Thursday 23 January 2020
Home      All news      Contact us      English
tert.am - 2 month ago

Ցանկացած խորացող կոռուպցիոն ռիսկ ռումբ է դառնալու ձեր իշխանության համար. Անի Սամսոնյանը՝ իշխանության ներկայացուցիչներին՝շինթույլտվությունների դիմաց Երևանին «ԿամԱԶ»-ներ նվիրաբերելու վերաբերյալ

Ցանկացած կոռուպցիոն ռիսկ, որի մասին մենք այսօր խոսում ենք, դուք պետք է շահագրգռված լինեք բացահայտել, որովհետև եթե այն խորացավ, ռումբ է դառնալու ձեր իշխանության համար: Այս մասին Ազատություն ՌԿ-ի բանավեճի ընթացքում, դիմելով իշխանության ներկայացուցիչներին, հայտարարել է ԱԺ Լուսավոր Հայաստան խմբակցության պատգամավոր Անի Սամսոնյանը՝ անդրադառնալով շինթույլտվությունների դիմաց Երևանի քաղաքապետարանին ԿամԱԶ -ներ նվիրաբերելուն: Անդրադառնալով դիտարկմանը, թե կոռուպցիոն դեպքն այն է, որ անհատը դրանից նյութական օգուտ է ստանում, պատգամավորն ասել է, թե կոռուպցիան չպետք է դիտարկել միայն անձնական օգուտի տիրույթում: Պարտադիր չէ դեպքն անվանել կոռուպցիա, եթե ինչ-որ մեկն օգուտ է տարել իր տուն: Պետությունը, տեղական իշխանությունները գնում են գործարարների հետ գործարքների և այդ գործարքներն ստեղծում են անհավասար, անարդար պայմաններ մյուս քաղաքացիների համար: Այստեղ է կոռուպցիոն ռիսկը: Եվ եթե մենք պարզենք, որ ԿամԱԶ -ների դիմաց տրված շինթույլտվությունները վնասել են մյուս քաղաքացիներին և նրանց դրել են անհավասար մրցակցության մեջ, սա կոռուպցիա է ,-պարզաբանել է պատգամավորը, որին հավելել է Երևանի ավագանու Լույս խմբակցության ղեկավար Դավիթ Խաժակյանը. կոռոիպցիան պոզով, պոչո՞վ է լինում : ԼՀԿ ներկայացուցիչները պնդել են՝ իրենց տեղեկություններով՝ քաղաքապետարանին արված նվերները չեն եղել կամավոր սկզբունքով, ինչն էլ հիմք է տալիս մտածել կոռուպցիոն ռիսկի մասին: Երբ քաղաքապետ Հայկ Մարությանն ու նրա մամուլի քարտուղար Հակոբ Կարապետյանը հայտարարում են, որ ԱԺ նախկին պատգամավոր Սամվել Ալեքսանյանը և նրա հետ փոխկապակցված անձինք նվիրատվություն չեն արել, ես հասկանում եմ, որ իրենք թաքցնելու բան են ունեցել, որովհետև այդ նվիրատվությունները ստացել են վաղուց ,-հայտարարել է Խաժակյանը: Անդրադառնալով դիտարկմանը, թե Երևանի քաղաքապետարանին 3 ԿամԱԶ նվիրած Ալեքս ընդ հոլդինգ ընկերությունը փաստացի Սամվել Ալեքսանյանին չի պատկանում, Անի Սամսանյանն ասել է. Մենք հիմար չենք, քաղաքացիներին էլ եկեք չհիմարեցնենք: Երբ Սամվել Ալեքսանյանի հետ փոխկապակցված ընկերությունների բացում է լինում, կարմիր ժապավեն պետք է կտրի ՀՀ վարչապետը, Սամվել Ալեքսանյանն է վարչապետի կողքին կանգնած լինում: Նիկոլ Փաշինյանն է բազմիցս հայտարարել, և բոլորն են հայտարարել, որ Սամվել Ալեքսանյանը կապ ունի այդ ընկերությունների հետ: Հիմա ասել՝ նա կապ չունի, կոչվում է՝ մարդկանց հիմարեցնել : Արձագանքելով դիտարկմանը, թե քաղաքապետարանին գործարարների կողմից նվերներ անելը կորպորատիվ սոցիալական պատասխանատվության դրսևորում է, Անի Սամսոնյանը նշել է՝ այդ դրսևորումը պետք է լինի կամավոր: Կորպորատիվ սոցիալական պատասխանատվության ինստիտուտը դեռևս չզարգացած՝ պետք չէ արժեզրկել այն, որովհետև դա ենթադրում է, որ յուրաքանչյուր բիզնես, յուրաքանչյուր գործարար պետք է անի մի բան, որը բարելավելու է իր տված վնասները շրջակա միջավայրին, քաղաքացիներին: Կարծում եմ՝ պետք է խուսափել այս ակնհայտ գործարքներից, որոնցում կան կոռուպցիոն ռիսկեր, ներկայացնել որպես կորպորատիվ սոցիալական պատասխանատվություն. դրանից կարող է լավ բան չստացվել ,-ամփոփել է Անի Սամսոնյանը: Հիշեցնենք, որ Երևանի քաղաքապետարանը նվեր է ստացել 20 բեռնատարներ, որոնք, ըստ ավագանու ընդդիմադիր ներկայացուցիչների, տրվել են շինթույլտվությունների դիմաց:

Related news

Latest News
Hashtags:   

Ցանկացած

 | 

խորացող

 | 

կոռուպցիոն

 | 

ռումբ

 | 

դառնալու

 | 

իշխանության

 | 

համար

 | 

Սամսոնյանը՝

 | 

իշխանության

 | 

ներկայացուցիչներին՝շինթույլտվությունների

 | 

դիմաց

 | 

Երևանին

 | 

ԿամԱԶ

 | 

նվիրաբերելու

 | 

վերաբերյալ

 | 
Most Popular (6 hours)

Most Popular (24 hours)

Most Popular (a week)

Sources