Sunday 19 January 2020
Home      All news      Contact us      English
tert.am - 2 month ago

Հայաստանի և Ադրբեջանի արտգործնախարարների հանդիպման փաստը կարևոր էր, բայց բովանդակային առաջընթաց չարձանագրվեց. Ալեն Ղևոնդյան (տեսանյութ)

Բրատիսլավայում Հայաստանի և Ադրբեջանի արտաքին գործերի նախարարների հանդիպման փաստը կարևոր էր, սակայն շոշափելի առաջընթաց չարձանագրվեց: Այս մասին Հայացք Երևանից. Երկրագունդ հաղորդման շրջանակներում ասել է քաղաքագետ Ալեն Ղևոնդյանը: Աշխատանքային հանդիպում էր, մեծ հաշվով: Երբեմն այսպիսի հանդիպումների փաստը կարևոր է գործընթացը շարունակելու համար ,- ասել է նա: Նա հանդիպման փաստը դրական է գնահատել՝ միաժամանակ արձանագրելով, որ բովանդակային առաջընթաց չի գրանցվել: Ընդհանուր առմամբ, հանդիպման փաստը դրական եմ գնահատում: Մեկնաբանությունները, պաշտոնական հաղորդագրությունները հանդիպման փաստի իրողության մեջ լիովին տեղավորվում են: Բայց չեմ կարծում, որ բովանդակային առումով, կամ ընդհանրապես՝ ունենք շոշափելի առաջընթաց ,- ասել է Ղևոնդյանը: Նա առկա իրավիճակում անհնար է համարում կողմերի դիրքերի մերձեցումը, շոշափելի առաջընթացը բանակցային գործընթացում: Երբ որ խորը վերլուծության ենք ենթարկում պրոցեսները, հասկանում ենք, որ դիրքային մերձեցման հնարավորությունը փոքր է: Կողմերը պատրաստ չեն գնալ սկզբունքային զիջումների ,- ասել է նա: Անդրադառնալով երկու նախարարների հանդիպման նախաշեմին Ադրբեջանի կողմից տարածված հայտարարությանը՝ Ղևոնդյանն ընդգծել է, որ փաստաթղթում բովանդակային նորություն չկար, սակայն նման քայլն ինքնին նպատակ էր հետապնդում ապակառուցողական ազդեցություն գործել բանակցությունների վրա: Մեմորանդումի տարածումը, մի կողմից ուղղված էր բանակցությունների վրա ճնշում գործադրելուն, մյուս կողմից՝ թիրախը հայ հասարակությունն էր, որովհետև հանրային դիվանագիտության միջոցով կարող է ազդեցություն գործել մեր հանրային կարծիքի, ինքնավստահության վրա: Իզուր չէ, որ տարբեր մակարդակներով հնչեցվեցին բանակցային գործընթացից դուրս գալու կոչեր, դիտարկումներ և այլն ,- ասել է նա: Մանրամասները տեսանյութում։

Related news

Latest News
Hashtags:   

Հայաստանի

 | 

Ադրբեջանի

 | 

արտգործնախարարների

 | 

հանդիպման

 | 

փաստը

 | 

կարևոր

 | 

բովանդակային

 | 

առաջընթաց

 | 

չարձանագրվեց

 | 

Ղևոնդյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources