Monday 20 January 2020
Home      All news      Contact us      English
tert.am - 1 month ago

Գերմանիայում հայտնաբերվել են 40 տարի առաջ գողացված թանկարժեք կտավներ

Գերմանիայի Գոթա քաղաքի Ֆրիդենշթայն ամրոցի թանգարանից 1979-ին գողացված կտավները հայտնաբերվել են, գրում է Life-ը՝ հղում անելով Spiegel ամսագրին: Պարբերականի տվյալներով՝ խոսքը Հանս Հոլբայն ավագի Սուրբ Կատարինա , Յան Բրեյգել ավագի Գյուղական փողոց՝ սայլերով և կովերով , Ֆրանս Հալսի Երիտասարդի դիմանկարը , Յան Լիվենսի Ծերուկը և Անտոնիսա վան Դեյքի Ինքնանկար՝ արևածաղկով կտավների մասին է, որոնք հայտնաբերվել են հենց Գերմանիայում: Նախորդ տարվա կեսերին անանուն մնալու ցանկություն հայտնած անձինք իրենց փաստաբանների միջոցով Ֆրիդենշթայն ամրոցի հիմնադրամին պատմել են, որ գողացված նկարներն իրենց են պատկանում: Սակայն, իրենք վստահելի տեղեկություններ չեն հաղորդել նկարների գնման վերաբերյալ: Գոթայի իշխանությունները փաստաբանի հետ գաղտնի բանակցություններ են տարել, որի ընթացքում վերջինս կտավների դիմաց 5.25 միլիոն եվրո (մոտ 5,75 միլիոն դոլար) է պահանջել: Պարբերականը նկատում է, որ դեկտեմբերի 5-ին Գերմանիայի ամբողջ տարածքում խուզարկություններ տեղի ունեցան, հարուցվել է քրեական գործ: Այժմ կտավները Բեռլինի պետական թանգարաններ միավորման լաբորատորիայում են, որտեղ ստուգումներ են ընթանում պարզելու համար, թե արդյոք նկարները գողացվել են քաղաքից: 1979-ի դեկտեմբերի 13-ի լույս 14-ի գիշերը Ֆրիդենշթայն ամրոցի թանգարանից գողացվել էր 5 նկար: Այդ ժամանակ այս կտավների գողությունը Արևելյան Գերմանիայում խոշորագույնը համարվեց:

Related news

Latest News
Hashtags:   

Գերմանիայում

 | 

հայտնաբերվել

 | 

գողացված

 | 

թանկարժեք

 | 

կտավներ

 | 
Most Popular (6 hours)

Most Popular (24 hours)

Most Popular (a week)

Sources