Sunday 15 December 2019
Home      All news      Contact us      English
tert.am - 24 days ago

2020 թ. բյուջեի կանխատեսումը մեզ համար անհասկանալի է. քաղաքապետարանը 2019 թ. հատկացված գումար ունեցել է, սակայն չի ծախսել. Երևանի ավագանու անդամ

Երևանի քաղաքապետարանի 2020 թ. բյուջեի նախագծից ամենակարևոր դիտարկումն այն է, որ թվի կանխատեսելիությունն ավելի մեծ է: Մեր գործընկերները 107 մլրդ դրամ բյուջե են կանխատեսում: Այս մասին լրագրողների հետ զրույցում ասաց ավագանու Բարգավաճ Հայաստան խմբակցության ադամ Հռիփսիմե Առաքելյանը: Մեր գործընկերները բյուջեն 107 մլրդ դրամ են կանխատեսում, քանի որ կարծում են՝ հավաքագրումներն ավելի շատ են լինելու: Այստեղ պետք է նկատել, որ աշխատավարձերի որոշակի բարձրացման տոկոսայնության հետ կապված պետական սուբսիդավորումը շատացել է: Այստեղ մանիպուլյացիա կա ,- ասաց նա: Առաքելյանը ցանկացավ բյուջեի դեֆիցիտի վրա ուշադրություն դարձնել, ասելով, որ դեֆիցիտը մոտ 9 մլրդ 100 մլն դրամի չափ է: Նա նշեց, որ դեֆիցիտն առաջացել է նախորդ տարի երկրում տեղի ունեցած քաղաքական գործընթացների հետևանքով: 2020 թ. բյուջեի կանխատեսումը մեզ համար անհասկանալի է, որից շատ ընդգծված կերպով նեղվում են մեր գործընկերները: Բայց մենք պարզաբանման կարիք ունենք, թե նման մեծ դեֆիցիտի պատճառը որն է: Արձանագրեմ, որ վերջին 5 տարիների ընթացքում քաղաքային բյուջեի ամենամեծ դեֆիցիտը եղել է 200 մլն դրամ ,- նշեց ավագանու անդամը: Առաքելյանը հիշեցրեց փոխքաղաքապետ Հայկ Սարգսյանի այն հայտարարությունը, որ քաղաքապետարանը 2019 թ. հատկացված գումարն ունեցել է, սակայն այն չի ծախսել: Առաքելյանի խոսքով՝ նրանց հարցադրումն այն է, թե ինչու այդ գումարը չի ծախսվել և փոխանցվում է 2020 թ. բյուջե: Նրանց այս հարցին պատասխանել են, որ մի շարք հարգելի պատճառներ կան, ինչպես, օրինակ՝ Սանիթեք ընկերությանը ոչ պատշաճ աշխատանք կատարելու համար չվճարելը:

Related news

Latest News
Hashtags:   

բյուջեի

 | 

կանխատեսումը

 | 

համար

 | 

անհասկանալի

 | 

քաղաքապետարանը

 | 

հատկացված

 | 

գումար

 | 

ունեցել

 | 

սակայն

 | 

ծախսել

 | 

Երևանի

 | 

ավագանու

 | 

անդամ

 | 
Most Popular (6 hours)

Most Popular (24 hours)

Most Popular (a week)

Sources