Monday 16 December 2019
Home      All news      Contact us      English
tert.am - 25 days ago

Վրաստանի վարչապետը կարգադրել է կանգնեցնել գնաճը երկրում

Վրաստանի վարչապետ Գիորգի Գախարիան կոչ է արել երկրի Ազգային բանկին օգտագործել բոլոր միջոցները երկրում գների կայունացման համար: Այս մասին տեղեկացնում է netgazeti.ge կայքը: Այս մասին Գախարիան հայտնել է նոյեմբերի 21-ին տեղի ունեցած կառավարության նիստի ժամանակ: Հոկտեմբերին երկրում տարեկան մակարդակով գնաճը կազմել է 6,9%, այնինչ կանխատեսվում էր միայն 3%: Պարենային ապրանքների գինը երկրում աճել է 13,5%-ով: Փորձագետները գնաճը կապում են ազգային արժույթի արժեզրկման հետ: Վերջին կես տարվա ընթացքում լարին դոլարի նկատմամբ արժեզրկվել է 10%-ով: Կոչ եմ անում Ազգային բանկին ակտիվորեն օգտագործել բոլոր հնարավոր լծակները՝ գների կայունացման համար ,- հայտարարել է Գախարիան: Բացի այդ, վարչապետը հանձնարարել է ֆինանսների նախարարին զբաղվել վարկավորման քաղաքականության վերանայման հարցով: Հունվարից Վրաստանում արգելված է արտասահմանյան արժույթով 200 000 լարիին համարժեք գումարից պակաս վարկեր տրամադրել: Տնտեսական աճի արագացման նպատակով հանձնարարում եմ ֆինանսների նախարարին ուսումնասիրել և կառավարության հաջորդ նիստին մեզ տեղեկացնել, թե որքանով է հնարավոր արտասահմանյան արժույթով վարկերի տրամադրման սանդղակն իջեցնել մինչև 100 000 լարիի ,-ասել է Գախարիան: Մինչև 2019 թվականն արտասահմանյան արժույթով վարկերի տրամադրման ամենացածր սանդղակը եղել է հենց 100 000 լարին:

Related news

Latest News
Hashtags:   

Վրաստանի

 | 

վարչապետը

 | 

կարգադրել

 | 

կանգնեցնել

 | 

գնաճը

 | 

երկրում

 | 
Most Popular (6 hours)

Most Popular (24 hours)

Most Popular (a week)

Sources