Wednesday 29 January 2020
Home      All news      Contact us      English
tert.am - 2 month ago

Հայաստանում կստեղծվի տվյալների մշակման կենտրոն. անձնական տվյալների մասին տեղեկությունը կմնա ՀՀ-ում և ինտերնետ հասանելիության խնդիրներ չեն լինի. «Softline Armenia» ընկերության տնօրեն

Softline Armenia ընկերությունը ստեղծելու է տվյալների մշակման կենտրոն, որի շնորհիվ անձնական տվյալների մասին տեղեկությունը կմնա Հայաստանում, ինչպես նաև ինտերնետ հասանելիության հետ կապված խնդիրներ չեն լինի: Այս մասին Tert.am-ի հետ զրույցում ասաց Softline Armenia ընկերության տնօրեն Սարգիս Հարությունյանը: Տվյալների կենտրոնի մշակման մասին մենք արդեն խոսում ենք մոտ 2 տարի, արդեն պատրաստվում ենք սկսել այդ նախագիծը: Այն իրենից ներկայացնում է data centre, տվյալների մշակման կենտրոն, որտեղ ծառայություններ են տրամադրվելու ցանկացած տեսակի անհատների և կազմակերպությունների՝ սկսած փոքր բիզնեսից, անհատներից մինչև կորպորատիվ հաճախորդներ ,- ասաց ընկերության տնօրենը: Տվյալների մշակման կենտրոնը, Սարգիս Հարությունյանի խոսքով՝ ներհայաստանյան է լինելու. Եթե հիմա օգտվում եք միջազգայինից, այս պարագայում կունենանք արդեն Հայաստանի ներսում գործող կենտրոն: Սրա դրական կողմն այն է, որ անձնական տվյալների մասին տեղեկությունը դուրս չի գա, կմնա Հայաստանում, ինտերնետի հասանելիություն հետ կապված խնդիրներ չենք ունենա ,- նշեց նա: Softline -ը ՏՏ ոլորտի միջազգային խոշորագույն կազմակերպություններից մեկն է: Ընկերությունը ներկա է մոտ 50 երկրում՝ 95 քաղաքներում, իսկ Հայաստանում այն գործում է 2008 թվականից: Softline Armenia -ն զբաղվում է ՏՏ տարբեր ծառայությունների մատակարարմամբ՝ ծրագրային ապահովում, սարքավորումների ներմուծում, վաճառք և այլն: Ըստ Սարգիս Հարությունյանի՝ Հայաստանի ՏՏ ընկերությունների տված պրոդուկտները միջազգային շուկայում մրցունակ են, բայց խնդիրն այն է, որ հայկական պրոդուկտներն ավելի քիչ են պահանջված հայկական շուկայում: Ընկերության տնօրենը Հայաստանում ՏՏ ոլորտի հիմնական խնդիրներից մեկն է համարում կրթության արդիականացումը: Softline Armenia -ի ղեկավարի կարծիքով՝ Հայաստանը բարձր տեխնոլոգիաների երկիր դառնալու նախադրյալներ ունի, բայց դժվարացավ կանխատեսումներ անել. Շատ հանգիստ կարող է Հայաստանը հայտնվել ՏՏ առաջատար երկրների ցանկում, որովհետև աշխարհագրական դիրք, տարածքներ պետք չեն այստեղ: ՏՏ զարգացման համար պետք են մտքեր, մարդիկ, որոնք այդ մտքերը կօգտագործեն: Այսօր մենք ունենք այդ պոտենցիալը : Մանրամասները՝ տեսանյութում:

Related news

Latest News
Hashtags:   

Հայաստանում

 | 

կստեղծվի

 | 

տվյալների

 | 

մշակման

 | 

կենտրոն

 | 

անձնական

 | 

տվյալների

 | 

մասին

 | 

տեղեկությունը

 | 

ինտերնետ

 | 

հասանելիության

 | 

խնդիրներ

 | 

Softline

 | 

Armenia

 | 

ընկերության

 | 

տնօրեն

 | 
Most Popular (6 hours)

Most Popular (24 hours)

Most Popular (a week)

Sources