Monday 16 December 2019
Home      All news      Contact us      English
azatutyun - 25 days ago

Փաշինյանին հարց ուղղած «բլոգերը» Ադրբեջանի ոստիկանությանը կից հանրայի խորհրդի անդամ է

Միլանի Հայ Առաքելական Սուրբ Քառասուն Մանկունք եկեղեցում հայ համայնքի ներկայացուցիչների հետ վարչապետ Նիկոլ Փաշինյանի հանդիպման ընթացքում մուտք գործած և ադրբեջանցի վիդեոբլոգեր ներկայացած Աթա Աբդուլաևը Ադրբեջանի ոստիկանությանը կից հանրայի խորհրդի անդամ է և ժամանակին անցել է քրեական գործով: Այս տեղեկությունները դեռ 2011 թվականին հրապարակել է «Ազատություն» ռադիոկայանի ադրբեջանական ծառայությունը: Այն ժամանակ Աբդուլաևը լրագրողների տեսադաշտում էր հայտնվել ընդդիմության ցույցերը ցրելիս իրավապահներին օգնելու իր գործողություններով: Միլանում երեկ հայ համայնքի ներկայացուցիչների հետ վարչապետ Նիկոլ Փաշինյանի հանդիպմանը Աթա Աբդուլաևը արտահերթ հարցի հնարավորություն պահանջեց, և վարչապետ Փաշինյանի թույլտվությամբ հնչեցրեց այն․ - «Ամբողջ ճանաչել է ադրբեջանցիների ցեղասպանությունը Հայաստանի կողմից, ե՞րբ սա կավարտվի: Պետք է ավարտել այս պատերազմը: Ազատեք մեր հողերը, խնդրում եմ»: Վարչապետ Նիկոլ Փաշինյանը նախ թույլատրեց, որ ադրբեջանցի բլոգերի օպերատորը ևս նկարահանելու հնարավորություն ունենա, և ի պատասխան բլոգերի անհանգստության, երաշխավորեց նրա անվտանգությունը, ինչից հետո արձանագրեց՝ անհնար է պատկերացնել, որ հայը հնարավորություն ունենար մուտք գործել ադրբեջանական կողմի նմանատիպ որևէ միջոցառման և հարց տալ Ադրբեջանի նախագահին: Ազատության» հարցին, թե անվտագության տեսանկյունից ինչպես է գնահատում այն փաստը, որ հակառակորդ պետության ներկայացուցիչը մուտք է գործում վարչապետի հանդիպմանը հայ համայնքի հետ, Փաշինյանի խոսնակ Վլադիմիր Կարապետյանն արձագանքեց․ - «Մուտքը ազատ էր: Յուրաքանչյուրը կարող էր մուտք գործել»: «Այսինքն, այստեղ վարչապետը իր անվտանգության աշխատակիցների թերացում չի՞ տեսնում»․ այս հարցին էլ Հայաստանի ղեկավարի խոսնակն արձագանքեց․ - «Չէ, ես էդ բացարձակ չեմ տեսնում: Ինքը մնացած մասնակիցների նման պատշաճ կերպ էր, կարծում եմ, իրեն պահում, նաև՝ պատկառելի հեռավորության վրա։ այդ առումով ես որևէ խնդիր, համենայն դեպս, չեմ տեսնում»: 

Related news

Latest News
Hashtags:   

Փաշինյանին

 | 

ուղղած

 | 

բլոգերը

 | 

Ադրբեջանի

 | 

ոստիկանությանը

 | 

հանրայի

 | 

խորհրդի

 | 

անդամ

 | 
Most Popular (6 hours)

Most Popular (24 hours)

Most Popular (a week)

Sources