Friday 24 January 2020
Home      All news      Contact us      English
tert.am - 2 month ago

Պորոշենկոն խորհուրդ է տվել պատ կառուցել ռուս-ուկրաինական սահմանին

Ուկրաինայի նախկին նախագահ Պյոտր Պորոշենկոն երկրի ներկայիս իշխանություններին խորհուրդ է տվել պատ կառուցել ոչ թե Դոնբասի, այլ Ռուսաստանի հետ սահմանին: Ինչպես հայտնում է РИА Новости-ն՝ այս մասին նախկին նախագահը խոսել է Прямой հեռուստաալիքի եթերում: Նրա խոսքով՝ Դոնբասի հետ պատի կառուցումը կարող է հանգեցնել Մոսկվայի դեմ պատժամիջոցների կասեցմանը: Միևնույն ժամանակ, Պորոշենկոն համարում է, որ Կիևը ռուսական սահանին կառուցված պատի անհրաժեշտություն կունենա: Պորոշենկոն նաև հավելել է, որ նորմանդական քառյակի գագաթնաժողովին անհաջողության դեպքում սարսափելի ոչինչ չկա. Վերադարձեք Ուկրաինա, միավորեք ազգը, կառուցեք բանակ, կառուցեք պետություն ,- ասել է նախկին նախագահը: Հիշեցնենք, որ Ուկրաինայի նախագահ Վլադիմիր Զելենսկին հաստատել է, որ նորմանդական քառյակի բանակցությունների շրջանակում նախապես ծրագրված հանդիպում ունի ՌԴ նախագահ Վլադիմիր Պուտինի հետ: Զելենսկին հայտնել է, որ ցանկանում է Փարիզից հստակ արդյունքներով վերադառնալ և Ուկրաինա բերել այն բանի գիտակցումն ու զգացումը, որ բանակցող բոլոր կողմերը ցանկանում են աստիճանաբար ավարտել այս ողբերգական պատերազմը : ՌԴ նախագահի մամուլի խոսնակ Դմիտրի Պեսկովը հայտարարել էր, որ դեկտեմբերի 9-ին Փարիզում նախատեսված Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի առաջիկա հանդիպման հետ կապված Մոսկվան խիստ զուսպ լավատեսություն է ցուցաբերում ռուս-ուկրաինական հարաբերությունների կայացման հարցում:

Related news

Latest News
Hashtags:   

Պորոշենկոն

 | 

խորհուրդ

 | 

կառուցել

 | 

ուկրաինական

 | 

սահմանին

 | 
Most Popular (6 hours)

Most Popular (24 hours)

Most Popular (a week)

Sources