Saturday 25 January 2020
Home      All news      Contact us      English
tert.am - 2 month ago

Մի երկիր, որի ՍԴ-ն ձևավորվում և պահպանվում է քաղաքական շարժառիթներով, այդ երկիրը ո՛չ ներկա ունի, ո՛չ ապագա. Գևորգ Պետրոսյանը՝ ՍԴ դատավորներին վաղաժամ թոշակի ուղարկելու նախագծի մասին

Մի երկիր, որի Սահմանադրական դատարանը ձևավորվում և պահպանվում է քաղաքական շարժառիթներով, այդ երկիրը ո՛չ ներկա ունի, ո՛չ ապագա. այս մասին Սահմանադրական դատարանի մասին սահմանադրական օրենքում լրացում կատարելու մասին հարցի քննարկման ժամանակ հայտարարեց ԱԺ Բարգավաճ Հայաստան խմբակցության պատգամավոր Գևորգ Պետրոսյանը: Պատգամավորն ընդգծեց, որ ՀՀ պատմության մեջ առաջին անգամ ուզում ենք պաշտոնատար անձանց ուղարկել թոշակի: Կարող է կարծիք հնչել, որ դա հարկադրաբար չէ, կամավոր է, բայց ո՞վ չի հասկանում, որ իրականում սա կամավոր չէ: Ամբողջ պետական մեքենան լծվել է այս գործին. եթե կամավոր է, թողեք մարդիկ ընտրեն, էդ ե՞րբ է իրավունքը պարտադրել մարդկանց, որ այսօր պարտադրի ,- նշեց նա: Նշենք, որ Սահմանադրական դատարանի մասին սահմանադրական օրենքում փոփոխություններ և լրացումներ կատարելու նախագծով առաջարկվում է 2018-ի ապրիլի 9-ից առաջ նշանակված ՍԴ յոթ դատավորներին ժամկետից շուտ ուղարկել թոշակի: Կառավարությունը հաշվարկել է՝ եթե հրաժարական տան ՍԴ նախագահն ու վեց դատավորները, մինչև պաշտոնավարման տարիքը լրանալը պետությունը նրանց տարեկան գրեթե 91 միլիոն դրամ կենսաթոշակ պետք է վճարի:

Գևորգ Պետրոսյանն ասաց, որ տրամաբանական հարց է առաջանում՝ ինչու է ընտրվել կամ թիրախավորվել հենց ՍԴ-ն: ՀՀ Սահմանադրությունը երաշխավորում է օրենքի համար հավասարությունը, թող այս նույն գայթակղիչ առաջարկը ներկայացվի Վճռաբեկ, Վերաքննիչ, առաջին ատյանի դատարանի դատավորներին, ինչո՞ւ չի առաջարկվում, չէ՞ որ նրանք էլ են նշանակվել նախկին իշխանության օրոք: Եվ եթե պատճառաբանությունն այն է, որ ՍԴ կազմն անվստահելի է, իսկ այստեղ խոսվում է 20 տարվա մասին, ասեմ, որ 20 տարի առաջ ՍԴ այս կազմը ներկա չի եղել: Այսինքն՝ ստացվում է, որ պետական մարմնի հանդեպ դժգհոհության համար վրեժխնդի՞ր եք լինում մարդկանցից, այս ի՞նչ մոտեցում է ,- ասաց պատգամավորը:

Դիմելով արդարադատության նախարար Ռուստամ Բադասյանին՝ Պետրոսյանն ասաց. Պարո՛ն նախարար, հարկատուներին հարցրե՞լ եք, իրենք համաձա՞յն են, որ չաշխատող դատավորին ամիսը 800 հազար դրամ աշխատավարձ տան, ես վստահաբար կարող եմ ասել՝ ոչ : ԲՀԿ ական պատգամավորը նաև նշեց, որ նախագիծն ուղղված է կոնկրետ անձանց դեմ, քանի որ այսօր ՍԴ-ն մնացել է միակ անառիկ ամրոցը, որը գրավելով իշխանությունն ի վիճակի կլինի ցանկացած նախաձեռնություն կյանքի կոչել միջազգային, պայմանագրեր վավերացնել, այդ թվում չարաբաստիկ Ստամբուլյան կոնվենցիան:

Այսօր ՍԴ առկա կազմը թույլ չի տալիս այդ կոնվենցիան ի կատար ածվի: Այն, որ սա բացառապես քաղաքական շարժառիթներ ունի, դուք եք խոստովանել: Այսօր տխրահռչակ, ինքնահռչակ ՍԴ նախագահ Վահե Գրիգորյանն է Սահմանադրական դատարանի միակ ճգնաժամը: Մի երկիր, որի ՍԴ-ն ձևավորվում է և պահպանվում է քաղաքական շարժառիթներով, այդ երկիրը ո՛չ ներկա ունի, ո՛չ ապագա ,- եզրափակեց նա:

Related news

Latest News
Hashtags:   

երկիր

 | 

ձևավորվում

 | 

պահպանվում

 | 

քաղաքական

 | 

շարժառիթներով

 | 

երկիրը

 | 

ներկա

 | 

ապագա

 | 

Գևորգ

 | 

Պետրոսյանը՝

 | 

դատավորներին

 | 

վաղաժամ

 | 

թոշակի

 | 

ուղարկելու

 | 

նախագծի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources