Saturday 25 January 2020
Home      All news      Contact us      English
tert.am - 2 month ago

Չափազանց կարևոր է, որ ազգային անվտանգության մարմինները լինեն թափանցիկ, բայց չպետք է բարելավելու փոխարեն վատթարացնենք վիճակը. Վլադիմիր Վարդանյանը՝ ԼՀԿ նախագծի մասին

Ես վերահաստատում եմ պարոն Էդմոն Մարուքյանի ասածը, որ ՀՀ-ում իշխանության թափանցիկությանը և խորհրդարանական վերահսկողությանն այլընտրանք գոյություն չունի, բայց սա որևէ աղերս չունի այն հարցի հետ, որը մենք քննարկում ենք : Այս մասին խորհրդարանում Ազգային անվտանգության մարմիններում ծառայության մասին ՀՀ օրենքում փոփոխություններ կատարելու մասին հարցի քննարկման ժամանակ ասաց ԱԺ պետաիրավական մշտական հանձնաժողովի նախագահ Վլադիմիր Վարդանյանը: Նշենք, որ նախագիծը ներկայացրել է Լուսավոր Հայաստան խմբակցությունը: Մենք բավականին երկար քննարկել ենք նշված նախագիծը, փորձել ենք գտնել լուծում, որը կլիներ և սահմանադրական, և հնարավորություն կտար ապահովել, որ այդ համակարգերը չխարխլվեն, բոլոր ջանքերը գործադրել ենք ,- ասաց նա: Ըստ Վարդանյանի՝ այդ մարմինների ղեկավարների տեղակալներն ունեն միայն պատվիրակած լիազորություն, ինքնուրույն լիազորություններ չունեն, հետևաբար, պետք էր ազատականացնել, համակարգից դուրս նշանակել նաև տեղակալներին: Ազատականացնելու դեպքում նրանք պետք է ունենան հավասար կարգավիճակներ: Երկար քննարկումների արդյունքում եկանք այն եզրակացության, որ այս պարագայում, այս փուլում, սահմանադրական առկա կանոնակարգումները մեզ թույլ չեն տալիս ունենալ սահմանադրական լուծում, լուծում, որը հնարավորություն կտա մեզ չխարխլել այն համակարգերը, որոնք ձևավորվել են ,- ասաց նա:

Ինչ վերաբերում է խորհդարանական վերահսկողությանը, նա նշեց, որ չի հիշում դեպք, երբ խորհրդարանը հրավիրած լինի որևէ կառույցի ղեկավարի, և նրանք չներկայանան: Դնել վարչապետի ենթակա մարմինների վրա նման պարտականություն՝ խմբակցության կանչով որոշակի ժամանակահատվածով ներակայանալ քննարկմանը, նշանակում է՝ ոչ թե ուժեղեացնել խորհդարանական իշխանությունը, այլ մխրճվել գործադիրի աշխատանքների մեջ ,- ասաց նա: Վարդանյանը շեշտեց, որ չափազանց կարևոր է, որ այդ ոլորտները լինեն թափանցիկ. Արմատական փոփոխություններ պետք են, բայց դրան զուգահեռ չպետք է ստեղծել իրավիճակ, որ ոչ թե բարելավենք, այլ վատթարացնենք վիճակը ,- հավելեց նա: Արդարադատության նախարարի առաջին տեղակալ Ռաֆիկ Գրիգորյանն էլ նշեց, որ գործադիրում որևէ կերպ չի փոխվել ազատականացման գաղափարը: Սակայն, նա նշեց, որ ներկայիս կարգավորումների պարագայում լուծումը հնարավոր չէ տալ. Յուրաքանչյուր լուծում, որ կտրվի այս օրենքով, կլինի հատվածական ,- ասաց նա:

Related news

Latest News
Hashtags:   

Չափազանց

 | 

կարևոր

 | 

ազգային

 | 

անվտանգության

 | 

մարմինները

 | 

լինեն

 | 

թափանցիկ

 | 

չպետք

 | 

բարելավելու

 | 

փոխարեն

 | 

վատթարացնենք

 | 

վիճակը

 | 

Վլադիմիր

 | 

Վարդանյանը՝

 | 

նախագծի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources