Thursday 23 January 2020
Home      All news      Contact us      English
tert.am - 2 month ago

Մեր ինքնաբացարկի միջնորդության հիմքում դրված է եղել դատավորի անկողմնակալության գնահատման օբյեկտիվ մոտեցումը. Քոչարյանի գործով դատախազը՝ դատավորի ինքնաբացարկի միջնորդության մասին

Եղել է համապատասխան հրապարակում, որ Մխիթար Պապոյանը մասնակցել է Ռոբերտ Քոչարյանին ազատ արձակելու մասին որոշումը կազմելուն, այդ կապակցությամբ վարույթ կա, որը նախաձեռնվել է պարոն Պապոյանի կողմից, այդ փաստերը ենթակա են գնահատման: Այս մասին լրագրողների հետ զրույցում ասաց Ռոբերտ Քոչարյանի և մյուսների գործով մեղադրող դատախազ Գևորգ Բաղդասարյանը՝ անդրադառնալով վերաքննիչ քրեական դատարանի դատավոր Մխիթար Պապոյանի ինքնաբացարկի միջնորդությանը: Նա ասաց, որ իրենք այդ երկու հանգամանքների պատճառով հնարավոր չեն համարել Մխիթար Պապոյանի կողմից գործի քննությունը: Հարցին՝ այս ինքնաբացարկով արդյո՞ք Պապոյանը հաստատում է, որ կա շահերի բախում, Բաղդասարյանը տվեց բացասական պատասխան. Ոչ, որովհետև մեր ինքնաբացարկի միջնորդության հիմքում դրված է եղել դատավորի անկողմնակալության գնահատման օբյեկտիվ մոտեցումը. խոսքը նրանում է, որ այդ վարույթը, շարունակվելու դեպքում, կարող է դատավորի կողմից կայացված որոշումը օբյեկտիվ չընկալվել: Մենք չենք փաստարկել, թե ըստ հաղորդման կամ իրականում Պապոյանը մասնակցել է որոշման կազմմանը, այդ հանգամանքը ենթակա է քննության: Ուստի քննության ենթակա պայմաններում Պապոյանը չէր կարող լինել սույն գործով դատավոր, նա կիսեց մեր կարծիքը ,- ընդգծեց դատախազը: Ինչ վերաբերում է հարցին՝ արդյոք խափանման միջոցը նախկինում քննած լինել-չլինելու հանգամանքը կարո՞ղ է լինել ինքնաբացարկ ներկայացնելու հիմք, Բաղդասարյանը նշեց, որ ըստ միջազգային չափանիշների՝ նախկինում այդ կապակցությամբ վարույթ իրականացրած լինելը սկզբունքորեն ինքին չի բացառում տվյալ դատավորի կողմից նույն անձի վերաբերյալ հետագայում նոր միջնորդության քննարկումը: Հարցին՝ կարո՞ղ է ստեղծվել մի իրավիճակ, երբ վերաքննիչ դատարանի բոլոր դատավորների համար այս գործի քննության անհնարինություն ստեղծվի, նա շեշտեց. Բոլոր այն դեպքերում, երբ չկա դատավոր, որ կքննի քրեական գործը, այս հարցն օրենսդրորեն կարգավորված է: Այդ դեպքում դատավորը, ում մակագրված է գործը, կարող է ինքնաբացարկ չհայտնել: Նախորդ դատական նիստին հնչեցվեց սադրանք՝ ձեր հարցի տեսքով, բայց դա չի կարող լինել, նույնիսկ անտրամաբանական եմ համարում, որ կազմակերպված, ամիսներ առաջ հրապարակում լինի, որպեսզի ինչ-որ մի օր որևէ դատավորին մակագրելու դեպքում նրան ինքնաբացարկ հայտնելու հիմքեր լինեն : Դիտարկմանն էլ, թե կարող է ամիսներ առաջ չլինի, մակագրվելուց հետո լինի, նա արձագանքեց, որ նման վարքագիծ չունեն, որ վարույթից դատավորի հեռացնեն: Որևէ դատավորի վարույթից հեռացնելու սկզբունքային մոտեցում չունենք, ցանկալի դատավորներ չունենք, գործը դատավորին մակագրվելու դեպքում, ինչպես պաշտպաններն են ինքնաբացարկի միջնորդություն ներկայացնում, մենք էլ մեր դատավարական լիազորությունն ենք իրականացնում՝ քննարկում ենք՝ արդյո՞ք հնարավոր համարում ենք այդ դատավորի կողմից տվյալ գործի քննությունը, թե՝ ոչ, ու համապատասխան դատավարական ընթացք ենք տալիս ,- շեշտեց նա:

Related news

Latest News
Hashtags:   

ինքնաբացարկի

 | 

միջնորդության

 | 

հիմքում

 | 

դրված

 | 

դատավորի

 | 

անկողմնակալության

 | 

գնահատման

 | 

օբյեկտիվ

 | 

մոտեցումը

 | 

Քոչարյանի

 | 

գործով

 | 

դատախազը՝

 | 

դատավորի

 | 

ինքնաբացարկի

 | 

միջնորդության

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources