Sunday 8 December 2019
Home      All news      Contact us      English
tert.am - 19 days ago

Ամոթ եմ զգում, որ այսպիսի նախարար ունենք, որը նման ոճով, ձևով կարող է խոսել դասախոսների հետ. ակտիվիստը՝ Արայիկ Հարությունյանի և դասախոսների հանդիպման մասին (տեսանյութ)

ԿԳՄՍ նախարարի և դասախոսների հանդիպման տպավորությունը վատն էր․ անկեղծ, ամոթ եմ զգում, որ նման նախարար ունենք, որը նման ոճով, նման ձևով կարող է խոսել դասախոսների հետ։ Այս մասին Tert.am-ի հետ զրույցում ասաց ՀՅԴ երիտասարդական միության կենտրոնական վարչության անդամ Գոռ Սարգսյանը։ Արայիկ Հարությունյանը մեղադրանքներով էր խոսում դասախոսների հետ, մեղադրում էր, որ ժամանակին ինչ-որ բաների դեմ չեն պայքարել։ Այդ մարդիկ մեծ ներդրում ունեն, տարիներով սերունդներ են դաստիարակել և այդ տոնայնությամբ նրանց հետ խոսելն ուղղակի անընդունելի է։ Մենք սպասում էինք, որ առողջ, բովանդակային քննարկում կլինի, օրինագիծը կքննարկվի, սակայն տեսանք լրիվ այլ բան ,- նշեց ակտիվիստը: Նախարար Արայիկ Հարությունյան նախօրեին կրկին խոսել էր նախարարությունում ՀՅԴ կառավարման տարիներին եղած կոռուպցիայի մասին՝ նշելով, որ կուսակցությունն անպայման կստանա արկղերով քրեական գործերը : Անդրադառնալով Արայիկ Հարությունյանի այս հայտարարությանը, ՀՅԴ ՀԵՄ անդամն ասաց. Զզվելի է այդ խոսակցությունն արդեն, որքան կարելի է խոսել դրա մասին։ Մենք կաշկանդված չենք, թող դիմեն համապատասխան մարմիններին և պատժեն այն մարդկանց, ովքեր կոռուպցիայով են զբաղվել : Հիշեցնենք, որ նախօրեին Կրթության, գիտության, մշակույթի և սպորտի նախարարությունում տեղի է ունեցել նախարար Արայիկ Հարությունյանի և ԵՊՀ դասախոսների հանդիպումը, որի ընթացքում քննարկվել է Հայոց լեզու և Հայոց պատմություն առարկաները բուհերում ոչ պարտադիր դարձնելու՝ նախարարության նախաձեռնության հարցը։ Երիտասարդները և ուսանողները շարունակվում են նստացույցը Կրթության, գիտության, մշակույթի և սպորտի նախարարության դիմաց: Այսօր երեկոյան նրանց է միանալու ռեժիսոր, մուլտիպլիկատոր Դավիթ Սահակյանցը. քննարկվելու են ոլորտի խնդիրները: Հիշեցնենք նաև, որ ԿԳՄՍ նախարարի հրաժարականի պահանջի պատճառը մեծ աղմուկ բարձրացրած ՀուԶանք ու Զանգ ներկայացումն է, որի ֆինանսավորման համար ԿԳՄՍՆ-ն տրամադրել է 2 700 000 դրամ և Մել ֆիլմի ֆինանսավորումը, որի համար էլ հատկացվել է 20 մլն դրամ: Դժգոհության առիթ է նաև ԿԳՄՍՆ նոր օրինագիծը, որով նախատեսվում է բուհերում Հայոց լեզու և Հայոց պատմություն առարկաները դարձնել ոչ պարտադիր։ Մանրամասները՝ տեսանյութում:

Related news

Latest News
Hashtags:   

զգում

 | 

այսպիսի

 | 

նախարար

 | 

ունենք

 | 

կարող

 | 

խոսել

 | 

դասախոսների

 | 

ակտիվիստը՝

 | 

Արայիկ

 | 

Հարությունյանի

 | 

դասախոսների

 | 

հանդիպման

 | 

մասին

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources