Saturday 25 January 2020
Home      All news      Contact us      English
tert.am - 2 month ago

Ավելի քան 800 000 մարդ՝ ընդդեմ Մակրոնի. նախագահի դեմ բողոքող ֆրանսիացիները կրկին փողոց են դուրս եկել (լուսանկարներ, տեսանյութ)

Ավելի քան 800 000 մարդ բողոքի ակցիաներ է անցկացրել Ֆրանսիայի տարբեր քաղաքներում, մինչդեռ երկաթգծի, հիվանդանոցների, դպրոցների և մի շարք այլ հաստատությունների աշխատակիցներ իրականացնում են վերջին տարիների ընթացքում խոշորագույն գործադուլը երկրում:

Ինչպես նշում է The Guardian-ը, դժգոհության պատճառը նախագահ Էմանուել Մակրոնի՝ կենսաթոշակային համակարգում փոփոխություններ անելու ծրագիրն է: Գործադուլի մասնակիցները պնդում են, որ Մակրոնի ծրագրի իրագործման դեպքում միլիոնավոր մարդիկ ստիպված կլինեն ավելի երկար աշխատել ու ավելի քիչ գումար ստանալ:

Պարբերականը նկատում է, որ տրանսպորտային ոլորտի աշխատակիցների գործադուլի հետևանքով դադարեցվել է գնացքների, մետրոյի և ավտոբուսների աշխատանքը, չեղարկվել են որոշ չվերթներ:

Մայրաքաղաք Փարիզում ոստիկանությունը բախվել է մի խումբ ցուցարարների հետ և արցունքաբեր գազ կիրառել: Ցուցարարներից որոշները ջարդուփշուր են արել ավտոբուսների կանգառները, խանութների ապակիները, շրջել են կայանված մեքենաները, հրկիզել են աղբամանները: Ընդհանուր առմամբ, ձերբակալվել է 70 մարդ:

Փարիզյան ցույցին մասնակցել են բուժաշխատողներ, էներգետիկ ոլորտի աշխատողներ, հրշեջներ, ուսուցիչներ, աշակերտներ, որոնք ծածանել են Մակրո՛ն, հեռացի՛ր գրությամբ պաստառներ:

Սա կյանքի և մահվան հարց է Ֆրանսիայի սոցիալական համակարգի համար, որը Մակրոնը կազմաքանդում է: Մեզ վերադարձնում են 1945թ.-ից առաջ ընկած ժամանակահատված, երբ սոցիալական ապահովության ցանցը կորցնելու վտանգի առաջ էինք ,-ասել է 20 տարի Փարիզի քաղաքապետարանում աշխատող Իզաբել Ժարիվեն, որի պնդմամբ՝ օդում թևածում է ըմբոստության տրամադրությունը:

Ստորև ֆոտոշարքով ներկայացված են ցույցերի ուշագրավ պահերը.

Related news

Latest News
Hashtags:   

Ավելի

 | 

մարդ՝

 | 

ընդդեմ

 | 

Մակրոնի

 | 

նախագահի

 | 

բողոքող

 | 

ֆրանսիացիները

 | 

կրկին

 | 

փողոց

 | 

դուրս

 | 

լուսանկարներ

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources