Saturday 25 January 2020
Home      All news      Contact us      English
tert.am - 2 month ago

Նյույորքցին կերել է 120 000 դոլարով վաճառված ինստալյացիայի բանանը (լուսանկար)

Մայամիում մեկնարկած Art Basel ժամանակակից արվեստի ցուցահանդեսի շրջանակում կպչուն ժապավենով սպիտակ պատին ամրացված սովորական բանանը, որը վաճառվել էր 120 000 դոլարով և դրանով իսկ մեծ աղմուկ հանել, արդեն կերել են:

Ինչպես հայտնում է theguardian.com-ը, ուշագրավ ինստալիացիայի հեղինակ Մաուրիցիո Կատելանը պատմել է, որ բանանը կերել է նյույորքցի արվեստագետ Դևիդ Դատունան՝ պատճառաբանելով, որ քաղցած է:

Ինչ վերաբերում է նմուշի գնորդին, որն աստղաբաշխական գումար էր վճարել պատին ամրացված մրգի համար, ապա նրան տրվել է համապատասխան սերտիֆիկատ, համաձայն որի՝ նա ամեն անգամ կարող է բանանը փոխարինել նորով:

Հատկանշական է, որ երբ Դևիդ Դատունա կերել է բանանը, դրանից հետո, պատին նոր բանան է ամրացվել:

Ինչպես ավելի վաղ հայտնել էր tert.am-ը, տվյալ աշխատանքի հեղինակն այս ինստալիացիայի շուրջ մտածել է մեկ տարի, սակայն դրա իմաստը չի բացատրել:

Հայտնի է, որ մեկ տարվա ընթացքում Կատելանը սենյակում բանանին է նայել, որպեսզի ներշնչանք գտնի:

Հատկանշական է, որ բանանային արվեստի առաջին նմուշը վաճառվել է ֆրանսիական Galerie Perrotin ժամանակակից արվեստի պատկերասրահում:

Ի դեպ, սա Մաուրիցիո Կատելանի առաջին արտասովոր աշխատանքը չէ. իտալացին 18 կարատանոց ոսկուց պատրաստված հայտնի զուգարանի հեղինակն է նաև:


Related news

Latest News
Hashtags:   

Նյույորքցին

 | 

կերել

 | 

դոլարով

 | 

վաճառված

 | 

ինստալյացիայի

 | 

բանանը

 | 

լուսանկար

 | 
Most Popular (6 hours)

Most Popular (24 hours)

Most Popular (a week)

Sources