Sunday 8 December 2019
Home      All news      Contact us      English
tert.am - 15 days ago

Հրավիրում ենք Արայիկ Հարությունյանին մեր պահանջների շուրջ քննարկման, հուսով ենք նա կգա. ԿԳՄՍ նախարարի հրաժարականը պահանջող երիտասարդները դադարեցնում են նստացույցը (տեսանյութ)

ԿԳՄՍ նախարարության դիմաց շարունակվում է ՀՅԴ երիտասարդների բողոքի ակցիան՝ նախարար Արայիկ Հարությունյանի հրաժարականի պահանջով: Նախաձեռնող խմբի անդամները հանդես եկան մամուլի ասուլիսով: ՀՅԴ ՀԵՄ կենտրոնական վարչության անդամ Քրիստինե Վարդանյանը շեշտեց, որ իրենց կողմից նախարարի հրաժարականը պայմանավորված է ԿԳՄՍ նախարարության կողմից անցնող մեկուկես տարում վարվող քաղաքականության պատճառով. Հիմնական խնդիրներին անդրադարձ չի կատարվում, լուծումներ չի փնտրվում, և այդ ֆոնին օրակարգ է բերվում կոսմետիկ փոփոխություններ, որոնք վերածվել են, կարծեք, հայագիտական բլոկի դեմ արշավի, և այն ֆինանսավորումները, որոնք մեզ համար նպատակային առումով կասկածելի են : Նրանք ևս մեկ անգամ կոչ արեցին խորհրդարանական ընդդիմությանը արտահայտել ժողովրդի լայն զանգվածների շահերը և զբաղվել նրանով, ինչով իրենք կոչված են զբաղվելու՝ լինելով պատգամավոր, այն է՝ բարձրացնել բնակչությանը հուզող հարցերը երկրի թիվ մեկ ամբիոնից: Մեր պահանջն է, որ ԿԳՄՍ նախարարը հրապարակի իր քաղաքականությունը կրթության, գիտության, սպորտի և մշակույթի ոլորտներում և այն առաջնահերթությունները, որով ինքն առաջնորդվում է այս ոլորտում որևէ քայլ անելիս ,- ասաց Քրիստինե Վարդանյանը: Նա նշեց, որ հիմա Արայիկ Հարությունյանը երկրում չէ, վերադարձից հետո պատրաստվում են հրավիրել նրան քննարկման: Պատրաստ ենք ունենալ հրապարակային հանդիպում-քննարկում պարոն Արայիկ Հարությունյանի հետ՝ մեր պահանջների շուրջ ,- նշեց նա և հավելեց. Պրոֆեսորադասական անձնակազմի հետ իրենց կազմակերպած քննարկումն այդքան էլ քննարկում չէր հիշեցնում: Այս օրերի ընթաքում մենք առիթ ունեցանք կառուցողական քննարկումների փորձ դիզելու և այդ փորձը մեզ կօգնի Արայիկ Հարությունյանի հետ ավելի կառուցողական քննարկում ունենալ, քան նրա և պրոֆեսորադասախոսական անձնակազմի հետ եղած քննարկումը : ՀՅԴ ՀԵՄ կենտրոնական վարչության անդամ Գոռ Սարգսյանն էլ հավելեց, որ մինչև այսօր նախարար Արայիկ Հարությունյանը չի ասել, թե հետ են կանգնում իրենց վարած քաղաքականությունից: Այս ամենի շուրջ մենք այստեղ կհրավիրենք Արայիկ Հարությունյանին, կարծում ենք, որ Արայիկ Հարությունյանը կգա, կհանդիպի, և բոլոր հարցերին պատասխան կտա ,- ասաց նա: Վերջում նրանք հավելեցին, որ երկուշաբթի օրվանից էլ չեն լինի ԿԳՄՍ դիմաց, սակայն հրաժարականի պահանջն ուժի մեջ է, հրավիրում են Հարությունյանին քննարկման:

Related news

Latest News
Hashtags:   

Հրավիրում

 | 

Արայիկ

 | 

Հարությունյանին

 | 

պահանջների

 | 

շուրջ

 | 

քննարկման

 | 

հուսով

 | 

նախարարի

 | 

հրաժարականը

 | 

պահանջող

 | 

երիտասարդները

 | 

դադարեցնում

 | 

նստացույցը

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources