Sunday 8 December 2019
Home      All news      Contact us      English
tert.am - 18 days ago

Մեծամասնությունը դեմ է այն ամենին, ինչը քարոզվում է, Արայիկ Հարությունյանը պարտավոր է գոնե մի քիչ տղամարդկություն գտնել իր մեջ և հրաժարական ներկայացնել. Դավիթ Սահակյանց (տեսանյութ)

Կրթության, գիտության, մշակույթի և սպորտի նախարարության դիմաց նստացույց իրականացնող երիտասարդներին և ուսանողներին այսօր այցելել էր ռեժիսոր, մուլտիպլիկատոր Դավիթ Սահակյանցը՝ քննարկելու մշակույթի ոլորտում առկա խնդիրները: Ցանկացած մարդ, ով գոնե մի քիչ մտահոգ է այն ամենով, ինչը կատարվում է այսօր, կարծում եմ՝ պետք է ներկա լինի այստեղ, կանգնի երիտասարդների կողքին: Սա պարտադիր մասնակցության տեղ է, ոչ թե հրավեր ընդունելու ,- ասաց Դավիթ Սահակյանցը: Ռեժիսորին մտահոգում է իշխանությունների կողմից Հայաստանը գլոբալիզացիայի ճանապարհով տանելու հանգամանքը: Գլոբալիզացիան, նրա խոսքով, ազգայինը ոչնչացնելու ճանապարհն է: Կան ուժեր, որոնք փորձում են ամեն կերպ աջակցել այդ գլոբալիզացիայի տարածմանը: Առաջին հարվածը հասցվում է մշակույթին, քանի որ մշակույթի միջոցով է քարոզվում այս կամ այն գաղափարը: Եվ այն գաղափարները, որոնք այսօր առաջ են եկել, անդրադառնում են նաև հայկական մշակույթի դեմ արշավին: Վստահ եմ՝ սա ուղղորդվող պրոցես է, կա կոնկրետ նպատակ՝ մեզ բոլորիս մեր նախնիների հետ կապող թելերը ջնջելու և ամեն ինչը հարմարացնելու մեկ ստանդարտի: Սա մեծ ծրագիր է, որն իրականացվում է ամբողջ աշխարհով ,- նշեց նա: Հիշեցնենք նաև, որ ԿԳՄՍ նախարարի հրաժարականի պահանջի պատճառը մեծ աղմուկ բարձրացրած ՀուԶանք ու Զանգ ներկայացումն է, որի ֆինանսավորման համար ԿԳՄՍՆ-ն տրամադրել է 2 700 000 դրամ և Մել ֆիլմի ֆինանսավորումը, որի համար էլ հատկացվել է 20 մլն դրամ: Դժգոհության առիթ է նաև ԿԳՄՍՆ նոր օրինագիծը, որով նախատեսվում է բուհերում Հայոց լեզու և Հայոց պատմություն առարկաները դարձնել ոչ պարտադիր։ Ես համարում եմ, որ Արայիկ Հարությունյանը պատվեր է կատարում: Այն ուժերի պատվերը, ովքեր կանգնած են նման նախագծերի հետևում: Դրանք տարատեսակ լոբբիստական խմբեր են, մարդիկ, ովքեր օգնել են այս իշխանությանը գալ, նստել աթոռներին: Այսօր այդ մարդիկ դնում են իրենց պահանջները: Կամ դասախոսներին կանչել է Արայիկ Հարությունյանը և իրեն այնպես է պահում, որ զարմանում ես՝ ինչպես կարող է մարդն այդքան ցինիկ լինել և այդքան ատել այն ամենը, ինչի մասին ստիպված է խոսել: Ինքնահաստատվելու փոխարեն ավելի լավ է երկիրը կառուցեն, շենացնեն ,- ասաց Դավիթ Սահակյանցը: Ըստ Դավիթ Սահակյանցի՝ ամենամեծ խնդիրը ներկայիս իշխանությունների՝ բոլոր շերտերում պառակտումն է, որը բերելու է սարսափելի սցենարների: Նրա կարծիքով՝ պատերազմական վիճակում, սոցիալական վատ վիճակում գտնվող երկրում իշխանությունների առաջնահերթ անելիքը պետք է լիներ համախմբումը, ոչ թե պառակտումը: Մենք դեռ չենք ապրում այն վերջնական դիկտատուրայում, որին այսօրվա իշխանությունը ձգտում է, բայց մենք այսօր ունենք հնարավորություն բարձրացնելու մեր ձայնը, համախմբվելու ազգային գաղափարների շուրջ ,- ասաց մուլտիպլիկատորը: Դավիթ Սահակյանցը նաև նկատում է, որ ներկայիս իշխանությունների կողմից հեղափոխության ժամանակ տրված խոստումները, արված հայտարարություններն իրականությանը չեն համապատասխանում. Մարդիկ, երբ հասնում են իշխանության, մոռանում են առհասարակ ինչի համար և ինչպես են եկել իշխանության: Հաշվի չառնել մշակույթի գործիչների, սպորտային կազմակերպությունների հայտարարությունները, երիտասարդներին, որոնք պայքարում են. էլ ինչի համար էիք գալիս իշխանության: Ձեր խոստումը եղել է՝ դուք եք որոշելու, բարի եղեք այդ խոստումը կատարելու: Համոզված եմ՝ մեծամասնությունը դեմ է այն ամենին, ինչը քարոզվում է և Արայիկ Հարությունյանը պարտավոր է գոնե մի քիչ տղամարդկություն գտնել իր մեջ, գնալ այդ քայլին և հրաժարական ներկայացնել :

Related news

Latest News
Hashtags:   

Մեծամասնությունը

 | 

ամենին

 | 

քարոզվում

 | 

Արայիկ

 | 

Հարությունյանը

 | 

պարտավոր

 | 

տղամարդկություն

 | 

գտնել

 | 

հրաժարական

 | 

ներկայացնել

 | 

Դավիթ

 | 

Սահակյանց

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources