Saturday 25 January 2020
Home      All news      Contact us      English
tert.am - 2 month ago

Մեկնարկել է «Արտակարգ իրավիճակներում առողջապահական խնդիրների  նկատմամբ տեղական համայնքների դիմակայունության բարձրացում Հարավային Կովկասում» տարածաշրջանային ծրագիրը

Դեկտեմբերի 6-ին Հայկական Կարմիր խաչի ընկերության (ՀԿԽԸ) Կենտրոնական գրասենյակում տեղի ունեցավ Արտակարգ իրավիճակներում առողջապահական խնդիրների նկատմամբ տեղական համայնքների դիմակայունության բարձրացում Հարավային Կովկասում ծրագրի մեկնարկի միջոցառումը։ Աղետները, ճգնաժամերը և այլ արտակարգ իրավիճակները հաճախ զգալի ազդեցություն են ունենում մարդկանց առողջության վրա՝ նաև դառնալով մահվան պատճառ։ Ծրագիրը, որն իրականացվելու է Տավուշի, Սյունիքի, Վայոց ձորի մարզերում և Երևանում, նպատակ ունի բարձրացնելու համայնքների դիմակայունությունը՝ բնակչության առողջության վրա աղետների և արտակարգ իրավիճակների բացասական ազդեցությունը և հետևանքները նվազեցնելու համար, ինչպես նաև բարելավելու համաճարակներին դիմակայելու, առաջին օգնության, հոգեբանական աջակցության կարողությունները։ Ծրագրի շնորհիվ հանրապետության ամենախոցելի համայնքները կզարգացնեն առողջապահական ռիսկերը և արտակարգ իրավիճակների ու աղետների հետևանքները կառավարելու կարողությունները։ Հայկական Կարմիր խաչի ընկերության կամավորները, ինչպես նաև տեղական ինքնակառավարման մարմինների ներակայացուցիչները նույնպես նոր գիտելիքներ ձեռք կբերեն աղետների և ճգնաժամերի առողջապահական հետևանքներին արձագանքելու ոլորտում։ Դրան հասնելու համար կիրականացվեն հետևյալ գործողությունները․ կարողությունների կառուցմանն ուղղված բազմասեկտոր համայնքակենտրոն գործողություններ, համայնքային սանիտարահամաճարակային հսկողության համակարգեր, աղետներին արագ արձագանքելու նպատակով արտակարգ իրավիճակների ժամանակ անհրաժեշտ առողջապահական պարագաների պահուստային ֆոնդեր, Տեղական առողջապահական մարմիններին աջակցելու նպատակով միջազգային Առողջապահական կանոնակարգերի իրականացման և միջոլորտային համակարգման մեխանիզմները բարելավելու քաղաքականության մշակում։ Արտակարգ իրավիճակներում առողջապահական խնդիրների նկատմամբ տեղական համայնքների դիմակայունության բարձրացում Հարավային Կովկասում ծրագիրն իրականացվելու է մինչև 2020 թվականի սեպտեմբեր ամիսը ԱՄՆ ՄԶԳ ֆինանսավորմամբ և Կարմիր խաչի և Կարմիր մահիկի ընկերությունների միջազգային ֆեդերացիայի (ԿԽՄՖ) հետ համագործակցությամբ։

Related news

Latest News
Hashtags:   

Մեկնարկել

 | 

Արտակարգ

 | 

իրավիճակներում

 | 

առողջապահական

 | 

խնդիրների 

 | 

նկատմամբ

 | 

տեղական

 | 

համայնքների

 | 

դիմակայունության

 | 

բարձրացում

 | 

Հարավային

 | 

Կովկասում

 | 

տարածաշրջանային

 | 

ծրագիրը

 | 
Most Popular (6 hours)

Most Popular (24 hours)

Most Popular (a week)

Sources