Monday 16 December 2019
Home      All news      Contact us      English
tert.am - 25 days ago

Բիզնեսի ֆինանսավորման թվային նոր հնարավորությունները՝ Ամերաբանկում

Ամերիաբանկը, որպես թվայնացման ուղղությամբ զարգացող Բանկ, շարունակում է ընդլայնել առցանց ծառայությունների շրջանակը: Բիզնես վարկեր 5 րոպեում. կարևորելով տնտեսվարողների ժամանակի սղությունը Ամերիաբանկը բիզնեսի ֆինանսավորման համար ներկայացրեց ֆինանսական շուկայում բոլորովին նոր առաջարկներ, որոնց մեկնարկի և առանձնահատկությունների մասին խոսեց Ամերիաբանկի մանրածախ բանկինգի տնօրեն Արման Բարսեղյանը, ով ելույթը սկսեց եռամսյակի ամփոփ ցուցանիշները ներկայացնելով՝ նշելով, որ 2019 թվականի ընթացքում Ամերիաբանկի ֆիզիկական անձ հանդիսացող հաճախորդների քանակը 200.000-ից աճել է մինչև 250.000, մանրածախ ավանդների ծավալը՝ 244 միլիարդից հասել է 280 միլիարդի: Գրեթե բոլոր ծառայություններում գրանցելով 40-50 տոկոս աճ՝ առաջնային ենք համարում որակը: 2015 թվականից Ամերիաբանկն առաջատարն է ֆինանասական շուկայում. վերջին 5 տարում տարեկան 20 տոկոս միջին աճ ապահովելով՝ Ամերիաբանկը պահպանում է առաջատարի դիրքերը: Բանկն առաջինն է ակտիվների, պարտավորությունների, կապիտալի ցուցանիշներով և երկրորդը՝ ավանդների ծավալով: Բանկի հիմնական ռազմավարական ուղղություններն են թվայնացումը և ՓՄՁ բիզնեսը: Շարունակելով մնալ սպառողական վարկերի մատուցման առաջատարը՝ դրանց գերակշիռ մասը տրամադրվում է օնլայն տարբերակով: 2019 թվականի առաջին 9 ամսվա ընթացքում ինտերնետ բանկինգ գործածողների թիվն աճել է 73 տոկոսով: Այս և բազում այլ փաստացի աճ գրանցնած թվերը խոսում են, որ մենք բավականին լուրջ աճ ունենք ,- ասել է Ամերիաբանկի մանրածախ բանկինգի տնօրեն Արման Բարսեղյանը Առաջնորդվելով Օգտագործի՛ր վարկավորման գործընթացի ժամանակը քո բիզնեսի համար կարգախոսով Ամերիաբանկը ՓՄՁ-ներին առաջարկում է մինչև 150 մլն դրամ ցանկացած բիզնես վարկի համար դիմել առցանց, կցել փաստաթղթերն անմիջապես համակարգում և առցանց հետևել վարկային հայտի ընթացքին: Մենք փորձել ենք բիզնես վարկավորման ամբողջ գործընթացը տեղափոխել թվային հարթակ, նվազագույնի հասցնել բանկ այցելության կամ զանգի անհրաժեշտությունը, որպեսզի հաճախորդն առցանց համակարգում վարի այդ գործընթացը: Մենք շարունակում ենք առցանց ընդունել հայտերը և իրականացնել վարկերի հաստատումը: Սրան ավելանում է մի քանի բաղադրիչ ևս. մենք Հայաստանում հնարավոր ենք դարձրել ստանալ 1-10 միլիոն վարկ 5 րոպեում ,- ասել է Ամերիաբանկի Մանրածախ բանկինգի տնօրեն Արման Բարսեղյանը 1-10 մլն դրամ կամ արտարժույթով համարժեք վարկի/օվերդրաֆտի հայտի պատասխանը տրվում է ընդամենը 5 րոպեի ընթացքում: Վարկը կարող է տրամադրվել նաև առցանց առանց բանկ այցելության Ամերիաբանկի հաշվետեր հաճախորդ լինելու և ID քարտ ունենալու դեպքում, որի պարագայում տրամադրման վճար չի կիրառվում: Հայտն ավտոմատ կերպով չհաստատվելու՝ մերժվելու կամ լրացուցիչ վերլուծության անհրաժեշտության դեպքում բանկի մասնագետն այցելում է տվյալ բիզնեսի գործունեության վայր և տեղում պարզ վերլուծության միջոցով, տալիս նախնական պատասխան: Վերլուծության հիման վրա վարկը կարող է տեղում հաստատվել, լրացուցիչ հաստատման անհրաժեշտության դեպքում որոշումը կայացման համար կպահանջվի 1 աշխատանքային օր: Վարկը տրամադրվում է առանց անշարժ գույքի գրավադրման, իսկ վաղաժամկետ մարման դեպքում տուգանք չի գանձվում: Նշված գումարի սահմանում հնարավոր է նաև ավտոմատ ձևով՝ օնլայն հարթակում, վերաֆինանսավորել այլ բանկում գործող վարկերը առանց այդ բանկ այցելելու: 10-20 մլն դրամի կամ արտարժույթով համարժեք բիզնես վարկի/օվերդրաֆտի ստացման դեպքում անհրաժեշտ է ապահովել միայն մասնակի գրավ 10 մլն դրամից կամ համարժեք արտարժույթից բարձր գումարի համար: 10 միլիոնը մենք դիտարկում ենք առանց գրավի, իսկ 10 միլիոնը գերազանցող մասի համար ակնկալելու ենք գրավային ապահովվածություն: Այսինքն, եթե առցանց հայտը 20 միլիոն դրամ վարկի համար է, պետք է ներկայացնել 10 միլիոնի անշարժ գույք՝ որպես գրավ: Կարելի է գրավադրել նաև տրանսպորտային միջոցներ: Այդ ամենն օնլայն հարթակում, որտեղ կարելի է հետևել նաև, թե որ փուլում է վարկը: Տարածաշրջանում և Հայաստանում սա լուրջ փոփոխություն է ,- ասել է Ամերիաբանկի մանրածախ բանկինգի տնօրեն Արման Բարսեղյանը: Այս սահմանաչափի ներքո ևս հնարավոր է Ամերիաբանկ տեղափոխել այլ բանկերի կամ վարկային կազմակերպությունների բիզնես վարկերը առանց այդ ընկերություններ այցելելու: Առցանց կարելի է դիմել նաև 20-150 մլն դրամ կամ արտարժույթով վարկեր ստանալու համար: Ընդ որում, օնլայն հարթակում ընկերության տվյալները կարելի է մուտքագրել ընդամենը մեկ անգամ և առցանց դիմել տարբեր վարկերի ստացման համար: Խոսելով Թվային տեխնոլոգիաների և մասնաճյուղային ցանցի կարևորության մասին՝ Ամերիաբանկի մանրածախ բանկինգի տնօրենը նշեց, որ 2-ն էլ անհրաժեշտ են, մեկն առանց մյուսի թերի է: Մենք երկու ուղղությունը հավասարապես կարևորում ենք: Թվայինը զարգանում է, բայց դրա հետ մասնաճյուղայինի անհրաժեշտությունը չի փոխվում, գործառույթներն են փոխվում: Թվային տեխնոլոգիաներով գործարքների ծավալը կգրանցի ավելի արագ աճ, դրա հետ մեկտեղ Ամերիաբանկը շարունակելու է մասնաճյուղային ցանցի զարգացումը ,- ասել է Ամերիաբանկի մանրածախ բանկինգի տնօրենը: Անդրադառնալով հունվարի 1-ից ուժի մեջ մտնող հարկային օրենսգրքի փոփոխությանը՝ Արման Բարսեղյանը նշեց, որ այդ ժամանակ ստվերից դուրս կգան չհայտարարագրվող շրջանառությունների մի մասը, դա բանկերի համար կարևոր է, որովհետև վերլուծություններն արվում են առկա ինֆորմացիայի հիման վրա՝ որքան դա լինի ավելի արժանահավատ, այդքան Բանկը որակյալ որոշումներ կունենա: Մամուլի ասուլիսն ուղիղ հեռարձակվեց նաև Ամերիաբանկի ֆեյսբուքյան էջում, հետևորդներին հնարավորություն տալով օնլայն ստանալ իրենց հետաքրքրող հարցերի պատասխանները: Ամփոփելով խոսքը՝ Արման Բարսեղյանը նշեց, բանկերը պետք է ի վիճակի լինեն ճիշտ գնահատական տալ իրավիճակին և վարկավորել այնպիսի պայմաններով, որ խնդիրներ չստեղծվի ոչ հաճախորդների համար, ոչ՝ բանկի: Բիզնեսի վարկավորման համար Ամերիաբանկի ստեղծած այս նոր հնարավորությունները կնպաստեն երկրում ՓՄՁ-ների գործունեության ընդլայնմանն ու զարգացմանը:

Related news

Latest News
Hashtags:   

Բիզնեսի

 | 

ֆինանսավորման

 | 

թվային

 | 

հնարավորությունները՝

 | 

Ամերաբանկում

 | 
Most Popular (6 hours)

Most Popular (24 hours)

Most Popular (a week)

Sources