Sunday 19 January 2020
Home      All news      Contact us      English
tert.am - 1 month ago

Ցանկանում ենք 6 ամսով երկարացնել Ապրիլյան պատերազմի հանգամանքները քննող քննիչ հանձնաժողովի գործունեությունը և անթերի կատարել գործը, որ որևէ քաղաքական շահարկման առիթ չլինի. Անդրանիկ  Քոչարյան

ԱԺ-ն քննարկում է 2016 թվականի Ապրիլյան պատերազմի հանգամանքները քննող քննիչ հանձնաժողովի գործունեության ժամկետը երկարացնելու հարցը: Քննիչ հանձնաժողովի նախագահ Անդրանիկ Քոչարյանը ներկայացրեց նախորդ վեց ամսվա գործունեությունը և այն պատճառները, թե ինչու պետք է երկարացնել հանձնաժողովի գործունեությունը: Ըստ Քոչարյանի՝ աշխատանքների ընթացքում հանձնաժողովի փորձագետների կողմից կազմվել է նախնական ուսումնասիրման համար անհրաժեշտ փաստաթղթերի ցանկը, որը հասցվել է ՀՀ ՊՆ-ին: Սույն թվականի հուլիսի 9-ին ՀՀ ՊՆ-ից ստացվել է փաստաթղթերի առաջին խումբը և սկսվել է դրանց ուսումնասիրությունները: Առ այսօր հանձնաժողովն ուսումնասիրել է շուրջ 2684 էջ ծավալով, 147 տեքստային և 14 գրաֆիկական քարտեզներ, տեղեկատվական, վերլուծական, հետախուզական, զորքերի կառավարման օպերատիվ և այլ բնույթի գաղտնի և հույժ գաղտնի փաստաթղթեր: Ստացված փաստաթղթերի ուսումնասիրությունների արդյունքների հիման վրա հանձնաժողովն անցկացրել է հանձնաժողովի 21 նիստ, քննվել են 10 զինծառայողներ: Զինծառայողների քննության արդյունքում կազմվել և հնչեցվել են շուրջ 415 հարց, որոնց վերաբերյալ ստացվել են հետաքրքիր տեղեկություններ, պարզաբանումներ, կատարվել են ճշտումներ ,- հանձնաժողովի գործունեությունը ներկայացրեց Քոչարյանը: Նրա խոսքով՝ սույնով հանձնաժողովն անցել է ամենաբարդ փուլը. Վերջնական փուլը իրականացնելու ենք հաստատված ցանկի պաշտոնյաներին վերջնական լսելով, նրանց քանակը կարող է հասնել մինչև 40-ի: Դա կտևի մի քանի ամիս, և վերջին երկու ամիսը նախատեսում ենք անցկացնել մեր վերջնական եզրակացությունների հիման վրա համապարփակ աշխատանքը լիարժեք իրականացնելու համար ,- ասաց նա: Աժ Իմ քայլը խմբակցության պատգամավոր Լիլիթ Մակունցը հետաքրքրվեց՝ կա՞ հետագա աշխատանքների համար սահմանված հստակ ժամանակացույց՝ աշխատանքի բաժանումով, որով համոզված կլինենք, որ այս ժամանակահատվածը բավարար է լինելու աշխատանքները ավարտին հասցնելու համար: Անդրանիկ Քոչարյանը նշեց, որ ըստ գործող օրենսդրության, իրենք վեց ամսից ավել ժամանակ խնդրելու իրավունք չունեն: Դա մաքսիմալ ժամանակն է, մենք մաքսիմալն ենք խնդրել՝ հաշվի առնելով նաև հունվարյան միջոցառումները, տոները: Մենք մաքսիմալն ենք ուզել, բայց կարծում եմ՝ կտեղավորվենք ավելի կարճ ժամանակահատվածի մեջ: Ցանկանում ենք անթերի կատարել գործը, որ որևէ քաղաքական շահարկման առիթ չլինի ,- ընդգծեց պատգամավորը:

Related news

Latest News
Hashtags:   

Ցանկանում

 | 

ամսով

 | 

երկարացնել

 | 

Ապրիլյան

 | 

պատերազմի

 | 

հանգամանքները

 | 

քննող

 | 

քննիչ

 | 

հանձնաժողովի

 | 

գործունեությունը

 | 

անթերի

 | 

կատարել

 | 

գործը

 | 

քաղաքական

 | 

շահարկման

 | 

չլինի

 | 

Անդրանիկ 

 | 

Քոչարյան

 | 
Most Popular (6 hours)

Most Popular (24 hours)

Most Popular (a week)

Sources