Monday 9 December 2019
Home      All news      Contact us      English
tert.am - 17 days ago

«Արայի՛կ, հեռացի՛ր» վանկարկումներով Բրյուսելում ՀՅԴ-ական երիտասարդները պահանջել են ԿԳՄՍ նախարարի հրաժարականը (տեսանյութեր)

ՀՅԴ Բելգիայի երիտասարդական միությունն այսօր Բրյուսելում բողոքի ակցիա է իրականացրել ԿԳՄՍ նախարար Արայիկ Հարությունյանի կատարած այցի ընթացքում։ Արայի՛կ, հեռացի՛ր վանկարկումներով և Կա միայն մեկ դաշնակցություն պաստառներով ցուցարարները պահանջել են նախարարի հրաժարականը:

Մենք եկել ենք Արայիկին ասելու, որ կա մեկ դաշնակցություն: Մենք նրա դուրս գալուն ենք սպասում, բայց կարծես, թե մեզանից վախենում է և մինչև հիմա դուրս չի եկել ,- նշել է մասնակիցներից մեկը: Մի քանի ժամ սպասելուց հետո ՀՅԴ-ական երիտասարդներին հաջողվել է հանդիպել Արայիկ Հարությունյանին: Նախարարին մոտենալով՝ երիտասարդները իրենց խոսքն են ուղղել՝ ասելով, որ կա միայն մեկ դաշնակցություն, ինչին հաջորդել է նախարարի հարցը. Բա ինչի՞ եք այսքան քիչ : Երիտասարդներից մեկը նշել է, որ առավոտյան 6-ից սպասում էին: Նաև ուզում էինք ասել, որ դեմ ենք Ձեր վարած ապազգային քաղաքականությանը: Ի պատասխան երիտասարդի խոսքին՝ նախարարն ասել է. Գիտեմ Ձեր հայաստանցի գործընկերների ապազգային քաղաքականության մասին, բայց իմինի մասին՝ ոչ : Մարտի 1-ը եղել է ձեր իշխանության օրոք, եղե՞լ է: Հոկտեմբերի 27-ը եղել է ձեր իշխանության ժամանակ: Կրթական համակարգում ամենամեծ կոռուպցիան եղել է ձեր օրոք: Եթե ցանկանում եք, ես կհանդիպեմ ձեզ հետ, և քննարկում կանցկացնենք ,- ասել է նախարարը: Երիտասարդներից մեկը պատասխանել է, որ հանդիպման հրավերը մերժում են և փոխարենը նախարարի հրաժարականն են պահանջում:

Հիշեցնենք՝ ԿԳՄՍ նախարար Արայիկ Հարությունյանը Ֆինլանդիայի գիտության և մշակույթի նախարարի հրավերով մեկնել է Բելգիայի Թագավորություն (Բրյուսել)՝ մասնակցելու ԵՄ խորհրդում Ֆինլանդիայի նախագահության շրջանակում կայանալիք Արևելյան գործընկերության կրթության հարցերով նախարարական հանդիպմանը: Մանրամասները՝ տեսանյութերում։


Related news

Latest News
Hashtags:   

Արայի՛կ

 | 

հեռացի՛ր

 | 

վանկարկումներով

 | 

Բրյուսելում

 | 

երիտասարդները

 | 

պահանջել

 | 

նախարարի

 | 

հրաժարականը

 | 

տեսանյութեր

 | 
Most Popular (6 hours)

Most Popular (24 hours)

Most Popular (a week)

Sources