Thursday 5 December 2019
Home      All news      Contact us      English
tert.am - 16 days ago

Նվազագույն աշխատավարձի շուրջ առանցքային մտահոգությունն այլևս ակտուալ չէ, քանի որ մեր երկրում արդեն գրանցվել է նախարարի աշխատավարձի գաղտնի բարձրացման նախադեպ. փորձագետ

Նվազագույն աշխատավարձի շեմի բարձրացումը դրական է բոլոր իմաստներով տնտեսական, սոցիալական, նույնիսկ հոգեբանական: Այս մասին Tert.am-ի հետ զրույցում ասաց Հայացք վերլուծական կենտրոնի փորձագետ Լիլիա Ամիրխանյանը: Ընդդիմախոսության առիթը ոչ թե աշխատավարձի բարձրացումն է եղել, այլ բարձրացման չափը՝ 68 հազար դրամը՝ ի սկզբանե առաջարկված 63 հազարի դիմաց: Իսկ հիմնական խնդիրը կայացել է նրանում, որ նվազագույն աշխատավարձի այս շեմի հաստատումն առանց կանոնակարգումների, կազդի բազային աշխատավարձի վրա: Արդյունքում բարձր վարձատրվող պետական պաշտոնյաների աշխատավարձերն է լ ավելի կավելանան: Վատ է, բայց այս պահին այդ հարցն արդեն ակտուալ չէ, քանի որ մեր երկրում արդեն իսկ գրանցվել է նախադեպ, երբ առանց պատշաճ հիմնավորումների, գաղտնի հիմունքներով կրկնապատկվել են նախարարների աշխատավարձեր: Ուրեմն թող նվազագույնն էլ դառնա 68 հազար, գոնե 80 000 քաղաքացիները մի փոքր կշահեն , - մանրամասնեց Լ.Ամիրխանյանը: Փորձագետը նշեց, որ չնայած տարբեր պնդումներին, նվազագույն աշխատավարձի շեմի բարձրացման հիմքում շարունակում է մնալ գործատուների համար լրացուցիչ բեռի խնդիրը. Չի բացառվում, որ արդյունքում գործազուրկների թիվը մի փոքր ավելանա, սակայն չեմ կարծում, որ դա զգալի կլինի, քանի որ, ըստ էության, նվազագույն աշխատավարձի բարձրացումն էլ մեծ չէ : Լիլիա Ամիրխանյանը պնդում է նվազագույն աշխատավարձ ստացող մեր քաղաքացիների համար սա որոշակի տրամադրություններ ստեղծող քայլ է: Ցավոք, պետք է արձանագրենք, որ աշխատավարձի նվազագույն շեմի բարձրացումն ու սպասվող թանկացումների ժամանակացույցը համընկնում են և դա թույլ չի տա ընտանեկան բյուջեներում զգալի փոփոխություններ ունենալ ,- նշում է փորձագետը հիշեցնելով 2020թ. հունվարից շուրջ 700 անուն ապրանքատեսակների թանկացման մասին, որոնց թվում են նաև առաջին անհրաժեշտության ապրանքները:

Related news

Latest News
Hashtags:   

Նվազագույն

 | 

աշխատավարձի

 | 

շուրջ

 | 

առանցքային

 | 

մտահոգությունն

 | 

այլևս

 | 

ակտուալ

 | 

երկրում

 | 

արդեն

 | 

գրանցվել

 | 

նախարարի

 | 

աշխատավարձի

 | 

գաղտնի

 | 

բարձրացման

 | 

նախադեպ

 | 

փորձագետ

 | 
Most Popular (6 hours)

Most Popular (24 hours)

Most Popular (a week)

Sources