այսօր հեռուստատեսությունները թվայնացված դաշտում են աշխատում, բայց ռադիոկայանները դեռևս անալոգային են։ Քանի դեռ տեխնիկական բազան ապագա փոփոխություններին հարմարեցված չէ, նոր օրինագծի մասին խոսելը վաղաժամ է ,- ասաց նա։ Լիլիթ Թումանյանի խոսքով՝ այս դեպքում փոփոխությունները վտանգավոր կարող են լինել, քանի որ անհավասարություն կարող է ստեղծել։ Երբ մենք հրավիրվեցինք ԱԺ՝ համատեղ քննարկում կազմակերպելու, մասնագիտացված ոլորտի ներկայացուցիչներն առաջարկեցին, որ մինչ նոր օրինագծի մշակումը լայն, հանրային քննարկումներ են անհարժեշտ ,- նշեց նա։ Ըստ Լիլիթ Թումանյանի՝ նախքան օրենսդրական փոփոխությունները, հարցի մասին պետք է բոլոր կողմերը քննարկեն, քանի որ հնարավոր չէ գործունեություն սահմանափակող կամ կարգավորող օրենսդրական դաշտի փոփոխություններ առաջարկվեն՝ առանց բոլորի մասնակցության։
Հիշեցնենք, որ լրագրողական երեք կազմակերպություններ՝ Խոսքի ազատության պաշտպանության կոմիտեն, Մեդիա նախաձեռնությունների կենտրոնն ու Երևանի մամուլի ակումբը Հեռուստատեսության և ռադիոյի մասին նոր օրենքի նախագիծ են մշակել:

Առաջարկվում է հրաժարվել լիցենզավորման գործընթացից՝ այն փոխարինելով ավտորիզացիայով: Նախագծով առաջարկվում է տարանջատել հանրային և մասնավոր հեռարձակողներին:

Մասնավորապես՝ հնարավորություն տալ մասնավորներին սեփական մուլտիպլեքսներ ունենալ՝ հեռարձակման թվային ցանցեր:

Նոր նախագիծը մշակողների խոսքով՝ ներկայի օրենքն անբարենպաստ է մասնավոր թվային ցանց գործարկելու համար, հետևաբար բոլոր հեռարձակողները կենտրոնանում են մեկ պետական թվային ցանցում։

Related news

Latest News
Hashtags:   

տեխնիկական

 | 

բազան

 | 

ապագա

 | 

փոփոխություններին

 | 

հարմարեցված

 | 

օրինագծի

 | 

մասին

 | 

խոսելը

 | 

վաղաժամ

 | 

Լիլիթ

 | 

Թումանյանը

 | 

Հեռուստատեսության

 | 

ռադիոյի

 | 

մասին

 | 

օրինագծի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources