Monday 9 December 2019
Home      All news      Contact us      English
tert.am - 20 days ago

«Դուք չեք կարող փախստականներին որպես լծակ օգտագործել». Հունաստանի վարչապետը պատասխանել է Էրդողանին

Հունաստանի վարչապետ Կիրիակոս Միցոտակիսը պատասխանել է Թուրքիայի նախագահ Ռեջեփ Թայիփ Էրդողանի հնչեցրած սպառնալիքներին՝ փախստականների առաջ Եվրոպայի դռները բացելու մասին: Այս մասին տեղեկացնում է cumhuriyet.com.tr կայքը: Միցոտակիսը գերմանական Handelsblatt թերթին տված հարցազրույցում նշել է, որ Էգեյան ծովից Հունաստան մուտք գործած փախստականների թիվն ավելացել է: Այս ամենը նման կերպ չի կարող շարունակվել: Թուրքիան փախստականներին օգտագործում է որպես լծակ և փորձում է ինչ-որ բան շահել դրանից ,-նշել է Հունաստանի վարչապետը: Այնուհետև Միցոտակիսը, անդրադառնալով Էրդողանի սպառնալից հայտարարությանը փախստականների առջև դռները բացելու մասին, նշել է, որ ինքն Էրդողանին ասել է այն մասին, որ եթե Թուրքիան իրոք ցանկանում է բարիդրացիական հարաբերություններ կառուցել Հունաստանի հետ, ապա չի կարող փախստականներին նման կերպ օգտագործել : Հունաստանի վարչապետն ընդգծել է նաև, որ Թուրքիայի գործողությունները հակասում են ԵՄ-ի և Թուրքիայի միջև կնքված փախստականների մասին համաձայնագրին: Հիշեցնենք, որ հոկտեմբերին Թուրքիայի նախագահ Ռեջեփ Թայիփ Էրդողանը հայտարարել էր, որ իրենց երկիրն ընդունել է 3,5 միլիոն սիրիացի փախստականի, և եթե Եվրոպան իրենց գործողությունները Սիրիայում անվանի օկուպացիա, ապա նրանք կբացեն սահմանները փախստականների առաջ:

Related news

Latest News
Hashtags:   

կարող

 | 

փախստականներին

 | 

որպես

 | 

օգտագործել

 | 

Հունաստանի

 | 

վարչապետը

 | 

պատասխանել

 | 

Էրդողանին

 | 
Most Popular (6 hours)

Most Popular (24 hours)

Most Popular (a week)

Sources