Sunday 19 January 2020
Home      All news      Contact us      English
tert.am - 1 month ago

Մեկուկես տարի է անցել հեղափոխությունից, բայց որոշ գործընթացներ բավականաչափ արագությամբ չեն ընթացել. «Թրանսփարենսի ինթերնեշնլ» հակակոռուպցիոն կենտրոնի գործադիր տնօրեն

Մեկուկես տարի է անցել հեղափոխությունից, բայց որոշ գործընթացներ այն արագությամբ չեն ընթացել, որով պետք է ընթանային: Այս մասին Կոռուպցիայի դեմ պայքարը՝ հանուն կայուն զարգացման նպատակների թեմայով փորձագիտական քննարկմանը լրագրողների հետ ճեպազրույցում ասաց Թրանսփարենսի ինթերնեշնլ հակակոռուպցիոն կենտրոնի գործադիր տնօրեն Սոնա Այվազյանը: Այդ պատճառով մենք առաջարկում ենք, որ ավելի ակտիվ, ավելի արմատական լինեն փոփոխությունները ,-հավելեց նա: Վերջինիս խոսքով՝ Թրանսփարենսի ինթերնեշնլ մտահոգիչ հանգամանքներ է տեսնում հիմնականում շահերի բախմանն առնչվող գործընթացներում: Կարծում ենք, որ պետք է հնարավորինս լրջորեն վերաբերվել առհասարակ շահերի բախման երևույթին, և փակել բոլոր հնարավորությունները, որոնք կարող են ստեղծել նմանատիպ ռիսկեր, և մի շարք բաղադրիչները, որոնք գալիս, ի վերջո կպնում են այդ շահերի բախման երևույթին: Այսինքն՝ գումարների ծախսում, արդյունավետություն, հանրային մասնակցություն ,-ասաց Այվազյանը՝ ընդգծելով, թե ռեֆորմները պետք է բավականին արագ ընթանան: Այվազյանը նշեց նաև, թե իրենք շատ են կարևորում կադրային քաղաքականությունը: Պետք է ընտրվեն ճիշտ կադրեր, որոնք ունեն գաղափարներ, համարձակ են իրենց գործողություններում, վախեցած չեն, կարող են արմատական փոփոխություններ բերել: Այդպիսի կադրերի համար է պետք ստեղծել համապատասխան պայմաններ, որպեսզի իրենք և՛ ներգրավվեն, և՛ նաև մնան պետական համակարգում, և պետական իներցիոն արատավոր երևույթների մեջ չներքաշվեն կամ ստիպված չլինեն հեռանալ համակարգից ,-ասաց Սոնա Այվազյանը:

Related news

Latest News
Hashtags:   

Մեկուկես

 | 

անցել

 | 

հեղափոխությունից

 | 

գործընթացներ

 | 

բավականաչափ

 | 

արագությամբ

 | 

ընթացել

 | 

Թրանսփարենսի

 | 

ինթերնեշնլ

 | 

հակակոռուպցիոն

 | 

կենտրոնի

 | 

գործադիր

 | 

տնօրեն

 | 
Most Popular (6 hours)

Most Popular (24 hours)

Most Popular (a week)

Sources