Saturday 18 January 2020
Home      All news      Contact us      English
tert.am - 1 month ago

Ծխախոտի գինը բարձրացնում ենք, բայց չգիտենք՝ մարզերում «Չիբուխ» ծխողներն ինչ են ծխելու. չկա մեր հարգելի նախարարը, որ հասկանանք՝ ինչ եղան աշխատանքային քննարկումները. Գևորգ Գորգիսյան (տեսանյութ)

Ո՞ւր է պարոն նախարարը. իրականում բավական երկար քննարկվել է, երկար աշխատանքային քննարկումներ են եղել, որոնց ընթացքում հարցեր են բարձրացվել, պայմանավորվածություններ են ձեռք բերվել: Հիմա չկա մեր հարգելի նախարարը, որ հասկանանք այդ պայմանավորվածություններն ինչ եղան: Այս մասին ԱԺ-ում Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին հարցի քննարկմանն ասաց ԱԺ Լուսավոր Հայաստան խմբակցության պատգամավոր Գևորգ Գորգիսյանը: Գորգիսյանը կարծիք հայտնեց, որ պայմանավորվածությունների մի մասն արդեն կարող էին հաստատվել և լինել նախագծում, որովհետև մինչև հանձնաժողով գալը կային դրույթներ, որոնք կարող էին փոխվել: Ի սկզբանե ասեմ՝ չեմ ծխում և չեմ պատրաստվում ծխել, բայց եթե քննարկում ենք օրենք, ապա այն պետք է հաշվի առնել բոլոր կողմերից. մեզ բաժանվեց ինչ-որ թղթիկ, որի վրա գրված են սիրուն տառեր, բայց ոչ մի թիվ, մենք քննարկում ենք օրենք, որի հետևանքներն են կարևոր: Այո, ծխելը վատ բան է, բայց երբ ասում եք ծխելը միշտ վնասակար է, ապա կա տարիք, որից հետո մարդկանց բժիշկները խրախուսում են ծխել, որովհետև նիկոտինի պակասի պատճառով սկսվում են առողջական խնդիրներ: Հայրս մահացել է թոքերի քաղցկեղից, երբ 60 տարեկանի մոտ էր, նա փորձում էր թարգել ծխելը, նրա մոտ սկսեցին առողջական խնդիրներ և բժիշկները նրան խորհուրդ տվեցին շարունակել ծխելը ,- ասաց Գորգիսյանը: Պատգամավորն ընդգծեց, որ նախագծում որևէ թիվ ներկայացված չէ. Ներկայացված չէ, թե ովքե՞ր են ծխում և ինչպե՞ս է բաշխված տարիքային, սեռական գործոնը: Այդ ամենը չներկայացրեցիք մարզերո՞ւմ, թե՞ Երևանում, որովհետև եթե Երևանում, օրինակ, սրճարաններում արգելելը կարող է ազդել ծխելու վրա, մարզերում, էն մարդիկ, որոնք Չիբուխ են ծխում, նրանց վրա ոչ մի կերպ չի ազդելու: Մենք բարձրացնում ենք ծխախոտի գինը, բայց չգիտենք այդ Չիբուխ ծխողներն ինչ են ծխելու. սրա հետևանքներն էլ ոչ մի կերպ կանխատեսված չեն ,- ասաց նա: Պատգամավորը շեշտեց, որ կա Վրաստանի փորձը, որտեղ սկսել են թութուն ծխել, Ռուսաստանում սև շրջանառությունն էլ ավելացել է նման սահմանափակումերի պատճառով: Նա նշեց, որ խոսվում է խանութներում ծխախոտի ցուցադրության և դրա հետևանքների մասին: Այո, մենք պիտի մտածենք նաև տնտեսվարողների շահերի մասին, որովհետև նախարարը ստանում է աշխատավարձ նաև տնտեսվարողների մուծած գումարներից, և չի կարելի անտեսել նրանց շահերը: Եկեք չմոռանանք, որ ի վերջո մենք ծխախոտ արտահանող երկիր ենք: Այո, ես կողմ եմ առողջ ապրելակերպին, բայց սպորտով զբաղվելը պետք է խրախուսել և ոչ թե ստեղծել խնդիրներ բոլորի համար՝ առանց լուծելու հիմնական խնդիրը ,- ասաց նա:



Related news

Latest News
Hashtags:   

Ծխախոտի

 | 

բարձրացնում

 | 

չգիտենք՝

 | 

մարզերում

 | 

Չիբուխ

 | 

ծխողներն

 | 

ծխելու

 | 

հարգելի

 | 

նախարարը

 | 

հասկանանք՝

 | 

աշխատանքային

 | 

քննարկումները

 | 

Գևորգ

 | 

Գորգիսյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources