Sunday 26 January 2020
Home      All news      Contact us      English
tert.am - 2 month ago

Մահացած զինծառայող Ա. Աջամյանը հարազատներից մեկին ասել է, թե զորամասում դժոխային վիճակ է. եթե ուզում են որևէ մեկին սպանել, տանում, դիրքերում են սպանում. փաստաբան

Արթուր Աջամյանը վերջին 2-3 ամսվա ընթացքում իր հարազատներից մեկին ասել է, որ խնդիր կա դիրքերում. եթե ուզում են որևէ մեկին սպանել, տանում, դիրքերում են սպանում: Այս մասին լրագրողների հետ զրույցում հայտարարեց մահացած զինծառայող Արթուր Աջամյանի ընտանիքի փաստաբան Հայարփի Սարգսյանը: Ասել է՝ զորամասում խնդիրներ կան, դժոխային վիճակ է տիրում ,-հավելեց փաստաբանը: Նա հայտնեց, որ այս պահին քրեական գործ է հարուցվել սպանության հոդվածով, ինքնասպանության հոդվածը հաստատված չէ: Ըստ փաստաբանի՝ Աջամյանը ճակատային հատվածում հրազենային վիրավորում է ունեցել. Ճակատից կրակված է, ծոծրակից դուրս է եկել, այսինքն՝ վերևից ներքև. ինքը չէր կարող իրեն պատճառել նման վնասվածք: Իր վրա նաև բռնության հետքեր կան ճակատի, ձեռքերի, ոտքերի հատվածներում, ընդ որում՝ տարբեր վաղեմության: Հնարավոր է՝ դրանից առաջ ծեծ է եղել ,-ասաց Սարգսյանը: Նա հայտնեց նաև, որ վիրավոր զինվորն այս պահին ծանր վիճակում է, դեմքի շրջանում հրազենային վնասվածք ունի, և ի վիճակի չէ հարցաքննվել: Նա, ապաքինվելու դեպքում, գործի քննությանը շատ կօգնի, քանի որ սպանության հոդված է առաջադրված, և այն վնասվածքները, որ ունի նաև Արթուր Աջամյանը, խոսում է այն մասին, որ իրենց նկատմամբ ոտնձգություն, բռնություն է տեղի ունեցել, հետևաբար վիրավոր զինվորը կարող է խոսել այն անձանց տվյալների մասին, ովքեր դա իրագործել են ,-ասաց Հայարփի Սարգսյանը: Հիշեցնենք, որ դեկտեմբերի 2-ին՝ ժամը 06:50-ի սահմանում, ՊԲ հյուսիս-արևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1998թ. ծնված Արթուր Իշխանի Աջամյանը, իսկ զինծառայող, 1999թ. ծնված Դավիթ Հարությունի Մելիքբեկյանը վիրավորվել է: Այս մասին հայտնել էին Արցախի պաշտպանության նախարարությունից։

Related news

Latest News
Hashtags:   

Մահացած

 | 

զինծառայող

 | 

Աջամյանը

 | 

հարազատներից

 | 

մեկին

 | 

զորամասում

 | 

դժոխային

 | 

վիճակ

 | 

ուզում

 | 

մեկին

 | 

սպանել

 | 

տանում

 | 

դիրքերում

 | 

սպանում

 | 

փաստաբան

 | 
Most Popular (6 hours)

Most Popular (24 hours)

Most Popular (a week)

Sources