Monday 9 December 2019
Home      All news      Contact us      English
tert.am - 18 days ago

Եթե հասարակությունը չսթափվի, Փաշինյանը շուտով Արցախի վերաբերյալ կործանարար փաստաթուղթ կստորագրի. Մարգարիտ Եսայան (տեսանյութ)

Ինձ համար հավաստի չէ, որ Նիկոլ Փաշինյանն ու Լևոն Տեր-Պետրոսյանը մինչև օրս իրար հետ կապ չունեն: Այն քաղաքականությունը, որը վարում է Փաշինյանն Արցախի հարցում, Տեր-Պետրոսյանական գծի շարունակությունն է: Այս մասին Անժելա Թովմասյանի՝ Արմնյուզ ՀԸ հեռարձակվող հեղինակային հաղորդաշարի ժամանակ ասել է նախկին պատգամավոր Մարգարիտ Եսայանը: Անդրադառնալով ՀՀԿ-ի կողմից տարածած այն հայտարարությանը, թե Սերժ Սարգսյանն ու Նիկոլ Փաշինյանը չեն հանդիպել իրար և իրար հետ ընդհանրապես կապ չունեն, ի՞նչ է փորձում հստակեցնել Հայաստանի Հանրապետական կուսակցությունը, Մարգարիտ Եսայանն ասել է, որ այդ հայտարարությունը տարածելն իրենց կուսակցության քաղաքական որոշումն է, որպեսզի բոլոր հնարավոր կասկածները փարատվեն: Հարցին՝ ինչո՞ւ են այսօր շատերը փորձում իրենց անունը հեռու պահել հանրապետականներից, այդ ի՞նչ է արել ՀՀԿ-ն, Մարգարիտ Եսայանն ասել է, որ կուսակցությունն այսօր չէ, որ հայտնվել է այսպիսի վատ վիճակում, այլ մոտ երկու տարի առաջ, երբ հասարակության մի զանգված դեմ դուրս եկավ ՀՀԿ-ին: Եսայանի խոսքով՝ այնպես չէ, որ միայն ՀՀԿ-ն է վատ վիճակում, այլ բոլոր քաղաքական ուժերը. Հարց է առաջանում՝ վատ վիճակում հայտնված քաղաքական ուժերը պատրա՞ստ են համախմբվել ու փորձել դուրս բերել երկիրն այս վիճակից : Դիտարկմանը՝ դեռ որքա՞ն է ՀՀԿ-ն պատրաստվում օգտակար լինել իշխանությանը, քանի որ Նիկոլ Փաշինյանն անընդհատ վախեցնում է հանրապետականներով, ասելով, որ, եթե մենք գնանք, կգան նախկինները, Եսայանն ասել է, որ քանի որ Փաշինյանն անելիք չունի, բնականաբար, անընդհատ հիշում է նախկիններին: Մարգարիտ Եսայանը կարծում է, որ հասարակությունը հոգեբանական անհասկանալի վիճակում է և, եթե այդ վիճակից դուրս չգա, չսթափվի, առաջիկայում Նիկոլ Փաշինյանը կստորագրի կործանարար մի փաստաթուղթ, որը բոլորին ծանր վիճակում կթողնի: Հարցին՝ ի՞նչ փաստաթղթի մասին է խոսքը, Եսայանը նշել է, որ խոսքն Արցախի համար կործանարար փաստաթղթի մասին է: Խոսելով Արցախի հարցում այս իշխանության վարած քաղաքականության մասին՝ Մարգարիտ Եսայանն ասել է, որ տեսնում է, թե ինչպես է Նիկոլ Փաշինյանն Արցախի հարցում վարում ոչ հայանպաստ քաղաքականություն: Վերջինիս խոսքով՝ Արցախն ու արցախցին իրենց տեսակով բարդ են և Հայաստանն ու Հայաստանի իշխանություններն իրավունք չունեն Արցախի վերաբերյալ մերկապարանոց հայտարարություններ անել:

Related news

Latest News
Hashtags:   

հասարակությունը

 | 

չսթափվի

 | 

Փաշինյանը

 | 

շուտով

 | 

Արցախի

 | 

վերաբերյալ

 | 

կործանարար

 | 

փաստաթուղթ

 | 

կստորագրի

 | 

Մարգարիտ

 | 

Եսայան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources