Wednesday 29 January 2020
Home      All news      Contact us      English
tert.am - 2 month ago

Մենք ունենք Արցախի ձայնի և նրա դիրքորոշման կարիքը. Կարեն Բեքարյան (տեսանյութ)

ՀՀ և Արցախի անվտանգության խնդիրը դարձնում ենք մեզ համար բավականին ոչ նպաստավոր պայմաններում քննարկվող առաջին հերթին մեր իսկ կողմից իրականացվող սխալների հաշվին: Բրատիսլավայում Ղարաբաղյան հիմնախնդրի կարգավորման բանակցային հերթական հանգրվանը պետք է լինի այն դասը, որ այսպես շարունակել չի կարելի: Այս մասին Տողերի արանքում հաղորդաշարի հերթական թողարկման եթերում նշել է վերլուծաբան Կարեն Բեքարյանը: Վերլուծաբանի կարծիքով Բրատիսլավայում ԵԱՀԿ նախարարական խորհրդի նիստի ժամանակ ԱԳ նախարար Զոհրաբ Մնացականյանի ելույթը կարող է լինել առաջին ծիծեռնակը իրավիճակը շտկելու ճանապարհին: ԱԳ նախարարի երեկվա ելույթը և Հայաստանի հրապարակված դիրքորոշումը քայլ է, որը կարող է և պետք է բերի իր նպաստը բանակցային գործընթացը դեպի բնականոն հուն բերելուն: Վերջապես կա դիրքորոշում. եթե ոչ բովանդակությունն ամբողջությամբ, եթե ոչ դետալները, ապա փաստը, որպես այդպիսին, կարելի է ողջունել ,-նշել է Կարեն Բեքարյանը ընդգծելով, որ Հայաստանի ներկայացված պաշտոնական դիրքորոշումը որևէ կապ չունի այն պնդման հետ, որ Նիկոլ Փաշինյանը Ղարաբաղյան խնդրին մոտենում է իր կետից: Կարեն Բեքարյանը ԱԳ նախարարի այս ելույթում առկա խնդրահարույց ձևակերպումները ցանկանում է վերագրել հապճեպությանը, ոչ թե՝ այլ պլանի առկայությանը: Մասնավորապես, ԱԳ նախարարը, խոսելով ԼՂ կարգավիճակի որոշման հետ կապված Ադրբեջանի ստանձնելիք պարտավորության մասին, հստակ չի նշում պարտավորության ստանձման մեխանիզմների, միջազգային երաշխիքների, կարգավիճակի որոշման ժամկետների մասին: Այս հարցերի հստակեցման բացակայությունը ելույթի այս կետը դարձնում է լղոզված այն դեպքում, երբ դիմացը կա Ադրբեջանի բավականին կոշտ հայտարարությունը ,-նշում է Բեքարյանը: Վերլուծաբանը տարակուսանք է հայտնում ՀՀ պաշտոնական դիրքորոշումը արտահայտող ելույթում Ղարաբաղյան կարգավորումը երեք ժողովուրդների համար ընդունելի լինելու մասին վարչապետի ի սկզբանե բավականին վտանգավոր թեզի բարձրաձայնման կապակցությամբ: Երբ Ադրբեջանն իրականացրել է այս սադրանքը, արել է այս շանտաժը (ԵԱՀԿ-ում Ղարաբաղյան կարգավորման վերաբերյալ վերջնագրային բնույթի հուշագրի տարածում), արդյոք այս պարագայում կարելի՞ էր հիշատակել վարչապետի՝ ի սկզբանե վտանգավոր այդ թեզը: Առավել ևս ստեղծված իրավիճակում Բրատիսլավայի համատեքստում և Բրատիսլավայից հետո կոպիտ սխալ է շարունակել պնդել այս թեզը , - ընդգծում է Կարեն Բեքարյանը: Նրա կարծիքով եթե մենք հաշվի չառնենք Բրատիսլավայի դասերը, Մնացականյանի այս ելույթի թերությունները ավելի ծանր կլինեն կշեռքի նժարին, քան նրանով արձանագրված արդյունքն առ այն, որ երկիրը վերջապես հայտնեց դիրքորոշում: Կարեն Բեքարյանը նաև հորդորեց վերականգնել Արցախի ինքնուրույն ձայնը: Ոչինչ դրանից ավելի բարձր չէ, ոչ մի անձի ամբիցիաները անկախ պաշտոնից, տարբեր տեղերում տրված խոստումները և պայմանավորվածությունները: Մենք ունենք Արցախի ձայնի և նրա դիրքորոշման կարիքը , - ընդգծում է Կարեն Բեքարյանը:

Related news

Latest News
Hashtags:   

ունենք

 | 

Արցախի

 | 

ձայնի

 | 

դիրքորոշման

 | 

կարիքը

 | 

Կարեն

 | 

Բեքարյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources