Thursday 5 December 2019
Home      All news      Contact us      English
tert.am - 16 days ago

Եթե այսօր պատգամավորները միայն կոճակ են սեղմում, հաջորդ ընտրությանը դա հենց իրենց ընտրողների համար պետք է լինի լավագույն դասը. Սոֆյա Հովսեփյան (տեսանյութ)

Ստամբուլյան կոնվենցիայի վավերացումն օրհասական խնդիր է, որն արհեստականորեն է առաջ բերվել, և այն պետք է քննարկվի: Արմնյուզ ՀԸ #ՕրաԽնդիր հաղորդմանը նման կարծիք է հայտնել ՀՀ ԱԺ Իմ քայլը խմբակցության պատգամավոր Սոֆյա Հովսեփյանը. Փոքր հարցերի պատճառով, ինչպիսին Ստամբուլյան կոնվենցիան է, մեծ աղմուկը կարող է անուշադրության մատնել կարևոր հարցերը: Մեզ համար առաջնահերթություն է անվտանգության հարցը: Մեր անվտանգությանը և պաշտպանությանը վերաբերող գործողությունները պետք է լինեն շարունակական : Պատգամավորը հիշեցրել է, որ եկող տարվա բյուջեում կրթությունն ու պաշտպանական ոլորտն աճում են. Առաջին անգամ զինվորի առողջությանն է ուշադրություն դարձվում, գումար է հատկացվում նրա վերականգնողական կարիքների համար : Հովսեփյանի պնդմամբ՝ ամեն պատգամավոր մինչև բյուջեի՝ օրակարգ մտնելը անհատապես քննում է դրա յուրաքանչյուր բաժինը, այնպես որ ԱԺ լիագումար նիստերի կիսադատարկ դահլիճն այս օրերին արտառոց չէ. Չի կարելի պատգամավորի դատարկ աթոռը տեսնելով՝ նրան գնահատական տալ : Սոֆյա Հովսեփյանի կարծիքով՝ կան ինչպես խոսող, այնպես էլ չխոսկան պատգամավորներ. Եթե ամեն մեկս օրենքի մեկ նախագիծ մշակենք, երկրում խնդիրները շատ ավելի արագ կլուծվեն: Ես ունեմ մշակած երկու օրինագիծ: Եթե պատգամավորը խնդիրների հանդեպ անտարբեր չէ, քաղաքացիները հենց նրան են դիմում: Պատգամավորը կարող է ելույթ չունենալ, բայց նրան գրավոր դիմումներ են ուղղում: Եթե այսօր պատգամավորները միայն կոճակ են սեղմում, հաջորդ ընտրությանը դա հենց իրենց ընտրողների համար պետք է լինի լավագույն դասը : Իմքայլական պատգամավորին մտահոգում են պաշտոնյաների հաճույքների վրա ծախսվող միջոցները, ավելին՝ նա հետևողական է լինելու նմանատիպ ծախսերի մասին պարզաբանումներ պահանջելու հարցում: Սոֆյա Հովսեփյանի կարծիքով՝ իր գործընկերները նոր են մտել խորհրդարան և շատ հարցերում չունեն փորձառություն. Մենք փորձառուների հետևանքները տեսել ենք 30 տարի շարունակ: Մեր մեկ վրիպակը դաս է 132 հոգու համար: Ես տեսել եմ ԱԺ-ի մի մոդել, որը չէր համընկնում իմ արժեհամակարգի հետ, և այսօր ես իմ արժեհամակարգը կրող մարդկանց եմ տեսնում այնտեղ : Պատգամավորի կարծիքով՝ Փաշինյանը չի կարող գուշակել՝ կկարողանա՞ կադրն աշխատել գործադիրում, և դրանով են պայմանավորված պարբերական ազատումները: Եկել է քաղաքական թիմ, որը գործադիրում երբևէ չի եղել: Բայց պրոֆեսիոնալները հերթով կհայտնվեն կառավարման ոլորտում ,- ամփոփել է Սոֆյա Հովսեփյանը: Դավիթ Սարգսյան

Related news

Latest News
Hashtags:   

այսօր

 | 

պատգամավորները

 | 

միայն

 | 

կոճակ

 | 

սեղմում

 | 

հաջորդ

 | 

ընտրությանը

 | 

իրենց

 | 

ընտրողների

 | 

համար

 | 

լավագույն

 | 

Սոֆյա

 | 

Հովսեփյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources