Wednesday 22 January 2020
Home      All news      Contact us      English
tert.am - 2 month ago

Ուզում են իրենց համար անկանխատեսելի դատավորներին կոնկրետ քրեական գործերով շարքից հանել. Ռոբերտ Քոչարյանը՝ դատախազների կողմից Մխիթար Պապոյանին ինքնաբացարկ հայտնելու մասին

Վերաքննիչ քրեական դատարանի այսօրվա նիստին Մարտի 1-ի գործով մեղադրող դատախազ Գևորգ Բաղդասարյանն ինքնաբացարկի միջնորդություն ներկայացրեց նախագահող դատավոր Մխիթար Պապոյանին։ Միջնորդությանը միացավ նաև մեղադրական եզրակացությունը ստորագրած դատախազ Պետրոս Պետրոսյանը։ Մասնավորապես, դատախազը հղում արեց 2019-ի մայիսի 21-ին Armlur.am կայքի մի հրապարակմանը, որտեղ նշվում է, որ Ռոբերտ Քոչարյանի ազատ արձակելու որոշումը գրել են Վերաքննիչ դատարանի երեք դատավորներ, որոնց թվում եղել է Մխիթար Պապոյանը ։ Բաղդասարյանի խոսքով՝ այդ հանգամանքները բացառում են դատավորի մասնակցությունը տվյալ գործին։ Ռոբերտ Քոչարյանի պաշտպաններն առարկեցին, ուշադրություն հրավիրելով այն հանգամանքի վրա, որ դատախազի կողմից հիշատակված գործը որևէ կերպ չի առնչվում Ռոբերտ Քոչարյանի նկատմամբ հարուցված գործին։ Փաստաբան Արամ Օրբելյանը նշեց, որ դատավորին ինքնաբացարկ հայտնելու իրավական հիմքերը բացակայում են։ Պաշտպան Հայկ Ալումյանի խոսքով, սա ոչ թե դատավոր Մխիթար Պապոյանին ինքնաբացարկ հայտնելու միջնորդություն է, այլ միջնորդություն՝ գործը փոխանցելու դատավոր Արմեն Դանիելյանին։ Դատավորի ինքնաբացարկի դեպքում կարող է վատ նախադեպ ստեղծվել, և եթե դատավարության կողմերից որևէ մեկին ձեռնտու չէ դատավորը, ապա կարող են նրա վերաբերյալ զրպարտչական բնույթի տեղեկություններ տարածել ու այդպիսով դատավոր չի մնա, ով գործ կքննի , - նշեց Հ․ Ալումյանը։ Ռոբերտ Քոչարյանն էլ ասաց, որ փաստաբան Ալումյանը փորձել է ներկայացնել, որ այդկերպ մի գործիք է ձևավորվելու, որը երկու կողմն էլ կարող է կիրառել: Իմ կողմնակիցները սկսելու են ֆեյսբուքում ինչ-որ կերպ արտահայտվել դատավորների նկատմամբ, դատախազների նկատմամբ, հակառակ կողմը սկսի կարծիք հայտնել բարձր վարկանիշ ունեցող դատավորների նկատմամբ: Սա միակողմանի գործիք է, որովհետև քրգործ հարուցող մարմիները քննչական մարմիններն են, որոնք ուղղակի գործադիր իշխանության ազդեցության տակ են գտնվում: Ուղղակի ճշտում մտցնեմ, որ սա միակողմանի օգտագործվող գործիք է լինելու և այդ ճանապարհով կարելի է չեզոքացնել բոլոր բարձր վարկանիշ ունեցող, իրենց համար անկանխատեսելի դատավորներին, այդ կերպ նրանց ուղղակի շարքից հանել կոնկրետ քրեական գործերով: Ես դրա համար եմ ասում, որ դեմն առնեք, և նման քայլով այդ պրակտիկան հետագայում կիրառելու հնարավորություն չստեղծել ,-ասաց Ռոբերտ Քոչարյանը: Իր հերթին պաշտպան Ռուբեն Սահակյանը նշեց, որ դատական համակարգի շուրջ ստեղծված մթնոլորտն այնպիսին է, որ դատավորների մեծ մասն այսօր խուսափում է Ռոբերտ Քոչարյանի գործը քննելուց։ Միջնորդության քննարկումն ավարտվեց, դատարանը հեռացավ խորհրդակցական սենյակ։ Դատական ակտը կհրապարակվի դեկտեմբերի 9-ին, ժամը 16:00-ին։ Հիշեցնենք, որ Վերաքննիչ քրեական դատարանը պետք է քննի Երևանի ընդհանուր իրավասության դատարանի կողմից Ռոբերտ Քոչարյանին գրավի դիմաց ազատ չարձակելու որոշման դեմ պաշտպանների բողոքը:

Related news

Latest News
Hashtags:   

Ուզում

 | 

իրենց

 | 

համար

 | 

անկանխատեսելի

 | 

դատավորներին

 | 

կոնկրետ

 | 

քրեական

 | 

գործերով

 | 

շարքից

 | 

հանել

 | 

Ռոբերտ

 | 

Քոչարյանը՝

 | 

դատախազների

 | 

կողմից

 | 

Մխիթար

 | 

Պապոյանին

 | 

ինքնաբացարկ

 | 

հայտնելու

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources