Monday 16 December 2019
Home      All news      Contact us      English
tert.am - 25 days ago

«Քեզ ոչ ոք չի հիշելու». Թուրքիայի խորհրդարանում ընդդիմադիրների և ներքին գործերի նախարարի միջև թեժ վեճին մասնակցել է նաև Կարո Փայլանը (լուսանկարներ, տեսանյութ)

Թուրքիայի խորհրդարանում նոյեմբերի 20-ին տեղի է ունեցել Ներքին գործերի նախարարության բյուջեի քննարկումը: Այս մասին տեղեկացնում է Gazete Duvar պարբերականը: Մինչ քննարկումը, թեժ բանավեճ է տեղի ունեցել ներքին գործերի նախարար Սուլեյման Սոյլուի և ընդդիմադիր պատգամավորների միջև: Սոյլուն, մտնելով խորհրդարան, սեղմել է իշխող Արդարություն և զարգացում կուսակցության պատգամավորների ձեռքը և անտեսել ընդդիմադիր պատգամավորներին: Թուրքիայի խորհրդարանի հայազգի պատգամավոր Կարո Փայլանը Սոյլուի պահվածքն անհարգալից է համարել և Սոյլուին համեմատել է ֆաշիստական Գերմանիայի Երրորդ ռեյխի գործիչներից Հայնրիխ Հիմլերի հետ: Հիմլերին այսօր ոչ ոք լավ ձևով չի հիշում: Սուլեյման Սոյլուն կարծում է, որ ինքը բռնապետական ռեժիմ է ստեղծելու և լռեցնելու է բոլորին, իսկ դրանից հետո ասելու է, որ իրեն բոլորը լավ են հիշելու: Ո՛չ: Քեզ ոչ ոք չի հիշելու ,- ասել է Փայլանը: Իսլամական ընդդիմադիր Saadet ( Երջանկություն ) կուսակցության պատգամավոր Ջիհանգիր Իսլամը Սոյլուին ուղղված իր խոսքում նշել է, որ բոլոր այն մարդկանց, որոնց Թուրքիայում չեն կարողանում լռեցնել, պիտակավորում են որպես դավաճան և բանտարկում: Սոյլուն էլ իր հերթին պատասխանել է Իսլամին՝ նրան անվանելով դավաճան և նշելով, որ բոլորն էլ գիտեն, որ նա սադրիչ է : Վիճաբանությանը մասնակցել են նաև իշխող Արդարություն և զարգացում և աջակողմյան Ազգայնական շարժում կուսակցությունների պատգամավորները: Թուրքիայի խորհրդարանի պետական ծրագրերի և բյուջեի հանձնաժողովի նախագահ Լյութվի Էլվանը Սոյլուի պահվածքը պայմանավորել է այն հանգամանքով, որ նախարարի ներս մտնելու ժամանակ ընդդիմադիր պատգամավորները ոտքի չեն կանգնել:

Related news

Latest News
Hashtags:   

հիշելու

 | 

Թուրքիայի

 | 

խորհրդարանում

 | 

ընդդիմադիրների

 | 

ներքին

 | 

գործերի

 | 

նախարարի

 | 

վեճին

 | 

մասնակցել

 | 

Փայլանը

 | 

լուսանկարներ

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources