Monday 20 January 2020
Home      All news      Contact us      English
tert.am - 2 month ago

2019-ի 9 ամիսների համար օտարերկրյա ներդրումներն ամսական կազմում են 3.5 մլրդ դրամ, սա զրոյին մոտ թիվ է և չի սպասարկում հեղափոխության նպատակները. Միքայել Մելքումյան

Ազգային վիճակագրական կոմիտեն հրապարակել է ցուցանիշներ, ըստ որոնց՝ 2019 թվականի հունվար-սեպտեմբեր ամիսներին օտարերկրյա ուղղակի ներդրումները կազմել են կազմել են 32 մլրդ դրամ, որը եթե բաժանում ենք 9 ամսվա, ապա մոտավոր ստացվում է ամսական 3.5 մլրդ դրամ: Այս մասին 2020 թվականի բյուջեի նախագծի քննարկման ժամանակ ասաց ԱԺ Բարգավաճ Հայաստան խմբակցության պատգամավոր Միքայել Մելքումյանը:

Սա գրեթե զրոյին մոտ թիվ է: Սա արտահոսքի և ներհոսքի տարբերությունն է, որն ամսական կազմում է 3.5 մլրդ՝ մոտ 7 մլն դոլար։ Սա նորմա՞լ է, իհարկե ոչ: Այս թվերը չեն կարող սպասարկել այն նպատակները, որոնք դրված են բյուջեի բացատրագրում և այն նպատակները, որ հեղափոխությունից հետո հռչակվել են: Ամսական 7 մլն դոլարը շատ հեռու է իրական այն ակնկալիքներից, որ պետք է լիներ ,- ասաց նա: Ինչ վերաբերում է Վիճակագրական կոմիտեի հրապարակած տվյալների, ըստ որոնց 2019թ. օտարերկրյա ներդրումների ընդհանուր ծավալը կազմել է 128 մլրդ դրամ, Մելքումյանն ասաց, որ հրապարակվել է նաև աստղանիշով բացատրություն, որ բացի ուղղակի ներդրումներից դրա մեջ մտնում է նաև որպես հումք բերված նյութերը և դրանց դիմաց վճարումները կամ փոխառություններն ու վարկերը:

Դրանք ներդրումներ չեն, հումքի դիմաց վճարումները չի կարող համարվել ներդրում: Դրա համար ես շեշտում եմ, որ օտարերկրյա ուղղակի ներդրումները տնտեսության իրական հատվածում: Այսինքն՝ գրված 128 մլրդ-ը այլ բան է, 32-ը՝ մեկ այլ ,- ասաց նա:

Ըստ Մելքումյանի՝ իրենց քաղաքական ուժի մոտեցումները տարբերվում են իշխող ուժի քաղաքականությունից, նպատակները գուցե եղել են նույնը, բայց այն, ինչ արվում է, հեռու է բավարար լինելուց: Ես արդեն ասել եմ, որ ներդրողների հետ աշխատանքը հեռու է իրական լինելուց: Դրա համար այս պաշտոնական թվերը ապացուցում են այն, որ ո՛չ օրենսդրական կարգավորումներով, ո՛չ վարչարարությամբ անհնար է մեծածավալ ներդրումներ ներգրավել Հայաստանում: Այն օրենքները և այն օրենսդրական աշխատանքը, որ այստեղ կատարվում է, բերում ենք նախագծեր և դրանք գնում են տոտալ մերժումների և այդպիսով հակակշիռների ինստիտուտն իր տրամաբանական ազդեցությունը և գործողությունները չի իրականացնում: Սա խոսում է այն մասին, որ օրենսդրական աշխատանքի կազմակերպման մեջ ռեալ պրոբլեմ կա, և դուք գնում եք լճացման ճանապարհով ,- ընդգծեց պատգամավորը: Անդրադառնալով գյուղատնտեսության ոլորտին՝ նա ասաց, որ այս տարի ունենք անկում և հաջորդ տարի էլ անկում ենք նախատեսում. Դուք ի վերուստ ծրագրում եք, որ այդ ոլորտում աճ չենք ունենալու ,- ասաց նա:

Related news

Latest News
Hashtags:   

ամիսների

 | 

համար

 | 

օտարերկրյա

 | 

ներդրումներն

 | 

ամսական

 | 

կազմում

 | 

զրոյին

 | 

սպասարկում

 | 

հեղափոխության

 | 

նպատակները

 | 

Միքայել

 | 

Մելքումյան

 | 
Most Popular (6 hours)

Most Popular (24 hours)

Most Popular (a week)

Sources