Monday 9 December 2019
Home      All news      Contact us      English
tert.am - 18 days ago

Հույս ունենք, որ գերակա շահը կհանեն, և հանգիստ մեր տներում կապրենք. Կոնդի, Ֆիրդուսի, Եկմալյան փողոցի բնակիչներ

Մենք դիմում ենք գրում պարոն վարչապետին, բայց մեզ պատասխանում է ԺԵԿ-ը: Այս մասին լրագրողների հետ զրույցում ասաց ակցիայի մասնակիցներից մեկը: Ես ասում եմ, որ վարչապետը մեր խնդրին ծանոթ է, որովհետև երբ նա ընդդիմադիր էր, մենք հանդիպել ենք այս խնդրով, բայց ես չեմ ասում, որ նա հիմա մեր դիմումը ստանում է: Իմ գրած դիմումը վարչապետին չի հասնում, դիմումների բաժնից նամակը գնում է քաղաքապետարան, քաղաքապետարանից գնում է ԾԻԳ, ԾԻԳ-ից ԺԵԿ, ԺԵԿ-ից պատասխան է գալիս Փաշինյանի անունով: Սա է ամբողջ խնդիրը ,- ասաց նա: Ակցիայի մասնակիցը նշեց, որ այսօր ակցիա են անում, որ իրենց ձայնը լսվի. Երևի մեկը կգնա կասի՝ պարոն վարչապետ, էսպիսի խնդիր կա, ո՞նց է լուծվելու խնդիրը: Խնդրի լուծումը չկա, վարչապետին ինֆորմացիա չի հասնում, ինֆորմացիան ուրիշ տեղ է գնում: Ասում են՝ սպասեք դատական վճիռը լինի, բայց որ դատական վճիռը լինի, մեզ էլ ոչ մի բան պետք չի, շնորհակալություն կհայտնենք, մեր դռները կփակենք կհանձնենք, կթողնենք կգնանք ,- ասաց նա: Տերյան 25 շենքի բնակիչ ՄԵլինե Նավասարդյանն էլ ասաց, որ իրենք 2007 թ. գերի են գերակա շահին: Դատարանները մեզ ասում էին՝ թեև ձեզ հասկանում ենք, բայց վճիռ էին կայացնում հօգուտ Մայրապետյան Սամվելի: Հեղափոխությունից հետո մեզ մոտ հույս արթնացավ և ասում էինք՝ կարող է մեր հարցը լուծվել: Մեր դատերը շարունակվում են, մենք դատարաններում նոր առաջարկներ ենք անում, ասում ենք՝ եթե մեր շենքը պետք է անպայման քանդվի, մեզ Փոքր Կենտրոնում տվեք մեր բնակարաններին համահունչ բնակարաններ: Մեզ համար կարևոր է, որ մեզ լսեն, ու մեր հարցին լուծում տրվի, այդ գերակա շահը հեռանա մեզնից: Մենք հույս ունենք, որ գերակա շահը կհանեն, և մենք հանգիստ մեր տներում կապրենք ,- ասաց նա: Հիշեցնենք, որ երկար տարիներ խոսվում է Կոնդի բնակիչների բազմաբնակարանային շենքեր տեղափոխելու անհրաժեշտության մասին։ Բազմիցս այդ մասին հայտարարել են և՛ քաղաքային իշխանությունները, և՛ կառուցապատողները, որոնք պատրաստ են ստանձնել տարածքի շինարարությունը։ Կոնդի բնակիչները մտավախություն ունեն, որ եթե գործը հասնի տեղափոխման, ապա իրենց հատկացված բնակարանների մակերեսը ավելի փոքր կլինի ներկայիս տներից։ Խնդիրն այն է, որ սեփականաշնորհման ընթացքում բակային տարածքները հաշվի չեն առել, իսկ բուն տների մակերեսը, բնակիչների պնդմամբ, փաստաթղթերում սխալ է գրված։

Related news

Latest News
Hashtags:   

Հույս

 | 

ունենք

 | 

գերակա

 | 

կհանեն

 | 

հանգիստ

 | 

տներում

 | 

կապրենք

 | 

Կոնդի

 | 

Ֆիրդուսի

 | 

Եկմալյան

 | 

փողոցի

 | 

բնակիչներ

 | 
Most Popular (6 hours)

Most Popular (24 hours)

Most Popular (a week)

Sources