Monday 9 December 2019
Home      All news      Contact us      English
tert.am - 18 days ago

2020-ի բյուջեն հեղափոխական անվանելը գեղարվեստական գրականության ժանրից է. այս Կառավարությունը տնտեսական որևէ քաղաքականություն չունի. Հրանտ Բագրատյան

2020թ. բյուջեն 2019թ. փաստացի եկամուտների համեմատ աճ չի նախատեսում: 5-րդ ալիք -ի եթերում հայտարարել է ՀՀ նախկին վարչապետ Հրանտ Բագրատյանը:

Եթե վերցնում ենք ՀՆԱ-ի աճը և գնաճը, ՀՆԱ-ն աճելու է 4.9%, գնաճը 4%, բյուջեն եկամուտներով աճելու է 8.3%: Այսինքն մեխանիկորեն է աճելու: Որպես արդյունք բյուջեի եկամուտները ՀՆԱ հարաբերակցությունն է, մնալու է 23.8%, ինչպես 2019-ին: Սա նշանակում է, որ 2020-ին գոնե 1 դրամ ստվերային տնտեսություն չի բացահայտվելու ,-պարզաբանել է Բագրատյանը: Նրա խոսքով 1992-2019թթ. 13 տարի շարունակ բյուջեի աճի տեմպը եղել է ավելի բարձր, քան 2020-ին է նախատեսվում, 1 տարի նույնն է եղել, 13 տարի ավելի ցածր է եղել. Միջակ ցուցանիշ է Հայաստանի նորագույն պատմության տնտեսական ցուցանիշների էվոլյուցիայի շարքում :

Արձագանքելով ՀՀ վարչապետ Նիկոլ Փաշինյանի որակմանը, թե 2020-ի բյուջեն հեղափոխական է, Բագրատյանը նշել է. Գեղարվեստական գրականության ժանրից է անվանել այս ամենը հեղափոխություն: Ես հեղափոխություն, արմատական շրջադարձ որևէ հարցում չեմ տեսել :

Ըստ Բագրատյանի այս իշխանություններն օտարերկրյա պետություններին րոպեական դուր գալու քաղաքականություն են վարում և չեն առաջնորդվում տնտեսական որոշումների տրամաբանությամբ: Այս պահին Կառավարությունը տնտեսական որևէ քաղաքականություն չունի: Գործերը թողած են ինքնահոսի: Ավելին Կառավարության վերևը կանգնած վարչապետը, իր երկու տեղակալները չունեն նույնիսկ բազային տնտեսագիտական կրթություն : Անդրադառնալով առողջապահության ոլորտի ծախսերին, որոնք 2018-ի համեմատ 2020-ին աճելու են 39.5%-ով, Հրանտ Բագրատյանը նշել է, թե այդ ծախսերն աննախադեպ չեն: Նախ 2019-ի համեմատ ավելանում են 21.9%-ով, դա ամենաբարձր ոլորտն է: Իմ պաշտոնավարման ընթացքում եղել է, որ առողջապահության ծախսերը 1 տարում 3 անգամ ավելացել են: Բայց ինձ հուզում է առողջապահության նախարարի ինտելեկտը, պոտենցիալ ունի՞ այդ գումարը ծախսելու. պարզվում է չունի ,- ասել է Բագրատյանը նշելով, որ առողջապահությունում այսօր պետք է ռեֆորմ արվի:

Երբ առողջապահությանը բյուջեից ֆինանսավորում ես՝ ոլորտը ամբողջությամբ, ինչը շարունակվում է տարիներ շարունակ, ապա դա ծախսային է: Առողջապահությունը պետք է ՀՆԱ արտադրի, իսկ դրա համար մենք պետք է ֆինանսավորենք հիվանդին: Մենք ֆինանսավորում են հիվանդանոցին, առողջապահական հաստատությանը: Պատահական չէ, որ նախարարը, առանց հասկանալու, իրեն հաշիվ տալու, որ նախարար է քաղաքականություն անելու համար, մի վանկ էր հրապարակել, որ այդ ավելացման հաշվին ևս 20 հիվանդություն կլինի պետության հաշվին: Օրինակ բոտուլիզմը, մալարիան: Չասենք դրանք կարևոր են, թե կարևոր չեն, փոքր բաներ են, բայց երբ ավելացնում ես, անվճար ես դարձնում, դրանից օգտվում են և՛ հարուստները, և՛ աղքատները: Պետք է հիվանդին ասել եթե ես ֆինանսավորում եմ քո հիվանդության բուժումը, դու ընտրիր հիվանդանոցը, որպեսզի մրցակցություն լինի ,- պարզաբանել է նա: Խոսելով աշխատավարձերի բարձրացմանն ու դրան զուգահեռ գնաճի մասին Հրանտ Բագրատյանը նշել է. Շատ հաճախ ինձ թվում է, թե Փաշինյանին ճիշտը չեն ասում, բայց Փաշինյանին այդպես հարիֆ պատկերացնել չի կարելի: Փաշինյանը լավ էլ հասկանում է, որ Հրանտ Բագրատյան կա, և իր ասածները պարզապես կջարդի :

Related news

Latest News
Hashtags:   

բյուջեն

 | 

հեղափոխական

 | 

անվանելը

 | 

գեղարվեստական

 | 

գրականության

 | 

ժանրից

 | 

Կառավարությունը

 | 

տնտեսական

 | 

քաղաքականություն

 | 

չունի

 | 

Հրանտ

 | 

Բագրատյան

 | 
Most Popular (6 hours)

Most Popular (24 hours)

Most Popular (a week)

Sources